Fréttatíminn - 02.12.2016, Side 26

Tónlistin er svo eftir færeyska
tónskáldið Suneif Rasmussen.
Enginn er dómari í sinni sök og ef
til vill þarf utanaðkomandi inn-
herja eins og þau Amir og Arta til
að greina hismið frá kjarnanum í
norrænu þjóðarsálinni.
Arta leynir því ekki að íranskur
uppruni þeirra eigi stóran þátt í
því að áhugi þeirra kviknaði.
„Þegar ég var að alast upp var ég
meðvituð um að eitt sinn hafi ver-
ið til Íran, þar sem samstaða ríkti
á milli íbúanna, enda deildu þeir
sameiginlegu gildismati. Þetta er
annað Íran en við þekkjum í dag,“
segir Arta. Hún og Amir eru bæði
alin upp við þá trú sem kennd er
við spámanninn Zaraþústra, og
eru ein elstu trúarbrögð heims.
Arta var fjögurra mánaða göm-
ul þegar fjölskylda hennar leitaði
hælis i Danmörku en faðir hennar
var þekktur fyrir leik í verkum
sem höfðu pólítíska undirtóna.
Hún var komin vel á þrítugsaldur
þegar hún heimsótti Íran í fyrsta
skipti fyrir sjö árum. Hún lýsir
þeirri reynslu sem „tilvistarlegu
uppgjöri.“ Þekking hennar á Íran
kom ekki síst úr írönsku sjónvarpi
sem hægt var að horfa á í Dan-
mörku en lífshættir fjölskyldunnar
voru danskir.
Eðlið í hinu norræna
„Það var í Íran sem ég varð fyrst
fyrir alvöru meðvituðu um tvöfald-
an uppruna minn. Hingað til hafði
ég alltaf talið mig Dana, en að vísu
upprunnin í Íran eins og aðrir sögð-
ust vera frá Fjóni eða Jótlandi.“
Hún fór að velta vöngum yfir því
hver hún væri í eðli sínu og hvað
hún ætti og ætti ekki sameiginlegt
með Dönum og Írönum. Þegar hér
var komið við sögu hafði hún hitt
Amir, sem var að vinna við nor-
ræna rapphátíð. Norræni söngur-
inn var sú lausn sem Amir bauð
henni upp á í heilabrotum hennar.
„Það er hið norræna, þú finnur eðli
þitt í hinu norræna,“ sagði Amir.
Leit hennar að sjálfri sér var
þannig á sama tíma leit að norræna
kjarnanum og leiðin til hins nor-
ræna óðs.
„Og frá þeim degi sem ég byrjaði
að vinna í þessu norræna samstarfi
hef ég hitt Færeyinga, Íslendinga,
Finna og smám saman fundið fleiri
púsl í púsluspilinu.“ Hún fann
margt í fari hinna Norðurlanda-
búanna sem hún gat samsamað
sig við. Hinir yfirveguðu Finnar
minntu hana á föður hennar og ís-
lenska kjötsúpan á sér systur-súpu
í Íran!
„Og ég hef tautað í barminn:
„Kannski er ég bara norræn – fyrst
ég er hvorki írönsk né dönsk,“
heldur Arta áfram. „Og á þessu
mótunarskeiði datt úr úr mér:
„Amir, ég held að Íran í mínum
huga sé einhvers staðar á milli
Finnlands og Noregs, Færeyja og
Íslands. Það er á norðurslóðum
míns eigin huga. Það er jafnstórt
og hin löndin og ég held að ég
sé í raun og veru fyrst og fremst
norræn.“
Þú ástkæra, víðfeðma, ljósa land með löðrandi brim og jökultinda syngja nor-
rænir kórar við tónlist íranskra flóttamanna.
„Stjórnmálamenn tala
stöðugt um sérstakt
þjóðareðli í Danmörku
og hinum Norðurlöndun-
um, en gleyma því að
erum hluti af einstökum
norrænum félagsskap sem
byggir á trausti, jafnrétti
og öryggi. Óðurinn er til
heiðurs þessu.“
arminGefðu
Ögurhvarfi 2, 203 Kópavogur, sími 577 6000, garmin.is
Fenix 3 HR
Verð frá 74.900
Heilsu- og Snjallúr sem hreyr við þér!
Fenix 3 HR er úr fyrir kröfuharða íþróttamenn,
útivistarfólk og alla sem líkar vandað og fallegt úr.
26 | FRÉTTATÍMINN | Föstudagur 2. desember 2016