Fréttatíminn - 29.10.2016, Blaðsíða 4
4 | FRÉTTATÍMINN | Laugardagur 29. október 2016
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Svigskíðaferð til Gerlos
Fararstjóri: Sævar Skaptason
Líflegi skíðabærinn Gerlos býður skíðafólki á öllum aldri
upp á frábæra fjallastemningu. Snjóhvítar skíðabrekkurnar
eru um 150 km að lengd, í 1.300 m hæð yfir sjávarmáli og
henta bæði byrjendum sem lengra komnum. Gist verður á
glæsilegu 4* hóteli í austurrískum alpastíl. Hér gefst einstakt
tækifæri til skíðaiðkunar í hjarta austurrísku Alpanna.
Verð: 209.800 kr. á mann í tvíbýli.
Mjög mikið innifalið!
18. - 25. febrúar
Örfá sæti laus
Fiskeldi Til stendur að tífalda
laxeldi á Íslandi á næstu árum.
Sérfræðingur hjá Umhverfis-
stofnun segir stofnunina geta
sinnt eftirliti með laxeldinu þó
að það aukist mikið.
Ingi F. Vilhjálmsson
ingi@frettatiminn.is
Sjö frávik frá starfsleyfi komu fram
í eftirliti Umhverfisstofnunar á
fiskeldisstöð Laxeldis Austfjarða í
Berufirði í lok júní síðastliðinn. Eitt
frávikanna var að sjóeldiskvíaar
stöðvarinnar væru rangt staðsett-
ar auk þess sem viðbragðs- og neyð-
aráætlanir væru ekki til staðar ef
óhöpp myndi komu upp í rekstrin-
um. Þá benti Umhverfisstofnun á
að lífrænum úrgangi frá fiskunum í
eldisstöðinni væri fargað með óleyfi-
legum hætti. Þetta kemur fram í eft-
irlitsskýrslu með starfsemi Fiskeldis
Austfjarða á vefsvæði Umhverfis-
stofnunar en þar má skoða skýrslur
um allar laxeldisstöðvar á Íslandi.
Mikil umræða fer nú fram um
réttmæti laxeldis í sjókvíum í sam-
félaginu en til stendur að margfalda
framleiðslu á eldislaxi upp í allt að
100 þúsund tonnum á næstu árum.
Laxeldið í fyrra var 8 þúsund tonn
þannig að um er að ræða tíföldun á
framleiðslunni. Umhverfisstofnun-
ar bíður því aukin vinna við eftirlit
með laxeldinu. Gagnrýnendur lax-
eldis benda á mögulegar slæmar af-
leiðingar þess fyrir villta laxastofna.
Guðbjörg Stella Árnadóttir, sér-
fræðingur hjá Umhverfisstofnun,
segir ekki svo algengt að svo mörg
frávik komi fram í rekstri laxeldis-
fyrirtækja. Hún segir algengustu
brotalamirnir í eftirliti með laxeldi
vera að fyrirtækin skili ekki inn bók-
haldi um umhverfisáhrif eldisins.
Hún segist hins vegar telja að Um-
hverfisstofnun sé reiðubúin til að
sinna eftirliti með auknu laxeldi á
Íslandi. „Ég held að við séum alveg
ágætlega í stakk búin til að sinna
þessu. Sjóvkvíarnir eru til dæmis
orðnar mjög staðlaðar. Þannig að ef
það koma ekki of margar umsóknir
um laxeldi í einu þá held ég að við
getum brugðist við þessu.“
Sjö athugasemdir við
laxeldi á Austurlandi
Til stendur að laxeldi verði tífald-
að á Íslandi á næstu árum og segir
sérfræðingur hjá Umhverfisstofnun að
stofnunin sé í stakk búin til að sinna
eftirlit með því.
Viðskipti - Fjárfestingarfélag
Einars Sveinssonar hagnaðist
um rúmlega 300 milljónir
króna í fyrra. Félagið á meðal
annars hlutabréf í Borgun,
Thorsil og Kviku en viðskiptin
með Borgun hafa verið mjög
umdeild síðastliðin tvö, eftir
að upp komst um þau. Einar er
ekki lengur búsettur og skatt-
skyldur á Íslandi en hann flutti
til Bretland þegar auðlegðar-
skattur var enn innheimtur á
Íslandi.
