Dagblaðið Vísir - DV - 03.02.2015, Blaðsíða 10

10 Fréttir Vikublað 3.–5. febrúar 2015
Bíður 140
þúsunda
króna sekt
Ökumaður, sem ók Reykjanes-
brautina um helgina, mældist
á 159 kílómetra hraða þar sem
hámarkshraði er 90 kílómetrar
á klukkustund. Hans bíður 140
þúsunda króna fjársekt, svipt-
ing ökuleyfis í tvo mánuði og þrír
refsipunktar í ökuferilsskrá.
Fleiri ökumenn voru kærðir
fyrir hraðakstur en þeir fóru sér
nokkru hægar en sá ofangreindi.
Þá hafði lögreglan á
Suðurnesjum afskipti af öku-
manni sem ók bifreið sem hafði
ekki verið færð til skoðunar á rétt-
um tíma. Hún reyndist að auki
ótryggð þannig að skráningar-
númer voru fjarlægð af henni.
Þá voru allmargir ökumenn
staðnir að því að virða ekki stöðv-
unarskyldu eða leggja ólöglega.
Eldur í
Mánatúni
Allt tiltækt slökkvilið höfuð-
borgarsvæðisins var kallað að
Mánatúni í hádeginu á mánu-
dag. Samkvæmt upplýsingum
frá slökkviliðinu logaði eldur
í íbúð á annarri hæð hússins
sem er fjölbýlishús.
Ljóst er að nokkrar
skemmdir urðu á íbúðinni
sem um ræðir.
Hótaði að sýna
öllum myndirnar
n Fyrrverandi kærasti sendi ættingjum 22 ára pilts hefndarklám
É
g velti því fyrir mér hvort það
séu jafnvel fleiri í sömu stöðu
og ég, en við strákarnir töl-
um ekkert um svona hluti. Að
minnsta kosti mjög sjaldan,“
segir Ragnar, 22 ára karlmaður, sem
féllst á að segja blaðamanni DV frá
reynslu sinni af því
að fyrrverandi maki
beitti hefndarklámi.
Eftir að sambandi
þeirra lauk hefur
maðurinn, sem hér
eftirleiðis verður kall-
aður Vignir, sent vinum,
samstarfsfélögum og ætt-
ingjum Ragnars nektarmyndir af
Ragnari, oftast á samfélagsmiðlin-
um Snapchat. Fyrir þá sem ekki vita
er Snapchat miðill þar sem mynd-
ir og myndbönd eru send á milli en
geymast aðeins í nokkrar sekúndur
nema að viðtakandinn taki skjáskot.
Sumar myndirnar voru tekn-
ar með samþykki Ragnars en hon-
um var ekki kunnugt um tilvist hluta
þeirra. „Ég veit ekki hvort er verra, að
vita af myndum sem á að nota gegn
mér í umferð, myndir sem ég tók
með mikilli ást og gaf honum, eða
vita til þess að hann tók myndir af
mér án þess að ég vissi það.“
Ragnar kemur ekki fram undir
nafni, en tveir mánuðir eru liðnir
frá því að maðurinn áreitti hann síð-
ast. „Ég held að ég geti ekki tekið þá
áhættu allra vegna. Ég get ekki hugs-
að mér að standa í þessu aftur eða
leggja það á fólkið mitt,“ segir hann
og segist hafa verið mjög hikandi en
einnig mjög hugsi eftir umfjöllun
liðinna vikna um hefndarklám. DV
hefur að undanförnu fjallað ítrek-
að um hefndarklám og afleiðingar
þess. Rætt hefur verið við aðila sem
standa að fræðslu um skaðsemi þess
sem og þolendur.
„Ég hef lesið þetta allt, um all-
ar þessar konur og þessa aumingja.
Svo hugsaði ég hvar karlarnir væru.
Hvers vegna þeir væru ekki að for-
dæma þetta og hvers vegna þeir
væru ekki að segja: „Ég lenti í þessu
líka!“ Ég held að það séu bæði konur
og karlar sem beita þessu, en ég held
að það séu oftar strákar sem senda
myndirnar eða hóta því.“
Geymdi myndirnar
„Við kynntumst fyrir þremur árum
og vorum saman í tvö ár. Hann er
talsvert eldri en ég. Þegar við hætt-
um saman þá var það eitthvað sem
tengdist kannski mest hans vanda-
málum. Hann átti svona frekar erfitt.
Ég var tilbúinn til þess að vera áfram
í sambandinu – ef hann tæki sig á.
En það gekk ekkert og á endanum
þá rak hann mig út úr íbúðinni sinni
og sagðist aldrei vilja sjá mig aftur,“
segir Ragnar og segir margt hafa ver-
ið óuppgert í þeirra samskiptum.
Eigur hans voru flestar eftir í íbúð-
inni og sjálfur hugsaði Ragnar lítið
um myndir sem hann vissi að Vign-
ir hafði undir höndum. Myndir sem
þeir höfðu tekið saman. „Ég átti afrit
af sumu sjálfur,“ segir hann.
Nokkrum vikum eftir sambands-
slitin hafði félagi hans svo samband
og sagðist hafa miklar áhyggjur af
fyrrverandi kærasta Ragnars. „Hann
sagðist hafa fengið að sjá myndir af
okkur, sem sagt mér og Vigni. Mynd-
irnar voru þannig að hann sagðist
halda að enginn ætti að fá að skoða
þær nema þeir sem væru á myndun-
um,“ segir Ragnar. Félagi hans ræddi
málið við Vigni, sem sagðist geyma
myndirnar „ef hann þyrfti á þeim að
halda“.
