Dagblaðið Vísir - DV - 22.09.2015, Qupperneq 8
Vikublað 22.–24. september 20158 Fréttir
Göldrótt súpa og
gómsætur humar
Eyrarbraut 3, Stokkseyri · Sími: 483 1550
info@fjorubordid.is · www.fjorubordid.is
K
ristján Þór Magnússon,
sveitarstjóri Norðurþings,
býst við að um 350 manns
muni flytja í sveitarfélagið á
næstu fimm til tíu árum. Þar
með myndi íbúafjöldinn aukast um
12 prósent frá því sem nú er.
Ástæðan er kísilmálmverksmiðja
PCC á Bakka og þau störf sem hún
mun skapa á svæðinu. Framkvæmdir
við verksmiðjuna hófust fyrir helgi og
er reiknað með að framleiðsla hefj-
ist árið 2017. „Þá erum við komin
upp í þann fjölda sem var hér áður
en íbúum fór að fækka fyrir 10 til 15
árum. Það hefur verið tröppugangur
úr sveitarfélaginu, um eitt til tvö pró-
sent á ári,“ segir Kristján Þór en rúm-
lega 2.800 manns búa í Norðurþingi,
þar af um 2.200 á Húsavík.
250 störf skapast
„Þó svo að Húsavík hafi haldið sjó
ansi lengi er aldurssamsetningin
okkur mjög óhagstæð. Það vantar
hressilega inn í aldurshópinn frá 25
ára til fertugs.“
Hann telur að um 250 störf muni
skapast á næstu fjórum til fimm
árum, að frádregnum ruðningsáhrif-
um og með afleiddum störfum. Í
verksmiðjunni sjálfri er reiknað með
127 föstum störfum.
Vaðalheiðargöng mikilvæg
Að sögn Kristjáns Þórs munu
Vaðlaheiðargöng, þegar þau verða
tilbúin, einnig hafa mikil áhrif á
svæðið. „Þetta snýst um að horfa
á þessi svokölluðu vinnusóknar-
svæði og hvernig þau munu þróast.
Þau eru tvö, Húsavík og nágrenni og
Akur eyri. Þegar göngin verða opn-
uð verður þetta eitt vinnusóknar-
svæði og það getur haft mikil áhrif á
hvernig íbúaþróun verður hér,“ segir
hann og ítrekar hversu mikilvægt er
að göngin verði að veruleika.
Skuldsetja sveitarfélagið
Hann segir að mikil uppbygging fari
núna í gang í sveitarfélaginu sam-
hliða framkvæmdunum á Bakka.
„Það þýðir ýmislegt. Til skemmri
tíma litið erum við að skuldsetja
sveitarfélagið aðeins meira. Til
lengri tíma litið sjáum við fyrir okk-
ur að snúa ákveðinni efnahags-
og lýðfræðilegri þróun við á þessu
svæði.“
Snúa rekstrinum við á tíu árum
Rekstur hafnarsjóðs Norðurþings
hefur ekki verið sjálfbær í mörg ár.
Meginstarfsemi hans er að hafa
með höndum umsjón og rekstur
hafnarmannvirkja Norðurþings á
Raufar höfn, Kópaskeri og Húsavík.
Að sögn Kristjáns hættu tekjur að
koma inn eftir að strandsiglingar
lögðust af og kísiliðjan við Mývatn
var lögð niður. Einnig hefur út-
gerðin verið blómlegri á svæðinu.
„Með þessari verksmiðju vonumst
við til að spyrna verulega við fótun-
um og það eru öll tækifæri til þess
að snúa þessum rekstri við á næstu
tíu árum með þessari innviðaupp-
byggingu sem núna er í hendi.“
Engar áhyggjur af mengun
Framleiðslugeta verksmiðjunn-
ar nemur 66.000 tonnum á ári. Hún
verður byggð í tveimur áföngum og
miðast fyrsti áfangi hennar við 33.000
tonna framleiðslugetu á ári. Verk-
smiðjan verður staðsett í um þriggja
kílómetra fjarlægð frá Húsavík.
