SÍBS blaðið - 01.06.2006, Blaðsíða 7
7
einu ári aldrei átt sér stað síðan.
Fundur var haldinn í stjórn SÍBS 28. september
1956. Þar var samþykkt eftir allmiklar umræður
að æskja eftirtaldra breytinga á happdrættinu:
1. Að leyft yrði að hækka tölu útgefinna miða í
75.000.
2. Að sambandið hefði rýmri hendur um
ráðstöfun hagnaðarins af
happdrættinu.
3. Að reynt yrði að fá heimild til að greiða
vinninga í peningum.
Ríkisstjórnin fékkst ekki til að flytja þetta
frumvarp, en flutti hinsvegar breytingartillögu
við lögin, sem gaf SÍBS heimild til að gefa út
65.000 miða.
Salan 1957 varð 45 þúsund miðar,
og var það rýrnun sem nam þremur
þúsundum miða frá fyrra ári.
Salan úti á landi hélt sér yfirleitt,
en vanhöldin komu öll fram
í Reykjavík og Hafnarfirði.
Orsökina taldi framkvæmdastjóri
harða samkeppni, aðallega
við Happdrætti Háskólans. Það
happdrætti hafði einnig auglýst meira
en áður hafði þekkst um hliðstæð
fyrirtæki.
Gjafir til viðskiptavina
Í tilefni af tíu ára afmæli
happdrættisins samþykkti happdrættisnefnd
haustið 1959, að láta Múlalund framleiða fyrir
happdrættið handhægt veski úr plasti, sem nota
mætti bæði sem seðlaveski og til varðveislu á
happdrættismiðum viðskiptavina. Framleidd
voru þrjátíu þúsund slík veski og þau gefin
miðaeigendum í fyrsta flokki 1960. Áður
höfðu örsmáir vasahnífar verið notaðir í sama
tilgangi.
Þessar smágjafir til viðskiptavina ollu gremju
hjá aðalkeppinauti SÍBS, Happdrætti Háskóla
Íslands, sem kvartaði undan þessu tiltæki
happdrættis SÍBS, en ekki varð þó meira úr
þessari deilu, og í fundargerð SÍBS stjórnar 14.
janúar 1960 er svofelld bókun: „....gat Þórður
þess að formaður happdrættisráðs Háskólans,
Ármann Snævarr, hefði komið á sinn fund
og borið sáttarorð frá sínum mönnum.“ Ekki
var haldið áfram að gefa viðskiptavinum
happdrættisins slíkar smágjafir.
Auglýsingar
Auglýsingar hafa alla tíð gegnt stóru hlutverki
í rekstri happdrættisins og hafa lengst af verið
stærsti kostnaðarliður þess ásamt
sölulaunum umboðsmanna.
Fyrstu ár happdrættisins samdi
framkvæmdastjóri þess allar
auglýsingar sem birtar voru á
prenti eða lesnar í útvarpi, en
árið 1964 byrjaði auglýsingastofa
Gísla B. Björnssonar að gera
auglýsingaefni o.fl. fyrir
happdrættið. Fyrsta verkið sem
stofan vann var myndskreyttur
áramótabæklingur sem viðskiptavinir
fengu í hendur við endurnýjun
í fyrsta flokki 1965. Þessi
auglýsingastofa og arftaki hennar,
Hvíta húsið, unnu árum saman
fyrir happdrættið, bæði að uppsetningu á
heildarvinningaskrá hvers árs, auglýsingum í
blöð og tímarit og sjónvarpsauglýsingum. Árið
1990 fór auglýsingastofan Hér og nú að vinna
fyrir happdrættið og hefur gert það síðan.
Jagúar, Rover eða bara sumarhús?
Til að glæða sölu og ná til yngra fólks voru
teknir upp sérstakir aukavinningar þar sem
Stjarnan er einkennismerki
Happdrættis SÍBS og þá
gjarnan með textanum: fyrir
l íf ið sjálft ...
HITAVEITA
SUÐURNESJA HF.
Pósthólf 225 • 231 Reykjanesbær
S: 422 5200 • F: 421 4727
www.hs.is • hs@hs.is
Netf. forst.: julius@hs.is