Skagfirðingabók - 01.01.2004, Blaðsíða 73

HJÖRLEIFUR Á GILSBAKKA
láta í té sýnishorn eða eitt bréf frá hvoru til birtingar í þessum
þætti. Eru henni færðar einlægar þakkir íyrir. Svíþjóðarbréfin
voru Hjörleifi kær og hann mat mikils þær skoðanir og lífsvið-
horf, sem þar birtast. Því er ærin ástæða að birta smábrot í
þessum þætti af tuttugu ára skrifum bóndans á Gilsbakka til
Kerstinar í Söráker. Hjörleifur kom ætíð með sænsku bréfin til
Helgu í Flatatungu og fékk þau þýdd, og svarbréfin fékk hann
Helgu til að snara á sænsku og sendi sín bréf bæði á sænsku og
íslensku.
Gilsbakka 19- júlí 1980
Kæra Kerstin
Eg þakka þér fyrir bréfið og merkið: Stoppa atomkraften. Eg
hef verið með það á ferðalögum til að reyna að auglýsa þetta
áhugamál þitt. Mér finnst leiðinlegt að þú og samstarfsmenn
skyldu ekki vinna fullan sigur í atkvæðagreiðslunni. Það er
langur tími 25 ár, fyrir þá sem bíða. Sama eftir hverju er beðið.
Um ár trésins er það að segja, að það er í tilefni af 50 ára af-
mæli Skógræktarfélags Islands að stjórnendum þess datt í hug
að gera árið eftirminnilegt fneð þeim hætti að nefna það „ár
trésins", og gera þá stórátök í skógrækt, Það er kannski of
snemmt að segja það nú, hvernig þetta tekst, en þar sem ég
þekki best til þá hefur verið unnið mikið að skógrækt. Ætli
við verðum svo ekki að segja eins og barnið sem var að gróður-
setja, að við séum „að hjálpa guði til að skapa.“
Nú er heyskapurinn í fullum gangi hjá fle'tum. Vörið Qg
sumarið hefur verið mjög gott eins og síðasti vetur, en tún eru
víða skemmd eftir kuldana í fyrra. Svo er reyndar einnig með
ýmsar innfluttar trjátegundir, einkum á Norðurlandi og er leið-
inlegt að sjá það á ári trésins.
Eg hef verið einn á Gilsbakka í sumar en stundum eru
gestir hjá mér og ég á von á fólkinu sem flutti héðan burt til
að hjálpa mér við heyskapinn seinna. Hingað kom grasafræð-
71