Dagblaðið Vísir - DV - 03.02.2015, Blaðsíða 12

Vikublað 3.–5. febrúar 201512 Fréttir Viðskipti
T
veir lykilstarfsmenn Straums
fjárfestingabanka hafa látið af
störfum hjá bankanum. Sam­
kvæmt heimildum DV til­
kynntu þeir Haraldur Ingólfur
Þórðarson, framkvæmdastjóri mark­
aðsviðskipta, og Steingrímur Arnar
Finnsson, sem starfar einnig í mark­
aðsviðskiptum hjá bankanum, um
uppsögn sína síðastliðinn föstudag.
Haraldur vildi í samtali við DV ekk­
ert tjá sig um uppsögnina á þessu stigi.
Ekki hafa fengist upplýsingar um
hvert þeir muni fara í framhaldinu.
Samtals eiga þeir 6% hlut í bank­
anum en félagið H3 ehf., sem er í
eigu Haraldar, á 4,5% hlut á meðan
Steingrímur á 1,5% hlut í gegnum
félagið Kormákur Invest. Harald­
ur hefur verið framkvæmdastjóri
markaðsviðskipta hjá Straumi frá því
í árslok 2011. Hann var áður fram­
kvæmdastjóri Fjárstýringar hjá Ex­
ista á árunum 2006 til 2010.
Ljóst þykir að brotthvarf þeirra er
mikil blóðtaka fyrir Straum en mark­
aðsviðskipti bankans, þar sem þeir
Haraldur og Steingrímur hafa gegnt
lykilhlutverki, hafa verið langsam­
lega stærsti tekjupóstur félagsins á
síðustu misserum. Staða Straums
í þeim óformlegu sameiningarvið­
ræðum sem hafa staðið yfir við MP
banka gæti að sama skapi veikst við
brotthvarf þeirra frá bankanum.
Samkomulag hefur einnig náðst
um að Páll Ragnar Jóhannesson láti
af störfum sem framkvæmdastjóri
fyrirtækjaráðgjafar Straums fjár­
festingabanka, samkvæmt heimild­
um DV. Hann verður bankanum þó
innan handar næstu mánuði.
Leó Hauksson mun taka við stöðu
framkvæmdastjóra fyrirtækjaráðgjaf­
ar Straums en hann hefur verið yfir­
maður viðskiptaþróunar hjá bank­
anum frá því um haustið 2013. Hann
starfaði áður hjá Kaupþingi og Ís­
landsbanka á árunum 1999 til 2011,
einkum í markaðsviðskiptum og
fyrir tækjaráðgjöf, áður en hann tók til
starfa hjá Straumi undir árslok 2011.
Páll Ragnar var ráðinn fram­
kvæmdastjóri fyrirtækjaráðgjafar
eftir að Halla Sigrún Hjartardóttir,
fyrrverandi stjórnarformaður Fjár­
málaeftirlitsins, hætti störfum hjá
bankanum í september 2013. Páll á
3,1% hlut í bankanum í gegnum fé­
lagið Sjónarhóll fjárfestingar. n
hordur@dv.is
Lykilstarfsmenn hætta hjá Straumi
n Framkvæmdastjóri markaðsviðskipta sagði upp n Nýr yfirmaður fyrirtækjaráðgjafar
Hættur Haraldur I. Þórðarson hefur verið
framkvæmdastjóri markaðsviðskipta hjá
Straumi í ríflega þrjú ár.
E
rlendir kröfuhafar Glitnis telja
að megintilgangur Heiðars
Más Guðjónssonar með því
að kaupa kröfu á slitabú Glitn­
is síðla árs 2014 hafi verið að
freista þess að binda endi á slitameð­
ferð búsins. Honum hafi verið mátt
ljóst, þegar hann keypti kröfuna, að
slitastjórn Glitnis – með stuðningi
meirihluta kröfuhafa – hafi í langan
tíma unnið að því að ná nauðasamn­
ingi í því skyni að hámarka endur­
heimtur almennra kröfuhafa.
Rétt eins og greint hefur verið frá
í DV hefur hópur stærstu kröfuhafa
Glitnis farið fram á meðalgöngu í máli
Ursus ehf., fjárfestingarfélags Heiðars
Más, gegn Glitni en hann lagði fram
gjaldþrotaskiptabeiðni á hend­
ur slitabúinu í desember á liðnu ári.
