Fréttatíminn - 02.09.2016, Page 2

2 | FRÉTTATÍMINN | Föstudagur 2. september 2016
Verslunar / skrifstofurými
Upplýsingar gefur Guðmundur
í síma 615 0009 eða fjordur@fjordur.is
Til leigu
Viðskipti Lagardére Travel
Retail ehf. er nánast með
einokunarstöðu á sölu á
mat í Leifsstöð eftir umdeilt
útboð Isavia. Eiginkona Sig-
urjóns Rúnars Rafnssonar,
aðstoðarkaupfélagssstjóra
Kaupfélags Skagfirðinga,
er hluthafi í fyrirtækinu í
gegnum eignarhaldsfélag
sem hann stýrir. Fyrirtækið
skilaði ríflega 31 milljónar
hagnaði í fyrra. Kaffihús
fyrirtækisins var valið fram
yfir Kaffitár í útboðinu og
íhugar eigandi Kaffitárs að
stefna Isavia.
Ingi F. Vilhjálmsson
ingi@frettatiminn.is
Sigurjón Rúnar Rafnsson, aðstoðar-
kaupfélagsstjóri Kaupfélags Skag-
firðinga, stýrir félagi sem á 40 pró-
senta hlut í Lagardére Travel Retail
ehf. í Leifsstöð en það fyrirtæki er
nánast með einokunarstöðu á sölu
á mat í byggingunni. Á aðalfundi fé-
lagsins, NQ ehf., júní í sumar sett-
ist Sigurjón Rúnar í stjórn félagsins
í stað eiginkonu sinnar, Maríu Sæv-
arsdóttur, sem er einn af þremur
hluthöfum félagsins. Sigurjón stýrir
félaginu samkvæmt umboði henn-
ar og sat hann aðalfund félagsins í
júní fyrir hennar hönd. Þetta kemur
fram í gögnum um starfsemi NQ ehf.
Á móti NQ ehf. á alþjóðlega flug-
vallarfyrirtækið Lagardére Services
60 prósenta hlut í rekstrarfélaginu
í flugstöðinni en árleg velta þess
fyrirtækis er nærri fimm milljarð-
ar evra, um 650 milljarðar króna.
Lagardére Travel Retail ehf. á
og rekur veitingastaðinn Nord,
Mathús, barinn Loksins, Kaffihús-
ið Segafredo og sælkeraverslunina
Pure Food Hall.
Fyrirtækið komst í þessa stöðu
í Leifsstöð eftir umdeilt útboð á
verslunarrými í flugstöðinni sem
ríkisfyrirtækið Isavia, rekstrar-
aðili f lugstöðvarinnar, hélt árið
2014. Isavia er stýrt af stjórn sem
er kjörin á aðalfundi samkvæmt til-
lögu fjármála- og efnahagsráðherra
hverju sinni en hann fer með um-
boð hluthafans, ríkisins. Fyrirtæk-
in Kaffitár og Drífa ehf., sem meðal
annars selur minjagripi og Icewe-
ar-fötin, fengu ekki verslunarrými
í Leifsstöð í forvalinu eftir áralanga
veru í flugstöðinni. Segafredo-kaffi-
hús Lagardére travel retail var með-
al annars valið fram yfir Kaffitár í
útboðinu.
Drífa ehf. stefndi Isavia vegna út-
boðsins og eru þau málaferli enn í
gangi. Kaffitár íhugar réttarstöðu
gagnvart Isavia og fékk afhent
gögn um útboðið í júlí. Í samtali við
Fréttatímann segir Aðalheiður Héð-
insdóttir hjá Kaffitári að gögnin séu
ennþá til skoðunar og að fyrirtæk-
ið muni að öllum líkindum halda
blaðamannafund um þau. „Þetta
er allt saman hið undarlegasta mál,
þetta útboð,“ segir Aðalheiður en
vill ekki fara út í efnislega hvað hún
á við.