Ingi F. Vilhjálmsson
ingi@frettatiminn.is
Fjárfestingarfélag Einars Sveins-
sonar á Íslandi, P 126 ehf., greiddi
30 milljónir króna út úr félaginu
og til eiganda þess í Lúxemborg,
fyrirtækisins Charamino Holdings
Limited. P 126. ehf. hagnaðist
um rúmlega 300 milljónir króna
í fyrra. Fyrirtækið á eignir upp á
rífega 1300 milljónir og skuldar
nánast ekkert. Þetta kemur fram í
ársreikningi fyrirtækisins sem sam-
þykktur var í lok september og ný-
lega var skilað til ríkisskattstjóra.
Framkvæmdastjóri fyrirtækisins er
Benedikt Einarsson, sonur Einars
Sveinssonar.
Fyrirtækið á meðal annars hluta-
bréf í greiðslumiðlunarfyrirtækinu
Borgun sem mikið hefur verið til
umræðu síðastliðin tvö ár eftir um-
deilda sölu Landsbankans á þriðj-
ungi hlutafjár í því án auglýsingar.
Fyrirtækið á einnig hlutabréf í kís-
ilmálmfyrirtækinu Thorsil og bank-
anum Kviku.
Borgunarviðskiptin hafa ver-
ið gagnrýnd meðal annars vegna
þess að Bjarni Benediktsson fjár-
málaráðherra, bróðursonur Einars
Sveinssonar, er æðsti yfirmaður
Landsbankans þar sem hann er
ríkisbanki. Bjarni er æðsti yfirmað-
ur Bankasýslu ríkisins sem fer með
eignarhlut ríkisins í Landsbankan-
um og skipar hann stjórn sjóðsins.
Bæði Bjarni og Einar hafa neitað því
að hafa rætt saman um Borgunar-
sviðskiptin áður en Landsbankinn
seldi hlutabréf í greiðslumiðlunar-
fyrirtækinu til Eignarhaldsfélagsins
Borgunar sem P 126 ehf. á rúmlega
tæplega 22 prósenta hlut í. „Nei, ég
hef aldrei rætt þetta mál við hann,“
sagði Einar í viðtali við Fréttablaðið
en miðað við svar hans var aðkoma
hans að sölu ríkisbankans á Borgun
ekkert tengd Bjarna Benediktssyni.
Eins og Fréttatíminn greindi frá
fyrir skömmu, nema arðgreiðslurn-
ar út úr Eignarhaldsfélaginu Borg-
un til hluthafa, 395 milljónum
króna á síðustu tveimur árum. Nú
í sumar var ákveðið að greiða hlut-
höfum út 205 milljónir króna í arð.
Hlutdeild P 126 ehf. í þessum 395
milljóna króna arði er 86 milljón-
ir króna.
Arðgreiðslurnar út úr P 126 ehf.
lenda hjá umræddu fyrirtæki í
Charamino Holdings í Lúxemborg
þar sem skattaumhverfi er hag-
stæðara fyrirtækjum en á Íslandi
þó Lúxemborg sé alls ekki skatta-
skjól - tvísköttunarsamningur er
í gildi á milli Íslands og Lúxem-
borgar. Félagið í Lúxemborg var
áður á Kýpur en Einar flutti félag-
ið til Lúxemborgar í fyrra. Einar er
ekki búsettur á Íslandi heldur er
hann með skráð lögheimili í Bret-
landi og er því ekki skattskyldur á
Íslandi. Einar flutti lögheimili sitt
Bretlands árið 2012 og sagði hann
þá í fjölmiðlum að ástæður flutn-
ingsins væru „persónulegar“. Á
þeim tíma var auðlegðarskattur
ennþá innheimtur af efnuðum Ís-
lendingum.
Eignarhald félagsins P 126
ehf. á hlutabréfum á Íslandi:
Áning-fjárfestingar ehf. 100%
Leirlækur ehf. 100,0%
Pei ehf. 100,0%
Engey Invest ehf. 42,8%
Eignarhaldsfélagið Tækni ehf. 38,8%
Algrím ehf. 23,0%
Eignarhaldsfélagið Borgun slf. 21,9%
Petromodel ehf. 15,8%
Esjuhlíðar ehf. 10,0%
Northsil ehf. 9,3%
ARC hf. 4,7%
Eyrir sprotar slhf. 2,0%
Kvika banki hf. 1,3%
Arðgreiðsla til eignarhaldsfélags
Einars Sveinssonar út af hlutnum í
Borgun nemur 86 milljónum á tveimur
árum. Í fyrra greiddi félagið 30 millj-
ónir til hluthafa síns í Lúxemborg.
