Dagblaðið Vísir - DV - 21.08.2015, Side 37

Helgarblað 21.–24. ágúst 2015 Sport 37
Lífið eftir atvinnumennsku
n Bixente Lizarazu varð Evrópumeistari í jiu-jitsu n Frank Lebouef lék í Óskarsverðlaunamynd
H
vað tekur við hjá fótbolta­
stjörnunum þegar atvinnu­
mannaferlinum lýkur?
Sumir verða áfram viðloð­
andi fótboltann á með­
an aðrir snúa sér að einhverju allt
öðru. Breska blaðið Telegraph tók
fyrir skemmstu saman upplýsingar
um nokkra leikmenn sem breyttu
algjörlega um stefnu eftir að ferl­
inum lauk. Einn fyrrverandi lands­
liðsmaður Englands rekur fiskeldi í
Frakklandi og fyrrverandi leikmað­
ur Liverpool gerðist atvinnumaður í
golfi áður en hann stofnaði hunda­
hótel. n
Fiskeldi í Frakklandi
Lee Bowyer spilaði ófáa leiki í ensku úrvalsdeildinni á sínum tíma og afrekaði það að
spila einn landsleik fyrir England. Eftir að Bowyer lagði skóna á hilluna árið 2012 hefur
hann ekki setið auðum höndum. Hann ver miklum tíma í Frakklandi þar sem hann rekur
fiskeldi í vatni skammt frá þorpinu Orconte í norðausturhluta landsins. Í vatninu, sem nú
heitir Etang de Bows, eða Bows-vatn, ræktar hann vatnakarfa.
Mokar inn milljörðum
Svisslendingurinn Ramon Vega átti nokkuð farsælan feril í boltanum. Þessi stóri og stæðilegi miðvörður lék um
fjögurra ára skeið með Tottenham og lék auk þess 23 landsleiki fyrir Sviss. Eftir að hann hætti knattspyrnuiðkun
árið 2003 hélt hann á vit ævintýranna í fjármálageiranum. Hann setti á stofn fjárfestingarsjóð, Matterhorn Capital
Rosalp, sem sérhæfir sig í fjárfestingum á lúxushótelum. Hann viðurkenndi nýlega að hann hefði þénað 15 milljónir
punda, rúma þrjá milljarða króna, síðan hann lagði skóna á hilluna.
Úr markinu í glímuna
Tim Wiese var um tíma í hópi bestu markvarða Þýskalands. Hann lék lengst af með Werder Bremen og afrekaði það að spila sex landsleiki
fyrir Þjóðverja. Wiese hætti óvænt í fótbolta í janúar 2014 eftir að Hoffenheim rifti samningnum við hann. Wiese var aðeins 32 ára þegar
hann hætti. Wiese er mikill áhugamaður um fjölbragðaglímu og hefur hann verið viðloðandi íþróttina allt frá því hann hætti.
Lék í Óskarsverðlaunamynd
Frakkinn Frank Lebouef gerði garðinn frægan með Chelsea og franska landsliðinu á sínum tíma. Lebouef, sem þótti óhemju góður varnar-
maður, hefur alltaf haft mikinn áhuga á leiklist. Eftir að hann hætti í fótbolta flutti hann til Hollywood til að reyna fyrir sér í leiklistinni. Sam-
hliða því að mæta í áheyrnarprufur fyrir hin ýmsu verkefni spilaði hann með áhugamannaliðinu Hollywood United, ásamt stjörnum á borð
við Vinny Jones og Jason Statham. Ekki hefur mikið farið fyrir Lebouef á hvíta tjaldinu en hann lék þó aukahlutverk í myndinni The Theory of
Everything sem vann til Óskarsverðlauna fyrr á árinu.
Rannsóknarlögreglu-
þjónn í Hollandi
Arjen de Zeeuw er nafn sem eflaust hringir einhverjum bjöllum
hjá knattspyrnuáhugamönnum. Þessi hollenski varnarmaður lék í
úrvalsdeildinni með Portsmouth og Wigan og átti nokkuð farsælan
feril í boltanum. Hann lagði skóna á hilluna árið 2009 og hefur
síðan þá starfað sem rannsóknarlögregluþjónn í Hollandi.
Stofnaði hundahótel
Julian Dicks þótti býsna harður í horn að taka á sínum tíma og afbragðsgóður spyrnu-
maður. Hann lék lengst af með West Ham en kom auk þess við í Liverpool. Eftir að hann
hætti í fótbolta sneri Dicks sér að ýmsum verkefnum. Hann gerðist atvinnumaður í golfi
en meiðsli gerðu það að verkum að hann varð að hætta. Þá stofnaði hann hundahótel
nærri Colchester í Essex á Englandi. Í sumar var hann hins vegar ráðinn í þjálfarateymi
West Ham-liðsins og er það hans aðalstarf í dag.
Evrópumeist-
ari í jiu-jitsu
Bixente Lizarazu var um tíma einn allri besti
vinstri bakvörður heims. Þessi magnaði
Frakki vann ófáa titla með Bayern München
á sínum tíma auk þess að verða heims- og
Evrópumeistari með Frökkum í kringum
aldamótin. Eftir að hann hætti í fótbolta
árið 2006 sneri Lizarazu sér að brasilísku
jiu-jitsu. Lizarazu náði strax góðum árangri
og varð til dæmis Evrópumeistari í Blue Belt
Senior 1-léttvigtardeildinni árið 2009.