SÍBS blaðið - 01.10.2008, Síða 16

16
Stjórn og varastjórn SÍBS að loknum síðasta fundi fyrir sambandsþing 2008.
F.v.: Dagný Erna Lárusdóttir, varaformaður, Auður Ólafsdóttir, ritari, Frímann Sigurnýasson, Sigurður Rúnar
Sigurjónsson, formaður, Ingi Dóri Einarsson, gjaldkeri, Gísli J. Júlíusson, Brynja Dís Runólfsdóttir, Aðalsteinn
Valdimarsson og Bragi Guðjónsson. Á myndina vantar Björn Ólaf Hallgrímsson, Svein Aðalsteinsson og Sigrúnu
Bjarnadóttur.
hefur breyst frá þessum fyrstu árum. Í stað
saumastofu og trésmíðaverkstæðis er nú komið
svið atvinnulegrar endurhæfingar en alls
eru níu meðferðarsvið á Reykjalundi. Þar er
m.a. hjartaendurhæfing, lungnaendurhæfing,
verkjasvið og gigtarsvið. Þá er tauga- og hæf-
ingarsvið, geðsvið og næringarsvið, en þar hafa
orðið miklar breytingar á undanförnum árum.
Þróunin hefur orðið sú að flestir sjúklingar eru
í fimm daga vist og einnig fer dagsjúklingum
fjölgandi. Þverfagleg göngudeild hefur reynst
afar vel og eru komur þangað yfir 2000 á ári.
Plastverksmiðja sem starfrækt var á Reykja-
lundi var seld árið 2004 en fyrirtækið hefur
starfað sem leiguliði SÍBS í sömu húsakynnum
og fyrr. Þar með lauk hálfrar aldar sögu þess-
arar starfsemi, sem var brautryðjendastarf á
sínum tíma og löngum drjúgur þáttur í end-
urhæfingu vistmanna og atvinnulífi lands-
manna. Lengst af studdi plastiðjan dyggilega
við uppbyggingu á Reykjalundi og lagði þar
fram fjármuni og aðstöðu. Þar kom þó að
heppilegra þótti að fela öðrum að reka þessa
starfsemi og var hún því seld að undangengn-
um áföllum í rekstrinum.
Aðalskrifstofa og Happdrætti SÍBS
Á vegum sambandsstjórnar SÍBS hefur á und-
anförnum árum verið farið mjög vandlega yfir
alla helstu þætti starfseminnar. Á aukaþingi
SÍBS í nóvember 2005 voru samþykktir skipu-
lagspunktar sem unnir voru upp innan SÍBS.
Árið 2006 vann Auður Ólafsdóttir, stjórnarmað-
ur í SÍBS, stefnumótunarverkefni fyrir SÍBS sem
verkefni í meistaranámi ásamt fjórum öðrum.
Þá vann endurskoðunarskrifstofan Deloiette
skýrslu um skipulag SÍBS á árinu 2007. Sér-
stakur vinnuhópur vann svo tillögur með sam-
ræmingu á niðurstöðum þessara þriggja aðila,
en þær voru einnig ræddar á formannafundi
snemma árs 2008. Tillögur vinnuhópsins voru
svo samþykktar af stjórn SÍBS á vordögum.
Þessar tillögur verða lagðar fyrir sambandsþing
SÍBS í október til umfjöllunar og afgreiðslu.
Í tillögum að nýju skipulagi felst m.a.: