Fréttatíminn - 18.11.2016, Blaðsíða 4

4 | FRÉTTATÍMINN | Föstudagur 18. nóvember 2016
Viðskipti Hannes Hilmarsson,
stærsti hluthafi og forstjóri flug­
félagsins Atlanta, átti félög í skatta­
skjólum og var eitt þeirra virkt
árið 2014. Atlanta er stórfyrirtæki
me ð um 33 milljarða króna tekjur
sem leigir út flugvélar um allan
heim. Eitt félag Hannesar á Tortólu
fékk lán frá Landsbankanum í
Lúxemborg.
Ingi Freyr Vilhjálmsson
ingi@frettatiminn.is
Hannes Hilmarsson, forstjóri og
stærsti hluthafi f lugfélagsins Atl-
anta, var hluthafi í félögum í skatta-
skjólum sem meðal annars fengu
lán frá Landsbanka Íslands á ár-
unum fyrir hrunið. Þetta kemur
fram í Panamaskjölunum svoköll-
uðu, gagnaleka frá Panamaísku lög-
mannsstofunni Mossack Fonseca.
Miðað við gögnin í Panamaskjölun-
um er að minnsta kosti eitt félag sem
Hannes tengist, Limeligt Securies
Inc. í skattaskjólinu Tortólu ennþá
virkt árið 2014 en það var fært yfir
til eignastýringarfyrirtækisins Arena
Wealth Management í Lúxemborg.
Hannes Hilmarsson vann hjá fyr-
irtækinu Avion Group sem Magnús
Þorsteinsson, hluthafi í Landsbank-
anum, stýrði um tíma. Flugfélag-
ið Atlanta var í eigu Avion Group.
Avion Group keypti meðal annars
Eimskipafélag Íslands. Fyrirtækin
sem Hannes tengist í Panamagögn-
unum voru stofnuð á meðan hann
vann hjá Avion Group en árið 2007
keyptu hann og aðrir lykilstjórnend-
ur Flugfélagsins Atlanta fyrirtækið í
63 milljón dollara viðskiptum.
Atlanta er í dag stórfyrirtæki á Ís-
landi og námu tekjur þess rúmlega
257 milljónum dollara, rúmlega 33
milljarða króna. Hannes á 50 pró-
senta hlut í Atlanta í gegnum fé-
lagið Haru Holding ehf. Starfsemi
Atlanta fer hins vegar fram erlend-
is að langmestu leyti þó höfuðstöðv-
ar fyrirtækisins séu í Kópavoginum.
Starfsemi Atlanta, sem á 19 þotur,
gengur út að leigja þær til flugfélaga
og annarra aðila út um allan heim,
meðal annars til Sádí-Arabíu, Nígeríu
og annarra Afríkulanda.
Gögnin um félög tengd Hannesi
Hilmarssyni eru bara hluti þeirra
gagna sem finna má í Panamaskjölun-
um um starfsemi íslenskra flugfélaga
og stjórnenda þeirra í skattaskjólum.
Í síðustu viku greindi Fréttatíminn til
dæmis frá því að félag sem Icelandair
á hlut í, Icelease ehf., hefði stundað
viðskipti með Airbus þotu í gegnum
Panama árið 2013.
Hannes fékk prókúruumboð yfir
Limelight Securites árið 2006 og fékk
félagið þá meðal annars 87 milljóna
króna lán frá Landsbankanum í Lúx-
emborg til að kaupa hlutabréf fyr-
ir. Magnús Stephensen, þáverandi
starfsmaður Avion Group, var einnig
hluthafi í félaginu auk þeirra Stefáns
Eyjólfssonar og Kára Kárasonar, sam-
kvæmt gögnum í Panamaskjölunum.
Fyrir rúmum tveimur og hálfu ári,
í maí og júní árið 2014, átti Þorsteinn
Ólafsson, starfsmaður Arena Wealth
Management í Lúxemborg, í sam-
skiptum við Mossack Fonseca vegna
þess að til stóð að nota félagið aft-
ur. „Við erum búnir að borga reikn-
inginn til að endurvirkja Limelight.
Getur þú vinsamlegast hjálpað mér
að endurvirkja félagið svo fljótt sem
auðið er?“ Ekki kom hins vegar fram í
hvaða nota ætti Limelight Securities.
Í máli Þorsteins Ólafssonar kom hins
vegar fram sú ósk að fyrirtækið yrði
fært frá Tortólu til Möltu. Síðustu
gögnin um Limelight Securities í
Panamaskjölunum eru frá því fyrir
rúmu ári síðan en þá var skipt um
stjórnarmann í félaginu. Engar vís-
bendingar eru hins vegar um starf-
semi félagsins í Panamagögnunum.
Þetta sýnir að því fer fjarri að notk-
un Íslendinga og íslenskra fyrirtækja
á félögum í skattaskjólum sé á ein-
hvern hátt bundin við íslenska efna-
hagshrunið. Mýmörg dæmi eru um
að Íslendingar og íslensk fyrirtæki
hafi notað skattaskjólsfélög á síð-
ustu árum.
Hannes Hilmarsson hefur ekki
svarað ítrekuðum tölvupóstum og
símtölum Fréttatímans þar sem
hann hefur verið beðinn um að
svara spurningum um viðskipti sín
í skattaskjóli.
Fréttin er unnin í samstarfi við
Reykjavík Media.
„Getur þú vinsamlegast
hjálpað mér að endur-
virkja félagið svo fljótt
sem auðið er?“
Þorsteinn Ólafsson
Forstjóri Atlanta með
félög í skattaskjólum
Eitt af félögunum sem Hannes Hilmarsson tengist í Panamaskjölunum fékk lán frá Landsbankanum í Lúxemborg. Félagið,
Limelight Securities Inc., var enn virkt árið 2014 og var stýrt af Arena Wealth Management í Lúxemborg.
Gagnaleki Samskipti sjúkra­
flutningamanna verða áfram
ódulkóðuð en samskiptamynstri
verður breytt þangað til starfs­
menn fá nýjar talstöðvar.
„Kerfið er stór hluti af því að halda
þjónustunni gangandi, og því
breyttum við fjarskiptavenjum,“
útskýrir Jón Viðar Matthíasson,
slökkviliðsstjóri á höfuðborgar-
svæðinu, en öll samskipti í gegn-
um Tetrakerfið síðustu tvær vik-
ur, hafa verið aðgengileg á netinu
í nokkurn tíma.
Þeir sem reiða sig á kerfið eru
ekki eingöngu sjúkraf lutninga-
menn, heldur einnig lögreglan,
sem lét dulkóða öll sín samskipti
í fyrradag, björgunarsveitarmenn
og Strætó, auk þess sem al manna-
varna deild Rík is lög reglu stjóra reið-
ir sig á samskiptakerfið.
Viðar Magnússon er yfirlæknir
hjá sjúkrabílaþjónustu Landspít-
alans, en heyra má mjög nákvæm
samskipti á milli sjúkraflutninga-
manna og starfsmanna spítalans í
hljóðupptökum á netinu.
„Frá mínum bæjardyrum séð,
þá skiptir öllu að þessar upplýs-
ingar séu ekki aðgengilegar, og við
hljótum að gera þá kröfu að rekstr-
araðilar sjúkraflutninga tryggi að
svo verði ekki,“ segir Viðar en spít-
alinn notar nær eingöngu Tetra-
kerfið til þess að eiga í samskiptum
við sjúkraflutningamenn. Þó eru
talstöðvarnar tiltækar, komi upp
neyðarástand þar sem þarf að eiga
í samskiptum þvert á stofnanir.
Jón Magnús Kristjánsson, yfir-
læknir á bráðdeild, segir í samtali
við Fréttatímann að þar hafi tal-
stöðvarnar verið teknar úr umferð
þar til betri lausn finnst.