Spurður út í mengun af völdum verk-
smiðjunnar segist Kristján ekki hafa
áhyggjur af henni. „Uppbyggingar-
áformin á Bakka hafa farið átta sinn-
um í gegnum umhverfismat, að
mig minnir. Ég hef engar áhyggj-
ur af því að þetta verði eitthvað sem
við þurfum að hafa stórkostlegar
áhyggjur af,“ segir hann. „Stærsti
mengunarvaldurinn er koldíoxíð,
CO2, sem verður dælt út í andrúms-
loftið,“ bætir hann við en tekur fram
að hægt verði að nýta afleiddar afurð-
ir sem hljótast af framleiðslunni.
Ýmsar verksmiðjur á teikniborðinu
Í gegnum árin hafa Húsvíkingar
reynt ýmislegt til að efla atvinnulífið
í bænum. Fyrir 25 árum átti að reisa
þar pappírsverksmiðju, hefja átti
harðviðarvinnslu fyrir áratug, auk
þess sem kísilduft-, kítin-, súráls-,
glúkósamín- og pólyolverksmiðjur
hafa allar verið á teikniborðinu.
Krókódílaeldi hefur einnig komið
alvarlega til tals.
Gullfiskatjörnin stendur fyrir sínu
Biðin eftir stórri verksmiðju á borð
við kísilmálmverksmiðjuna hefur
því verið löng og ströng. „ Auðvitað
er langt síðan iðnaðarsvæðið á
Bakka var formlega lagt fram sem
mögulegt uppbyggingarsvæði og
það er gleðilegt að það sé búið að
festa verkefni þar,“ segir Kristján,
sem veit ekki hvort hugmyndin um
krókódílaeldið muni skjóta aftur
upp kollinum. „En gullfiskatjörnin
stendur alltaf fyrir sínu,“ bætir hann
við og hlær. „Hún býr enn til gríðar-
legt magn af gullfiskum sunnan við
bæinn. Við reynum að horfa á tæki-
færin og vera meðvituð um hindr-
anirnar hérna en við þurfum fleira
fólk til að nýta þessi tækifæri með
okkur. Það er markmiðið sem er
fram undan.“ n
350 manna fjölgun
vegna verksmiðju
Kristján Þór Magnússon segir mikla uppbyggingu fylgja kísilmálmverksmiðju á Bakka
Freyr Bjarnason
freyr@dv.is
Kristján Þór Magnússon Sveitarstjóri
Norðurþings segir að með tilkomu verksmiðj-
unnar muni íbúum fjölga til mikilla muna.
„Stærsti mengunar-
valdurinn er kol-
díoxíð, CO2, sem verður
dælt út í andrúmsloftið.
Bakki Framkvæmdir við
kísilmálmverksmiðju á
Bakka eru að hefjast.
Kaffikeðja
bjargar lífum
Íslenska kaffihúsakeðjan Te og
kaffi og viðskiptavinir henn-
ar söfnuðu andvirði 57 þús-
und skammta af bóluefni gegn
mænusótt í átaki sem bar yfir-
skriftina Klárum málið. Um
var að ræða samstarfsverkefni
UNICEF á Íslandi og Te og kaff-
is sem gaf 25 krónur, andvirði
einnar bólusetningar, af hverjum
seldum drykk á tímabilinu 4.–17.
september síðastliðinn.
Þá var viðskiptavinum boð-
ið að bæta við 25 krónum þegar
þeir greiddu fyrir drykkinn sinn
og gefa þannig aðra bólusetn-
ingu. „Við erum hæstánægð með
átakið og hversu vel tókst til,“
segir Bergsteinn Jónsson, fram-
kvæmdastjóri UNICEF á Íslandi, í
fréttatilkynningu.
Mænusótt er enn landlæg
í þremur ríkjum, Afganistan,
Pakistan og Nígeríu. Gríðarlegur
árangur hefur náðst í baráttunni
gegn þessum skæða sjúkdómi á
undanförnum árum en árið 1988
var veikin landlæg í 125 ríkjum.
Hvert barn þarf að fá bólu-
efni þrisvar sinnum til að vera
varið gegn mænusótt fyrir lífstíð.
Afrakstur átaksins gerir UNICEF
því til dæmis kleift að útvega
bóluefni sem getur varið fleiri en
17.800 börn fyrir þessum skelfi-
lega sjúkdómi.