SÍBS blaðið - 01.06.2006, Blaðsíða 10
10
nýjungar í vinningaskrá. Vinningum var
fjölgað að miklum mun, listaverk eftir íslenska
listamenn voru í boði og hún lét fjöldaframleiða
ýmsar vörur eftir hönnun íslenskra listamanna
og nota sem vinninga.
Helga lét af störfum vegna veikinda árið 2001
og tók þá Pétur Bjarnason við en hann hafði
áður verið framkvæmdastjóri SÍBS. Hann hefur
gegnt starfi framkvæmdastjóra happdrættisins
síðan. Áfram hefur verið haldið þeirri stefnu
að styðja íslenska menningu, t.d. hafa vegleg-
ir bókavinningar verið í boði á undanförnum
árum, t.d. Íslensk orðabók, Þjóðsögur Jóns Árna-
sonar og Kjarvalsbók, en þátttaka happdrættisins
hefur stutt mjög útgáfu þessara verka og við-
skiptin gefið happdrættinu mjög góðan hagnað.
Samkeppni og samvinna
Samkeppni hefur ávallt verið nokkur milli
flokkahappdrættanna þriggja, eins og drepið
var á hér að framan. Yfirleitt hefur hún þó
verið á sanngjörnum nótum og samstarf
happdrættanna á móti verið mun stærri þáttur í
samskiptum þeirra. Til dæmis er um þriðjungur
af um eitt hundrað umboðum Happdrættis SÍBS
sameiginlegur
með hinum
tveimur
og tæpur
helmingur er
sameiginlegur
með öðru
hvoru hinna.
Þá hefur
HHÍ víða
heimilað afnot
af tölvum
sínum hjá
umboðsmönnum og þegar Happdrætti SÍBS
flutti úr Suðurgötu 10 fyrir fjórum árum þá tók
Happdrætti DAS við miðbæjarumboði fyrir SÍBS
og á móti er Múlaútibú DAS hjá Happdrætti
SÍBS. Þessi happdrætti eiga það sameiginlegt að
verja hagnaði sínum óskiptum til velferðarmála,
og velgengni hjá einu þeirra skilar sér oft að
einhverju marki til hinna líka.
Nýir tímar kalla á ný úrræði
Starfsemi flokkahappdrætta hefur frá upp-
hafi verið skorinn nokkuð þröngur stakkur.
Lög og reglugerðir hafa haft stífan ramma um
starfsemina. T.d. var það ekki fyrr en með árinu
2002 að heimild fékkst til þess að selja nýja
miða í hverjum mánuði án þess að greiða fyrir
alla fyrri mánuði ársins sem þó var búið að
draga í. Þessi breyting hefur bætt hag happ-
drættanna verulega. Þá varð bylting þegar
hægt varð að kaupa miða og ljúka þeim við-
skiptum í heimatölvunni í stað þess að mæta
í umboðinu. Greiðslukortaviðskipti með fastri
Talnastokkurinn gegnir miklu hlutverki í
tölvuútdrættinum, því með honum er ákveðin 48 stafa
tala sem ákvarðar vinningaskrána.
Hin glæsilegu mannvirki á
Reykjalundi eru byggð fyrir hagnað
af Happdrætti SÍBS auk þess sem
þjóðin hefur gefið rausnarlega ti l
þessa málefnis í áranna rás.
áskrift eru núna notuð af um 70% viðskipta-
vina okkar og það hlutfall fer hækkandi. Þá
eru beingreiðslur bankanna einnig í boði en sú
þjónusta er mjög dýr.
Tilraun var gerð fyrir tveimur árum með að
selja happdrættismiða SÍBS beint úr kassakerfi
Hagkaupa og gekk vel hvað tæknihliðina snerti
en þjónusta af hálfu verslanakeðjunnar brást,
einkum varðandi fræðslu til starfsfólks, svo
þessu var hætt í bili. Ekkert mælir þó móti því
að slíkt verði tekið upp aftur.
Nú á vordögum 2006 hillir undir að heimilað
verði að greiða út vinninga í peningum, í stað
þess að nú þarf að óska eftir nótum frá við-
skiptavinum á móti peningagreiðslum. Þar með
rætast óskir stjórnar SÍBS sem settar voru fram
við Alþingi fyrir 50 árum, eins og greinir hér
að framan, en ávallt synjað fram að þessu.
Happdrætti SÍBS heldur velli í gegnum þjóð-
félagsbreytingar og þrátt fyrir aukna samkeppni
nýrra happdrættisforma. Það er fyrst og fremst
að þakka tryggum hópi stuðningsmanna og því
öfluga starfi sem unnið er á Reykjalundi, þar
sem nánast hver einasta fjölskylda á Íslandi
hefur notið einhvers stuðnings í áranna rás.
Fyrir þessa tryggð og velvild þökkum við af
heilum hug.
Pétur Bjarnason
Með skemmtilegri verkum í Happdrætti SÍBS er að
afhenda stóra vinninga.