Vilja kröfuhafarnir, sem samanstanda
að langmestu af erlendum vogunar­
sjóðum, ganga inn í mál Heiðars og
að því verði vísað frá dómi.
Samtals fara 119 erlendir kröfu­
hafar, sem fara með tæplega 67%
samþykktra krafna Glitnis, fram á
meðalgöngu í málinu. Í greinar­
gerð sem var lögð fyrir Héraðsdóm
Reykjavíkur 23. janúar sl. kemur fram
að fjölgað hafi í hópi kröfuhafa – úr
87 í 119 – sem krefjast meðalgöngu
frá því að málið var fyrst tekið fyrir
í héraði þann 7. janúar. Heildarfjár­
hæð samþykktra krafna þeirra nem­
ur því um 1.540 milljörðum króna.
Meðalganga er þegar þriðji mað­
ur gerist að eigin frumkvæði, á
grundvelli laga um meðferð einka­
mála, aðili að dómsmáli annarra ef
úrslit þess skipta hann máli.
„Ítrekaðar breytingar“
Í gjaldþrotaskiptabeiðni félags
Heiðars Más, sem eignaðist sam­
þykkta kröfu að fjárhæð ríflega 3,1
milljón króna í nóvember á síðasta ári,
er bent á að umleitanir slitastjórnar
Glitnis til að ná fram nauðasamningi
hafi engum árangri skilað. Í greinar­
gerð kröfuhafa er þessu hafnað og
bent á að drög að frumvarpi að nauða­
samningi hafi verið kynnt Seðlabanka
Íslands í nóvember 2012 og einu ári
síðar hafi uppfærð drög verið kynnt
bankanum. Jafnframt hafi farið fram
fundur með slitastjórn og ráðgjöf­
um stjórnvalda við vinnu að losun
hafta 9. desember sl. þar sem tillögur
að nauðasamningi hafi verið ræddar.
Slíkum „áföngum í undirbúningi að
nauðasamningi“ hafi verið náð þrátt
fyrir „ítrekaðar breytingar á lagaum­
hverfi […] um fjármagnshöft.“
Tillögum Glitnis til að ljúka upp­
gjöri slitabúsins með nauðasamn­
ingi hefur ekki verið svarað af hálfu
Seðlabankans. Lengi hefur legið
fyrir sú afstaða stjórnvalda að þær
tillögur séu fjarri því að vera í sam­
ræmi við þá nálgun að tryggja verði
jafnræði við losun hafta.
Halda þjóðinni í gíslingu
Þeir kröfuhafar sem fara fram á
meðalgöngu í málinu leggja áherslu
á að slitastjórnin haldi áfram til­
raunum sínum til að fá nauðsyn­
legar undanþágur frá höftum. Telja
þeir því að hafna beri gjaldþrota­
skiptabeiðni Heiðars þar sem hætta
sé á því að eignir slitabúsins muni
að öðrum kosti lækka í verði.
Heiðar Már Guðjónsson hefur
sagt í samtali við DV að það sé
„ótrúlegt að þessir stóru erlendu
kröfuhafar ætli að halda íslenskum
kröfuhöfum bankanna – og þar með
íslensku þjóðinni – í gíslingu. […]
Sú staðreynd að fjármagnshöftin
hefti útgreiðslur til erlendra aðila
kemur slitabúunum sem slíkum
ekki við. Það er mál sem snertir þau
lög sem gilda um gjaldeyrismál, en
ekki lög um gjaldþrot.“ n
Telja tilganginn aðeins
að enda slitameðferð
Fleiri kröfuhafar Glitnis fara fram á meðalgöngu í máli Heiðars Más gegn Glitni
Hörður Ægisson
hordur@dv.is
Ursus gegn Glitni Reimar Pétursson,
lögmaður Heiðars Más, Ólafur Eiríksson,
lögmaður Glitnis, og Sigurður Örn Hilmars-
son, lögmaður erlendra kröfuhafa.