Í svari við fyrirspurn Fréttatím-
ans um hversu langan leigusamn-
ing Lagardére Travel Retail ehf. fékk
í Leifsstöð segir Guðni Sigurðsson,
upplýsingafulltrúi fyrirtækisins,
að það sé trúnaðarmál. Hann segir
hins vegar að almennt séu samn-
ingar við verslanir til 4 eða 5 ára
og samningar við veitingastaði til
7 ára.
Í ársreikningi Lagardére Tra-
vel Retail ehf. fyrir fyrsta rekstr-
arár fyrirtækisins kemur fram að
það hagnaðist um ríflega 31 millj-
ón króna á rekstri sínum árið 2015.
Eignir félagsins námu ríflega 670
milljónum króna og skuldir 490
milljónum króna. Í ársreikningn-
um er hins vegar tekið fram að fyr-
irtækið býst við mikilli veltuaukn-
inga vegna aukningarinnar á komu
ferðamanna til Íslands. „Á árinu
2015 fóru 4.865.797 farþegar um
flugstöðina. Áætlun Isavia gerir ráð
fyrir að á árinu 2016 verði farþega-
fjöldinn 6.249.825. Því má gera ráð
fyrir verulegri veltuaukningu á því
ári hjá fyrirtækinu.“
Arðgreiðsla til hluthafa var
ákveðin tæplega 28 milljónir króna
og þar af munu 11,2 þá renna til NQ
ehf. og þar sem eiginkona Sigur-
jóns Rúnars á 28,5 prósent í NQ ehf.
munu rúmar þrjár milljónir af því
renna til hennar ef arðurinn verður
greiddur út.
Fréttatíminn reyndi að fá viðtal
við Sigurjón Rúnar Rafnsson sím-
leiðis og í tölvupósti til að spyrja
hann um málið en án árangurs.
Kaupfélagsstjóri hjá KS stýrir
milljónafyrirtæki í Leifsstöð
Aðalheiður Héðinsdóttir íhugar réttarstöðu sína og fyrirtækis síns, Kaffitárs, út frá gögnum um út-
boðið sem hún hefur fengið aðgang að. Kaffihús Segafredo, sem er ein af rekstrareiningum fyrirtækis
konu Sigurjóns Rúnars Rafnssonar, var valið sem kaffistaður í Leifsstöð ásamt Joe & The Juice.
Björn Ingi og Hreinn ræða viðskipti með Birtíng
Fjölmiðlar Fjölmiðlafyrir-
tæki Björns Inga Hrafnsson-
ar hefur stækkað talsvert á
liðnum árum og nú standa
yfir viðræður að hann
komi að tímaritaútgáfunni
Birtíngi.
Björn Ingi Hrafnsson, eigandi
fjölmiðlafyrirtækisins Vefpressunn-
ar, og Hreinn Loftsson, eigandi
tímaritaútgáfunnar Birtings, hafa
á síðustu vikum átt í viðræðum um
hugsanleg viðskipti með tímaritaút-
gáfuna. Björn Ingi hefur á síðustu
árum keypt upp nokkra fjölmiðla
eins og Eyjuna, DV sem og Reykja-
vík- og Akureyri vikublað eftir að
hafa stofnað vefmiðilinn Pressuna
árið 2009. Birtíngur er ein stærsta
tímaritaútgáfa Íslands og gefur út
blöð eins og Séð og heyrt, Gestgjaf-
ann og Vikuna.
Hreinn segist hafa rætt við Björn
Inga. „Þetta er saga sem er búin
að vera í gangi um skeið. En það
er engin niðurstaða á borðinu. Ég
hef átt í viðræðum við fleiri aðila.“
Hann segir að ástandið sé þannig á
fjölmiðlamarkaðnum að það sé ekki
óeðlilegt að eigendur fjölmiðlafyr-
irtækja ræði saman. „Menn eru að
leita leiða til hagræðingar og að fara
inn á ný svið fjölmiðlunar. En ég er
frekar að leita að samstarfsaðilum
en að selja fyrirtækið allt þó ég úti-
loki ekkert.“
Birtíngur hefur verið í fjár-
hagslegri endurskipulagningu á
síðustu árum og segir Hreinn að
á síðustu vikum hafi mesti kraftur
forsvarsmanna fyrirtækisins farið
í viðræður við kröfuhafa félagsins.