Spurður um afleiðingar þess svar-
ar hann: „Það er fyrst og fremst
óþægilegt, enda tekur lengri tíma
að koma skilaboðum á milli stafs-
manna.“
Samskipti sjúkraflutningamanna áfram ódulkóðuð
Starfsfólk
Landspít­
alans
er hætt
að nota
Tetra­tal­
stöðvar og
fjarskipta­
venjum
hefur
verið
breytt.
Enn hlaðast upp nýjar upptökur
á netinu, það er að segja þær sem
eru ekki dulkóðaðar, en flytja þarf
inn sérstakar talstöðvar til þess
að virkja dulkóðunina. Lögreglan
óskaði sjálf eftir auknu öryggi og
var farið í 250 milljón króna upp-
færslu á kerfinu vegna þessa. Til
stóð að allir aðilar væru dulkóðað-
ir fyrir árið 2018. | vg
Listrænar breytingar
á Bessastöðum
Myndlist hafa verið vettvangur
stjórnmálahræringa á síðustu dög­
um, enda stendur fyrir dyrum að
mynda ríkisstjórn í umboði forseta.
Nýjum forseta fylgja nýjar áherslur,
meðal annars í vali á listaverkum,
eins og sést hefur fréttamyndum.
Guðni Tómasson
gudni@frettatiminn.is
Listasafn Íslands sér um að höndla
með listaverk í mörgum byggingum
ríkisins, þar á meðal verk á Bessa-
stöðum. Þar á bæ fást þær upplýs-
ingar að skipt hafi verið um tvö verk
á Bessastöðum að beiðni nýs forseta,
Guðna Th. Jóhannessonar.
Í móttökusalnum hefur vakið að
athygli að málverkinu Á rúmsjó (d.
Paa aaben sö) eftir Carl Frederik
Sørensen hefur verið skipt út. Mál-
verkið sem hangið hefur innst í saln-
um árum saman sýnir það þegar tvö
skip Kristjáns níunda Danakonungs
eru á leið til hafnar á Íslandi árið 1874.
Þá var konungur með nýja stjórnar-
skrá fyrir Íslendinga í farteskinu, en
í fjarska gnæfir Snæfellsjökull yfir
haffletinum.
Í stað þessa verks er nú komið verk-
ið Flugþrá eftir Jóhannes Kjarval. Það
málaði Kjarval á löngu tímabili milli
1935 og 1954 en þess má geta að verk-
ið fór á frímerki árið 1985. Verkið sýn-
ir hulduveru og risavaxna álft í mjög
„kjarvölsku landslagi“ en inntak þess
er þrá mannsins eftir að ná lengra og
brjóta af sér hlekki jarðlífsins.
Önnur breyting á listaverkavali
hefur orðið í suðurstofu Bessastaða,
að ósk forseta. Þar hefur einn ís-
lenskur abstraktmálari komið inn á
völlinn fyrir annan. Málverkið Saga
eftir Nínu Tryggvadóttur frá 1961 er
komið upp á vegg í stað verks eftir
Kristján Davíðsson á endavegg her-
bergisins. Þetta fallega verk er í dökk-
um litatónum en breytingin verður
að teljast ágætt mál, enda hallar
verulega á konur á veggjum Bessa-
staðastofu.
Forseti Íslands fyrir
framan Flugþrá Kjar­
vals sem hann sýndi í
Listamannaskálanum
1954 og sagði við það
tækifæri: „Maður á
ekki að lifa til þess að
láta sér líða vel.“
Formaður Sjálfstæðis flokksins stóð
fyrir framan Sögu eftir Nínu Tryggva­
dóttur þegar hann tók við stjórnar­
myndunarumboði á dögunum.
sushisamba.is
SURF’N TURF RÚLLA
Stökk humar tempura, gómsætt
nauta-carpaccio, mjúkt avókadó,
teriyaki, spricy mayo og brakandi
chili crumble ... geggjað!
Djúsí
Sushi