SÍBS blaðið - 01.06.2006, Blaðsíða 18
18
Reglugerð í stað samninga
Eins og mörgum félagsmönnum innan SÍBS
er kunnugt sögðu hjartalæknar upp samningi
sínum við ríkið um síðustu áramót með þriggja
mánaða fyrirvara og tók því uppsögnin gildi 1.
apríl s.l. Sama dag tók gildi ný reglugerð nr.
241/2006 þar sem segir m.a.:
,,Skilyrði fyrir endurgreiðslu sjúkratrygginga
almannatrygginga á hluta kostnaðar sjúkra-
tryggðra einstaklinga við þjónustu sjálfstætt
starfandi sérfræðinga í hjartalækningum utan
sjúkrahúsa sem starfa án samnings við heil-
brigðis- og tryggingamálaráðherra er að fyrir
liggi tilvísun á sérfræðiþjónustuna frá heilsu-
gæslulækni eða heimilislækni. Hafi sjúkra-
tryggður einstaklingur ekki slíka tilvísun taka
sjúkratryggingar almannatrygginga ekki þátt í
kostnaði við þjónustuna.”
Reglugerðin hefur það í för með sér að ef
sjúklingur vill fá heimsókn til hjartasérfræðings
greidda þarf hann fyrst að heimsækja heimilis-
lækni. Hann metur þörf viðkomandi sjúklings
fyrir aðstoð hjartasérfræðings og gefur út til-
vísun ef hann telur að þörf sé á heimsókn til
sérfræðingsins. Ef sjúklingurinn fer hinsvegar
beint til sérfræðings þarf hann að greiða heim-
sóknina að fullu sjálfur.
Ályktun frá SÍBS og Hjartaheillum
Til að bregðast við ofangreindri reglugerð
sendu SÍBS – Samband íslenskra berkla- og
brjóstholssjúklinga og Hjartaheill 6. apríl s.l.
eftirfarandi ályktun til heilbrigðis- og trygg-
ingamálaráðherra:
,,Stjórnir SÍBS og Hjartaheilla mótmæla harð-
lega ákvæðum reglugerðar frá 31. mars, 2006
um tilvísunarskyldu til greiðsluþátttöku Trygg-
ingastofnunar vegna þjónustu sjálfstætt starf-
andi sérfræðinga í hjartalækningum.
Jafnframt er eindregið hvatt til að gengið
verði til samninga við sjálfstætt starfandi
hjartalækna nú þegar.”
Í bréfi sem sent var með ályktuninni var bent
á að öryggi hjartasjúklinga geti verið stefnt í
hættu með tilkomu reglugerðarinnar. Margra
daga bið getur verið á viðtalstíma hjá heim-
ilislækni og nokkuð skortir á að allir hafi
heimilislækna. Því getur framkvæmd reglugerð-
arinnar leitt af sér kostnaðarauka bæði fyrir
sjúklinga og ríkisvaldið. Stór hluti samskipta
hjartalækna og sjúklinga þeirra er reglubundið
og nauðsynlegt eftirlit án milligöngu annarra
lækna. Reglugerðin væri hamlandi fyrir þessi
samskipti.
Fundur með heilbrigðis- og
tryggingamálaráðherra
Þann 8. maí s.l. fóru fulltrúar SÍBS og Hjarta-
heilla á fund ráðherra m.a. til að fylgja eftir og
undirstrika einarða afstöðu samtakanna sem
fram kemur í ofangreindri ályktun. Fundinn
sóttu f.h. ráðuneytisins auk ráðherra, ráðuneyt-
isstjóri, skrifstofustjóri, lögfræðingur og ritari.
Meginefni fundarins var gildistaka ofangreindr-
ar reglugerðar sem sett var á án samstarfs,
samráðs eða vitneskju Hjartaheilla, landssam-
taka hjartasjúklinga. Á fundinum undirstrik-
uðu fulltrúar SÍBS og Hjartaheilla öryggissjón-
armið sem ávallt bæri að hafa í hávegum í
læknisþjónustu. Allt of mörg dæmi væru um að
hjartasjúklingar fengju of seint viðeigandi með-
ferð m.a. vegna þess að þeir komast ekki nógu
fljótt að hjá hjartasérfræðingi. Þá væru dæmi
þess að fólk fengi ranga meðferð sem ekki hefði
verið ef viðkomandi hefði farið strax í skoðun
Ný reglugerð bitnar á hjartasjúklingum
Óviðunandi ástand
Hjartaheill hefur staðið fyrir mælingum á
blóðþrýstingi og blóðfitu víðs vegar um land og í
stofnunum og fyrirtækjum.
Hér er verið að mæla niðri á Alþingi í vetur og það er
forseti þingsins sem er verið að mæla þarna.
F
r
á
S
ÍB
S