Dagblaðið Vísir - DV - 21.08.2015, Blaðsíða 33

Helgarblað 21.–24. ágúst 2015 Fólk Viðtal 33
samráði við meðal annars útgefanda
minn, ákvað ég að steypa hlutunum
saman í eina bók.“
Einlæg frásögn
Að sögn Héðins ákvað hann að segja
einlæglega frá og vanda alla túlkun
og því var handritið lengi í smíðum.
Þegar þeirri vinnu lauk tók við stíf rit-
stjórn. „Þarna er verið að segja sögu
sem gerist á og utan jaðars þess sem
flestum þykir rökrétt – en þegar það
er útskýrt verður það rökrétt þrátt
fyrir að það standi utan „miðju hins
venjulega“. Ég get til dæmis dottið í
alls konar skýringar á tölum eða fyr-
irbærum sem ég sé og tengi við hluti
sem gerast. Þessar tengingar geta litið
út eins og algjörar tilviljanir en ég sé
þær ekki þannig og get útskýrt og fært
fyrir því rök – en auðvitað meikar það
engan sens við fyrstu sýn,“ segir Héð-
inn og hlær lágt. „Af þeim sökum var
ritstjórn bókarinnar afar mikilvæg.
Guðrún Sigfúsdóttir var ritstjórinn
minn ásamt Björgu Björnsdóttur og
góðir menn eins og Páll Valsson og
Halldór Guðmundsson lásu hana yfir
og gáfu góð ráð.“
Reiði og úrvinnsla
Héðinn segir bókina innihalda upp-
gjör gagnvart áfalli og ofangreindu
óréttlæti sem átti sér stað fyrir sjö
árum. „Reiðin var mikil í upphafi
– líkt og vindur sem, ef beitt rétt í
seglin, getur virkað sem jákvæður
hvati. Ég náði að fyrirgefa og vinna
úr reynslunni á leiðinni. Þegar ég
var tilbúinn með handritið valdi ég
20 aðila til að lesa yfir og ég var bara
með eina spurningu – á þetta eitt-
hvert erindi við aðra en mig? Nítján
sögðu já og einn nei, meirihlutinn
fékk að ráða og ég afréð að gefa bók-
ina út.“
Síðan bókin kom út í vor hefur
Héðinn haldið fyrirlestra og tengst
nýju fólki í gegnum hana. „Fólk hef-
ur töluvert sett sig í samband og er-
indin skiptast eiginlega í tvo flokka,
annars vegar einlægar þakkir og hins
vegar fólk sem á í vanda og þarf ráð.“
Umdeilt svið
Bók Héðins hefur fengið góða dóma
fyrir stíl og efnistök. „Geðheilbrigð-
ismál og málefni andlegs eðlis eru
huglæg og að því gefnu oft umdeild.
Ég sakna virkari opinnar umræðu
hér á landi milli þeirra sem þjóna
innan kerfisins og þeirra sem njóta
þjónustu þeirra. Það er ljóst að víða
annars staðar er umræðan að snúast
í auknum mæli um sammannlegan
grunn, ákveðin norm sem sívíkk-
andi rammar greininga eru farnir að
þrengja að. Það má líkja þessu við
risaeik með ótal greinum. Greinun-
um fjölgar og fjölgar og á sama tíma
missum við sjónar af stofninum og
rótunum sem við eigum öll sameig-
inlega. Endalaust virðast bætast við
nýjar greinar, eitthvað sem er aðeins
öðruvísi er frágreint sem frávik eða
sjúkdómur. Mér virðist engu að síð-
ur sem að í fagstéttum, sérstaklega
erlendis, sé viðurkenningin gagnvart
fjölbreytileika mannlegrar tilveru að
aukast. Manneskjan er meðhöndluð
frekar en einkennin. Slíkt er afar mik-
ilvægt. Nýjar leiðir eru notaðar og í
auknum mæli unnið með orsaka-
þætti geðheilbrigðis. Dæmi um slíkt
er aukin áhersla á virka atvinnu-
markaðsþátttöku sem getur skipt
sköpum í líðan og bata einstaklings.
Leiðum eins og atferlismeðferðum
hvers konar og hugleiðslu, eða gjör-
hygli hefur aukinheldur vaxið fiskur
um hrygg. Slíkar leiðir hjálpa fólki
oft við að sogast ekki um of inn í sína
hugsanaferla. Með ástundun hug-
leiðslu getur þú fjarlægst skaðlegar
hugsanir og þannig náð betri stjórn
á huganum. Það færir þér frelsi til
að velja hvort þú bregst við ástandi í
lífi þínu eða ekki. Það er margt sem
spilar þarna inn í en almennt er gott
að hafa í huga þrjú grundvallaratriði
um huga okkar: hann þarf alltaf að
hafa eitthvað að hugsa um, hann get-
ur bara hugsað um eitt í einu og það
sem hann hugsar um vex.“
Þessa dagana ferðast Héðinn
ásamt Jónasi Sigurðssyni tónlistar-
manni um landið með dagskrá sem
þeir kalla „Hamingjan og Úlfur-
inn“. „Dagskráin er að hluta til tón-
list og að hluta til töluð orð,“ segir
Héðinn, „viðfangsefnið er lífið sjálft.
Hvað er hamingjan? Hvað skiptir
máli í þessu stutta ferðalagi lífsins,
þar sem sáðfruma gærdagsins verð-
ur lík morgundagsins. Við Jónas höf-
um þekkst lengi og okkur langaði að
vinna saman að einhverju sem hefði
dýpri þýðingu fyrir okkur báða. Við
lítum á dagskrána sem samtal við
áheyrendur og undir lokin höfum
við fengið að heyra frá þeim líka.
Það hefur verið mjög gefandi hluti af
þessu verkefni.“ n
Sími 568-5556 www.skeifan.is
Föst sölulaun
Sölulaun eigna
yfir 60 milljónum
aðeins 1% með vsk
upp að 60 milljónum
299.900.- með vsk
VantaR – VantaR
Vegna mikillar sölu vantar
allar stærðir eigna á skrá.
Eysteinn Sigurðsson
Löggiltur fasteignasali / Sími: 896-6000
eysteinn@skeifan.is / skeifan.is
Magnús Hilmarsson
Sölumaður / Sími: 896-6003
magnus@skeifan.is / skeifan.is
Sigurður Hjaltested
Löggiltur fasteignasali / Sími: 821-5400
sigurdur@skeifan.is / skeifan.is
Sími 568-
5556 www
.skeifan.is
„Með ástundun
hugleiðslu get-
ur þú fjarlægst skaðlegar
hugsanir og þannig náð
betri stjórn á huganum.
Það færir þér frelsi til að
velja hvort þú bregst við
ástandi í lífi þínu eða ekki.
Héðinn – heilbrigður og
sterkur Hefur tekist að breyta
sinueldinum í huggulegan arineld.
Hamingjan og úlfurinn Héðinn ferðast þessa dagana um landið ásamt Jónasi Sigurðs-
syni tónlistarmanni með dagskrá sem samanstendur af tali og tónum.
Héðinn og hafið Hann veltir því fyrir
sér hvers vegna okkur er svona illa við
að fólk teygi sig út úr norminu.
MyndiR ÞoRMaR VigniR gUnnaRsson