Ráðunautafundur - 15.02.1990, Blaðsíða 192

undanþegin vsk. Þú verður að halda öllum kostnaði sér fyrir
þá starfsemi og innskattur fæst ekki endurgreiddur.
Ég lánaði nágranna mínum dráttarvélina og tók fyrir það
30.000 kr. Á ég að leggja vsk á þá leigu?
Já, reikningur þinn verður að vera á fyrirfram númeruðum
blöðum með nafni þinu, kennitölu og vsk númeri. Einnig þarft
þú að setja á nótuna nafn kaupanda, kennitölu og vsk númer.
Konan mín ætlar að Ieigja út reiðhesta í sumar og vera e.t.v.
með reiðskóla. Þarf að leggja vsk á þá starfsemi?
Já, og innskattur af aðföngum færist til frádráttar.
Ég sel gamla heybindivél. Á ég að leggja vsk á söluverð?
Já, og gefa nótu. Skylt er seljanda að gefa út sölureikning
um leið og sala fer fram.
Ég stunda skólaakstur. Á ég að leggja vsk á
akstursreikninginn?
Nei, fólksflutningar eru undanþegnir vsk. Þú færð heldur
ekki innskattinn endurgreiddan af kostnaðinum við rekstur
bílsins.
Hvað með ferðaþjónustu. Á ég að leggja útskatt á þá
þjónustu?
Á gistingu nei, en á selt fæði já. Hestaleiga já, flutningar
á gestum nei.
Má ég setja þetta á sömu nótu?
Hestaleiga og fæði mega fara á sömu nótu. Gisting og
flutningur mega fara á sömu nótu. Sem sagt: Ekki má blanda
saman á sömu nótu liðum með vsk og án vsk.
Ég greiddi 200.000 kr inn á mjaltakerfi og seljandi reiknaði
vsk 49.000 kr. á þessa upphæð. Hafði hann rétt til þess?
Já, innborganir af þessu tagi eru virðisaukaskattsskyldar.
Þegar þú færð endanlega sölunótu verður þessi innborgun að
koma fram ásamt dagsetningu og númeri kvittunar sem gefin var
vegna innborgunar.