Dagblaðið Vísir - DV - 16.02.2016, Síða 20

20 Lífsstíll Vikublað 16.–18. febrúar 2016
B
rjóstsviði getur verið mjög
hvimleiður og margir þjást
af honum á hverjum degi,
sérstaklega í kjölfar máltíða.
Sumir taka óþægindunum
sem hverju öðru hundsbiti og eru
orðnir vanir því að brjóstsviðinn sé
einfaldlega fylgifiskur þess að borða.
Langvarandi, þrálátur brjóstsviði
getur þó haft slæmar afleiðingar og í
verstu tilfellunum getur hann leitt til
krabbameins í vélinda. Það er því til
þess vinnandi að reyna að draga úr
honum með öllum tiltækum ráðum
og það þarf alls ekki að vera flókið.
Til eru nokkrar einfaldar leiðir sem
hægt er að notast við til að draga úr
brjóstsviða. Sumar þeirra kunna að
hljóma undarlega, en virka engu að
síður, ótrúlegt en satt.
Borðaðu lakkrís
Eins undarlegt og það kann að
hljóma þá getur það að japla á
lakkrís dregið úr brjóstsviða. En vert
er að taka fram að ekki er æskilegt að
innbyrða mikið af lakkrís í þeim til-
gangi. Lakkrís er reyndar talinn hafa
jákvæð áhrif í baráttunni við ýmsa
kvilla í meltingarveginum, eins og
magasár, bólgur og brjóstsviða.
Drekktu Aloe
vera-safa
Að drekka safa
úr plöntunni
hefur róandi
áhrif á vélindað
og dregur úr
ertingu. Aloe vera
er því góð lausn við slæmum brjóst-
sviða. Hægt er að kaupa safann
tilbúinn til drykkjar úti í búð, eða
kreista hann sjálfur úr plöntunni og
blanda með vatni eða ávaxtasafa.
Ekki leggjast strax
Margir hafa ríka þörf fyrir að leggjast
niður og hvíla sig eftir stóra máltíð.
Leggjast á meltuna, eins og sagt er.
En með því ertu í raun að auka lík-
urnar á slæmum brjóstsviða til
muna. Best er að borða tveimur eða
þremur tímum áður en lagst er út af.
Þá gefst meltingarfærunum tími til
að melta matinn og sýrustigið í mag-
anum nær að lækka.
Drekktu sódavatn
Hér er um að ræða gamalt húsráð við
brjóstsviða. Að setja örlítið af matar-
sóda út í fullt glas af vatni og drekka
í einum teyg. Mikilvægt er að nota
ekki of mikið af sódanum því hann
getur valdið ógleði sé hans neytt í
miklu magni.
Tyggðu tyggjó
Flestum þykir gott að tyggja tyggjó
en það eru kannski færri sem vita að
það að tyggja sykurlaust tyggjó getur
dregið úr brjóstsviða. Þegar þú tygg-
ur tyggjó þá eykst munnvatnsfram-
leiðslan til muna og þú kyngir oft-
ar. Samkvæmt rannsóknum hefur
það góð áhrif á hreinsun vélindans
og minnkar líkur á því að magasýrur
komist þangað upp. Fáðu þér endi-
lega sykurlaust tyggjó eftir stóra mál-
tíð og tyggðu í hálftíma, til að koma í
veg fyrir brjóstsviða.
Bíddu með ræktina
Eftir stóra og þunga máltíð gætu
margir fengið sam-
viskuvit og brugðið
á það ráð að drífa
sig í ræktina. Það
væru hins vegar
mikil mistök. Að
hreyfa sig mikið
innan við tveimur
tímum eftir að maður
borðar er ávísun á brjóstsviða.
Hreyfingin veldur því að magainni-
haldið þrýstir á vöðvana á milli mag-
ans og vélindans og vill troðast þang-
að upp með tilheyrandi óþægindum.
Hækkaðu undir höfðinu
Það kann að hljóma undarlega en
það að hækka undir höfðinu í rúminu
gæti hjálpað til í baráttunni við brjóst-
sviða. Lausnin er þó ekki að hrúga
fleiri koddum undir höfuðið heldur
er betra að setja eitthvað undir dýn-
una sjálfa. Miðaðu við að höfuðið og
brjóstkassinn séu í hærri stöðu en
fæturnir.
Borðaðu engifer
Engifer er auðvitað allra meina bót
og hefur verið notaður í baráttunni
við ýmsa kvilla í gegnum tíðina. Og í
ljós hefur komið að neysla á því virðist
draga úr líkum á brjóstsviða.
Ekki vera í þröngu
Það getur í alvöru skipt sköpum þegar
kemur að brjóstsviða, hverju þú klæð-
ist. Föt sem þrengja að líkamanum
virðast nefnilega ýta undir brjóst-
sviða. Best er að gefa sér góðan tíma
til að setjast niður og borða í róleg-
heitunum, í þægilegum fötum. Það
dregur úr líkum á brjóstsviða.
Forðastu þessi matvæli
Svo er auðvitað líka hægt að grípa til
þess ráðs að forðast matvæli sem ýta
undir brjóstsviða. Þrátt fyrir að neðan-
greind matvæli ýti undir brjóstsviða
þá er ekki þar með sagt að allir séu
jafn viðkvæmir fyrir öllu því sem er á
listanum.
n Sítrusávextir
n Koffíndrykkir eins og kók og kaffi
n Vín, bjór og annað áfengi
n Kolsýrðir drykkir
n Feitur matur
n Kryddaður matur
n Tómatar
n Hvítlaukur
n Laukur
n Piparmynta
n Súkkulaði
Góð ráð við brjóstsviða
n Sum kunna að hljóma nokkuð undarlega n Þrálátur brjóstsviði getur leitt til krabbameins
Óþægilegt Það
getur verið mjög
hvimleitt að þjást
af brjóstsviða.
Nýjar vörur
Streyma iNN
Sjáðu úrvalið á tiskuhus.is
Bæjarlind 1-3
201 Kópavogur
Sími: 571-5464
Stærðir 38-54