Engeyingarnir tóku
30 milljóna arð frá
Borgunarfélagi til Lúx
Stjórnmál Fyrrverandi formað-
ur Samfylkingarinnar, Árni
Páll Árnason, telur það raun-
verulega hættu að flokkurinn
detti út af þingi í kosningunum
í dag. Margrét Frímannsdóttir,
fyrrverandi þingmaður Sam-
fylkingarinnar, tekur ekki svo
djúpt í árinni, en segir flokkinn
hafa gert mistök þegar skipt
var um formann fyrr á kjör-
tímabilinu. Hún segir málefna-
stöðu flokksins þó góða, en
vandinn sé sá að þau nái ekki
eyrum kjósenda.
„Hættan er raunverulega sú að
Samfylkingin gæti þurrkast út í
næstu kosningum,“ segir Árni Páll
Árnason, oddviti Samfylkingarinn-
ar í Suðvesturkjördæmi og fyrrum
formaður flokksins.
Árni Páll bendir á að Samfylk-
ingin hafi ávallt mælst hærri í skoð-
anakönnunum, en þegar talið er
upp úr kjörkössunum.
„Mér finnst þetta grafalvarleg
staða,“ segir Margrét en hún seg-
ir flokkinn þó líklega halda velli,
en minnkandi fylgi sé áhyggjumál
sem þurfi að takast á við.
Hún segir kosningabaráttuna
þó dapra, ekki bara hjá Samfylk-
ingunni, heldur öllum stjórnmála-
flokkum. „Ég held að þessi áhersla
á netið sé stórlega ofmetin. Kjós-
endur vilja að það sé hlustað á þá,
að þeir fái að horfast í augu við
frambjóðendur,“ segir Margrét að
lokum. | vg
Óttast að Samfylkingin gæti þurrkast út
Samfylkingin á í vand-
ræðum og mögulegt
er að hún þurrkist út
að mati fyrrverandi
formanns.
Mynd | Hari
Flokkur í fallhættu
Sam fylk ing in mælist með 6,1 prósent fylgi í nýrri könnun MMR en tæp 6
prósent í könnun Félagsvísindastofnunar sem Morgunblaðið greindi frá í
gærmorgun.
Odd ný G. Harðardótt ir, formaður Sam fylk ing ar inn ar, nær ekki kjöri í
Suður kjör dæmi samkvæmt könnun Félagsvísindastofnunar. Þá ná Sam
fylk ing arþing menn irn ir Össur Skarp héðins son, Val gerður Bjarna dótt ir og
Helgi Hjörv ar ekki kjöri í Reykja vík ur kjör dæmun um.
Dómsmál Héraðsdómur
Reykjavíkur leysti konu með
geðraskanir undan kaup-
samning á íbúð hennar, en
konan segist hafa verið í djúpu
þynglyndi þegar hún skrifaði
undir bindandi kauptilboð við
par í gegnum fasteignasöluna
Eignamiðlun.
Parið sem hugðist kaupa íbúðina á
um 27 milljónir króna, stefndi kon-
unni eftir að hún rifti kaupsamn-
ingnum, og vildi að hún stæði við
samninginn.
Farið var fram á að kaupsamn-
ingnum yrði rift þar sem söluna
mátti rekja beint til andlegra van-
heilinda konunnar. Í dómi seg-
ir meðal annars að konan hafi
verið flutt með sjúkrabíl af fast-
eignasölunni eftir að konan hafði
farið á fund með parinu og fast-
eignasala, þar sem farið var fram á
að hún stæði við samninginn.
Þá kom einnig fram að konan
hefði rift samningnum 20 dög-
um eftir að hann var gerður, en
þá var parið ekki búið að skila inn
greiðslumati eins og kvað á um í
samningnum. Það gerði parið þó
síðar. Á þeim forsendum rifti hér-
aðsdómur samningnum síðasta
fimmtudag, þar sem kauptilboðið
var runnið út, auk þess sem konan
fékk gjafsókn vegna málsins.-vg
Seldi íbúð í djúpu þunglyndi
Konan skrifaði undir bindandi kaupsamning en var að lokum leyst undan honum.