Heiðar Már
„Sú staðreynd að
fjármagnshöftin
hefti útgreiðslur til
erlendra aðila kemur
slitabúunum sem
slíkum ekki við.“
Cornell-háskóli
gegn Heiðari Má
Á meðal þeirra kröfuhafa sem krefjast
þess að ganga inn í mál Heiðars Más
er fjárfestingarsjóður Cornell-háskóla
í Bandaríkjunum. Samkvæmt nýjustu
kröfuskrá Glitnis, sem DV hefur undir
höndum, keypti Cornell-háskóli kröfur
á Glitni á síðasta ári fyrir samtals um
1.900 milljónir króna að nafnvirði. Miðað
við gangverð krafna Glitnis um þessar
mundir má ætla að markaðsvirði krafn-
anna sé um 570 milljónir króna.
Aðrir kröfuhafar sem fara fram á
meðalgöngu í málinu eru meðal annars
Burlington Loan Management, Deutsche
Bank AG í London, Third Point, Halcyon
Loan Trading Fund og Silver Point.
Burlington Loan Management er í eigu
bandaríska vogunarsjóðsins Davidson
Kempner en sjóðir á hans vegum hafa ver-
ið umsvifamiklir á Íslandi í kjölfar banka-
hrunsins. Þannig eru þeir langstærstu
einstöku kröfuhafar Glitnis – með um 11%
allra samþykktra krafna – og hafa einnig
keypt talsvert af kröfum á slitabú gamla
Landsbankans síðustu misseri.
5% með 258
milljarða í tekjur
Fimm prósent þeirra lands­
manna sem mestar eignir eiga
voru með 258 milljarða króna í
tekjur á árinu 2013. Það er um
21,5% af tekjum allra lands­
manna en hæst var þetta hlutfall
árið 2007 þegar það var 33,2%.
Þetta kom fram í svari Bjarna
Benediktssonar, fjármála­ og
efnahagsráðherra, við fyrirspurn
Árna Páls Árnasonar, formanns
Samfylkingarinnar, um þróun
eigna og tekna landsmanna á ár­
unum 1992–2013.
Sé horft til ríkasta 0,1% lands­
manna, sem eru um 200 fjöl­
skyldur, þá voru tekjur þessa
hóps um 28 milljarðar, en þar af
voru fjármagnstekjur 14,4 millj­
arðar króna.
Árið 2013 nam eigið fé þeirra
5% landsmanna sem mestar
eignir eiga ríflega 1.050 milljörð­
um króna. Það er um 48% af öllu
eigin fé Íslendinga en árið 1992
var hlutfallið 39,9%. Hæst fór það
í 56,3% árið 2010.
Þegar litið er til eigin fjár þess
1% sem mest á þá nam það 483
milljörðum króna árið 2013 sem
er um 22% af heildinni. Hins
vegar var eigið þess 0,1% sem
mest á 167 milljarðar á sama tíma
sem er 7,7% af heildinni.
Heildareignir þeirra 5% lands­
manna sem mest eiga námu
ríflega 1.255 milljörðum króna
á árinu 2013. Það er 31,5% af
heildareignum Íslendinga. Árið
1992 var þetta hlutfall 25% en
hæst fór það í 33,1% árið 2007.
Eignir ríkasta prósents lands­
manna námu að sama skapi 532
milljörðum árið 2013 sem var
13,3% af heildareignum. Hins
vegar námu eignir þeirra 0,1% Ís­
lendinga sem mestar eignir eiga
182 milljörðum króna en það eru
4,6% allra eigna landsmanna.
25 milljarða
viðskipti með
hlutabréf
Viðskipti með hlutabréf í Kaup­
höll Íslands námu tæplega
25 milljörðum króna í síðasta
mánuði og drógust viðskiptin
saman um 9% frá fyrri mánuði.
Samtals námu hlutabréfaviðskipti
1.181 milljón króna að meðaltali
á hverjum viðskiptadegi í janúar.
Það eru jafnframt minni viðskipti
en á sama tíma árið 2014 þegar
viðskiptin námu 1.246 milljónum
króna á dag.
Þetta kemur fram í viðskipta­
yfirliti Kauphallarinnar sem birt­
ist í gær.
Úrvalsvísitala Kauphallar Ís­
lands hækkaði um 5,4% í síðasta
mánuði. Mest voru viðskipti með
hlutabréf Icelandair, eða sem
nemur 7,4 milljörðum. Þar á eft­
ir komu viðskipti með bréf í HB
Granda en þau voru samtals um
fjórir milljarðar króna.