„Á síðasta ári voru tekjur Birtíngs
rúmlega 600 milljónir og hagn-
aðurinn um 600 þúsund“, segir
Hreinn. Félagið var með neikvæða
eiginfjárstöðu upp á rúmlega 170
milljónir árið 2013 en staðan lítur
betur út núna, að sögn Hreins.
Björn Ingi Hrafnsson svaraði ekki
Björn Ingi
Hrafnsson
hefur keypt
upp nokkra
fjölmiðla á
síðustu árum
og virðist
alls ekki vera
hættur.
fyrirspurn Fréttatímans um við-
ræðurnar um Birtíng. Fréttatíminn
spurði hann einnig um mögulegan
áhuga hans á Fréttablaðinu og Vísi.
is. | ifv
Ákæra vegna skot-
árásar í Breiðholti
Sakamál Lögregla telur
líklegt að þeim sem þekkja
tildrög skotárásarinnar í
Iðufelli, sem gerð var fyrir
hálfum mánuði, hafi verið
hótað. Að þeir þori ekki að
segja frá því sem þeir vita af
ótta við hefndir.
Þeir sem hafa verið yfirheyrð-
ir vegna málsins veita misvísandi
upplýsingar um atburðarásina og
lögreglan veit því lítið um raun-
verulegar ástæður árásarinnar.
„Slíkt er algengt þegar um upp-
gjör í undirheimum er að ræða. Við
höfum oft upplifað það í atvikum
sem tengjast glæpagengjum á Ís-
landi,“ segir Runólfur Þórhallsson,
aðstoðaryfirlögregluþjónn á höfuð-
borgarsvæðinu.
Tæknirannsóknum á árásinni
miðar vel og þá dugðu frásagnir
sjónarvotta til að fá skýra mynd af
atvikinu.
Bræðurnir Marcin og Rafal
Nabakowski eru í gæsluvarðhaldi
til 4. september vegna almanna-
hagsmuna, grunaðir um aðild að
málinu. Runólfur býst við að kraf-
ist verði lengra gæsluvarðhalds yfir
þeim og að þeir verði ákærðir innan
skamms. | þt
Erfiðlega gengur að fá upplýsingar um
tildrög skotárásar í Breiðholti.
Stjórnmál Sjálfstæðismenn
og íbúar í Skerjafirði óttast að
póstnúmerið 102 muni lækka
fasteignaverð í hverfinu.
„Fólk hefur áhyggjur af því að með
því að spyrða þetta hverfi saman
við önnur nýrri hverfi þá geti það
haft áhrif á fasteignaverðið,“ seg-
ir Ívar Pálsson, formaður hverfis-
ráðs Skerjafjarðar, en borgarfull-
trúi Sjálfstæðisflokksins lagði fram
fyrirspurn á fundi borgarráðs í gær
vegna málsins.
Til stendur að breyta póstnúmeri
Skerjarfjarðar, sem er nú 101, en ef
af breytingunum verður, þá verður
póstnúmerið 102.
„Ef það á að breyta póstnúmer-
inu, þá ætti það að vera í 107,“ seg-
ir Ívar sem gagnrýnir borgina fyrir
samráðsleysi. | vg
Óttast verðlækkun
vegna póstnúmers
Skerjafjörður hefur hingað til talist til
póstnúmers 101 en verður 102 ef vilji
borgarinnar nær fram að ganga.
Fyrirtækið Lagard-
ére Travel Retail ehf.
skilaði hagnaði upp
á 31 milljón króna
á fyrsta rekstrarári
sínu en Sigurjón
Rúnar Rafnsson er
eini stjórnarmaður
fyrirtækis sem á 40
prósent í því.