Ragnar segist hafa ákveðið að
eyða sínum myndum eftir þetta
samtal. Aðspurður hvers vegna hann
ákvað það segist hann hafa viljað
loka þessum kafla. „Hvað átti ég að
gera við þær annars?“ spyr hann.
„Láttu hann hringja í mig“
„Nokkrum dögum seinna fer Vignir
að hafa samband aftur við mig. Hann
var voða rólegur og sagðist bara vilja
heyra í mér. Helst hitta mig. Ég vildi
það eiginlega ekki, en ákvað svo að
fara,“ segir Ragnar. „Þegar ég kom
heim til hans fór allt í sama farið.
Við byrjuðum að rífast og ég rauk út.
Hann hótaði því að „allur heimurinn
fengi að sjá myndirnar“,“ segir hann.
Sama kvöld fékk systir Ragnars
senda nektarmynd af Ragnari þar
sem á stóð: „Láttu hann hringja í
mig.“ Ragnar ákvað að hringja ekki
heldur bíða átekta.
Kvöldið eftir fóru myndirnar
mun víðar, á marga vini Ragnars og
fjölskyldumeðlimi auk stúlku sem
var að vinna með Ragnari.
„Ég hringdi í hann en hann
skellti bara á. Ég hringdi í lög-
regluna, en ég guggnaði svo. Mig
langaði ekkert að senda lögreglu-
menn heim til hans, ég vildi bara
að hann hætti þessu. Ég jafnaði mig
svo aðeins og róaðist. Það voru all-
ir mjög sammála mér um að þetta
væri ógeðslegt og það virtust all-
ir skilja stöðuna sem ég var í,“ segir
hann. Myndasendingarnar gengu
í tvo til þrjá daga segir Ragnar.
Blaðamaður fékk að sjá skjáskot af
nokkrum þeirra, nektarmyndum
sem Ragnar segist hafa tekið í góðri
trú með Vigni.
Dauðaþögn
„Svo gerðist bara ekkert. Dauða-
þögn í nokkrar vikur. Þá hefur hann
aftur samband, en ég svara ekki. Ég
bara vissi að ég yrði svo brjálaður
ef ég þyrfti að tala við hann. Þetta
var bara „game over“ fyrir mér. En
þá bara trylltist hann,“ segir Ragnar.
Myndasendingarnar byrjuðu aftur.
Eftir síðustu sendingar hafði
Ragnar beðið um að fólk tæki skjá-
skot. „Ég vildi bara vita hvað hann
væri að senda. Það fengu samt
mun færri myndir núna því flestir
höfðu lokað fyrir sendingar frá
honum. Hann bjó svo reglulega til
ný notendanöfn og stundum not-
aði hann líka mitt nafn og sendi
kannski mynd sem stóð á að ég
væri kominn með nýtt Snapchat-
notendanafn,“ segir hann.
„En það er þá sem ég átta mig á
því að sumar af þessum myndum
hef ég aldrei séð. Þær voru tekn-
ar án míns samþykkis,“ segir hann
og segist hafa leitað til lögfræðings
vegna þess og sé enn að reyna að
átta sig á því hvernig best sé að taka
til varna vegna þess. Ragnar segist
ekki enn vita hvað það var sem
olli þessum viðbrögðum Vignis.
Honum finnst það ekki skipta máli,
enda brotið alvarlegt. Það varðar
við lög að senda nektarmyndir og
í kafla um ærumeiðingar í hegn-
ingarlögunum kemur fram að sá
sem smánar fyrrverandi eða nú-
verandi maka eða ættingja hans
geti fengið tveggja ára fangelsis-
dóm.
„Ég hef fengið frið í smá tíma og
ég held að hann láti kannski í sér
heyra eftir þetta viðtal. En ég vona
að hann fari að skilja að þetta hef-
ur ekkert upp á sig lengur. Næst
þegar þetta gerist förum við til
lögreglunnar, ég og allir sem höf-
um fengið þessar myndir,“ segir
Ragnar. n
Ásta Sigrún Magnúsdóttir
astasigrun@dv.is
„Það voru allir mjög
sammála mér um
að þetta væri ógeðslegt
og það virtust allir skilja
stöðuna sem ég var í.
Dauðaþögn í nokkrar
vikur. Vignir hélt mynda-
sendingunum áfram eftir
nokkurra vikna þögn.
Áttu 13,3 pró-
sent eignanna
Heildareignir þeirra eitt prósent
landsmanna sem mest áttu árið
2013 námu 531,5 milljörðum
króna árið 2013. Hlutfall heildar-
eigna þeirra af heildareignum
allra landsmanna var 13,3 pró-
sent.
Þetta kemur fram í skriflegu
svari Bjarna Benediktssonar fjár-
málaráðherra við fyrirspurn Árna
Páls Árnasonar, formanns Sam-
fylkingarinnar. Í svarinu kemur
einnig fram að heildareignir 0,1
prósents þeirra sem mest áttu árið
2013 hafi numið 181,6 milljörðum
króna sem nam 4,6 prósent af
heildareignum allra landsmanna.
Svarið er sundurliðað eftir
árum og sést þá þróunin í þessum
efnum sem tekið hefur tiltölulega
litlum breytingum. Hlutfallið var
hæst árið 2007 þegar ríkasta eina
prósentið átti 15,5 prósent allra
eigna og árið 2008 þegar hlutfallið
var 15,1 prósent.