Dagblaðið Vísir - DV - 03.02.2015, Blaðsíða 15

Vikublað 3.–5. febrúar 201516 Fréttir Erlent
Öruggustu stórborgirnar
n Tókýó er fjölmennust og öruggust n Stokkhólmur í 4. sæti n The Economist tók saman
T
ókýó, höfuðborg Japans,
er ekki bara fjölmennasta
borg heims heldur einnig
sú öruggasta, samkvæmt
niðurstöðum úttektar sem
tímaritið The Economist birti fyrir
skemmstu. Í úttektinni, sem ber yfir-
skriftina The Safe Cities Index 2015,
eru teknar saman upplýsingar um
50 stórborgir um víða veröld og ýmis
atriði lögð til grundvallar sem varða
öryggi íbúa.
Í úttektinni var mest hægt að fá
100 stig og hlýtur Tókýó 85,63 stig.
Singapúr er í 2. sæti með 84,61 stig
og japanska borgin Osaka í því þriðja
með 82,36 stig. Norðurlöndin eiga
einn fulltrúa á topp 5 því Stokkhólm-
ur er í 4. sæti með 80,02 stig, litlu
meira en Amsterdam í Hollandi sem
er í því fimmta með 79,19 stig. Þar á
eftir koma Sydney, Zurich, Toronto,
Melbourne og New York.
Hér að neðan gefur að líta nánara
yfirlit yfir fimm efstu borgirnar á lista
The Economist. n
5 Amsterdam Hollenska höfuðborgin er á meðal þeirra öruggustu í heimi, og sú næst öruggasta í Evrópu.
Borgin, sem er mikið fámennari en hinar borgirnar í toppsætunum,
er frekar neðarlega á lista yfir netöryggi, eða í 17. sæti. Borgin er í 13.
sæti þegar heilsuþættir eru skoðaðir en um 58% íbúa nota reiðhjól
daglega. Innviðir borgarinnar eru á meðal þess sem best gerist og
fæðuöryggi er mikið. Amsterdam er ódýrari borg að búa í miðað við
hinar borgirnar á toppi listans.
Þetta eru flokkarnir:
n Flokkur 1: Stafrænt öryggi
Stafrænt öryggi (e. digital security) skiptir sífellt meira máli eftir
því sem tækninni fleygir fram. Í þessum flokki er meðal annars
tekið tillit til hættunar á því að verða fórnarlamb auðkennis-
þjófa á netinu. Þá er tekið tillit til tíðni tölvuglæpa í viðkomandi
borgum og hversu meðvitaðir íbúar eru um hættuna af tölvu-
glæpum. Tókýó var í efsta sæti í þessum flokki.
n Flokkur 2: Heilsuöryggi
Hér er tekið tillit til þátta sem varða heilsu og aðgengi að
sjúkrahúsum. Má þar nefna hversu margir borgarbúar eru
um hvert sjúkrarúm og lífslíkur íbúa. Þá er tekið tillit til getu
borganna til að ráða við skyndilegar heilsufarslegar ógnir eins
og smitsjúkdóma. Svissneska borgin Zurich var í efsta sæti í
þessum flokki.
n Flokkur 3: Grunnstoðir og skipulag
Hér er átt við ýmsa þætti sem lúta að skipulagi og grunnstoð-
um viðkomandi borga. Dæmi um það eru vegakerfi borganna,
gæði þeirra og öryggi. Þá er tekið tillit til þátta eins og hættu
af völdum náttúruhamfara. Til þessa flokks teljast einnig gæði
flutningskerfa fyrir raforku og drykkjarvatn svo dæmi séu tekin.
Zurich í Sviss var í efsta sæti í þessum flokki.
n Flokkur 4: Öryggi einstaklingsins
Hér er átt við þætti sem lúta einna helst af glæpum og glæpa-
tíðni. Singapúr var í efsta sæti í þessum flokki.
Baldur Guðmundsson
Einar Þór Sigurðsson
baldur@dv.is / einar@dv.is
1 Tókýó Tókýó er sem fyrr segir fjölmennasta borg heims samkvæmt
Sameinuðu þjóðunum. Það kemur því
nokkuð á óvart að borgin sé talin sú
öruggasta. Tókýó skoraði hæst allra borga í
flokknum stafrænt öryggi en þar hefur
meðal annars verið lögð rík áhersla á að
uppræta tölvuglæpi. Borgin hefði fengið
enn fleiri stig ef ekki væri fyrir lakan árangur
í flokknum heilsuöryggi þar sem Tókýó er í 8.
sæti. Þá er borgin í 5. sæti í flokknum
grunnstoðir og skipulag og 3. sæti í
flokknum persónulegt öryggi.
2 Singapúr Borgin skorar hæst á meðal borga sem falla í flokk þeirra tekjuhæstu. Í borginni eru hefðbundnir glæpir á borð við þjófnaði í sögulegu lágmarki enda er borgin í efsta sæti þegar kemur að öryggi einstaklingsins. Aftur á móti fer tölvuglæpum
fjölgandi. Forseti Singapúr, Tony Tan Keng Yam, hefur sett í gang áætlun til að uppræta tölvuglæpi og auka netöryggi íbúa, sem er þó það
næst besta í þeim 50 borgum sem um ræðir. Singapúr fellur um 12 sæti á milli ára þegar kemur að heilsuöryggi og munar þar mestu um
fjölda lækna og sjúkrarúma á hverja þúsund íbúa.
3 Osaka Osaka er þriðja fjölmennasta borg Japans en á Osaka-svæðinu búa rúmlega 18 milljónir manna. Ólíkt Tókýó þá skorar Osaka tiltölulega lágt í flokknum
stafrænt öryggi. Ein helsta ástæðan er sú að í Tókýó hefur mun ríkari áhersla verið lögð á að
sporna gegn tölvuglæpum. Osaka skákar Tókýó þó í flokknum heilsuöryggi þar sem borgin er
í 6. sæti og einnig í flokknum persónulegt öryggi þar sem Osaka er í 2. sæti á eftir Singapúr.
Borgin er svo í 12. sæti í flokknum grunnstoðir og skipulag.
4 Stokkhólmur Stokkhólmur er eina borgin á Norðurlöndunum sem tekin var með í úttekt The Economist. Ástæðan er sú að borgin er sú fjölmennasta á
Norðurlöndunum en á Stokkhólmssvæðinu búa rúmlega tvær milljónir manna. Borgin
stendur ágætlega að vígi varðandi stafrænt öryggi og er í 7. sæti. Þá er borgin í 10. sæti hvað
varðar heilsuöryggi og í því fjórða hvað varðar persónulegt öryggi.