Ráðunautafundur - 15.02.1990, Blaðsíða 227

217-
þremum var haldinn um mánaðarmótin október - nóvember 1989.
Staða mála gagnvart hinu nýja kerfi á hinum Norðurlöndunum er sú að í
Danmörku eru gildi fyrir AAT-PBV kerfið í nýjustu fóðurtöflunum (1988) fyrir
nautgripi. Kúabændum sem hafa skýrsluhald er boðið upp á útreikninga á fóður-
áætlunum þar sem val er um AAT-PBV kerfið eða meltanlega hráeggjahvítu.
Meltanleg hráeggjahvíta er hinsvegar enn notuð fyrir nautgripi til kjötframleiðslu. Hjá
Dönum er það spurning um tímasetningu hvenær AAT-PBV kerfið leysir meltanlega
eggjahvítu alfarið af hólmi. í Svíþjóð eru gildi fyrir margar fóðurtegundir samkvæmt
AAT-PBV kerfinu í nýjustu fóðurtöflunum (1989) fyrir nautgripi. Hinsvegar eru
eggjahvítuþarfir enn gefnar upp sem meltanleg hráeggjahvíta. Vinnuhópur hefur tekið
saman skýrslu um hugsanlegar afleiðingar þess að taka þetta nýja kerfi í notkun út frá
fóðurfræðilegum, efnahagslegum og umhverfissjónarmiðum. Tilraunum með mjólkurkýr
og nautgripi í vexti verður haldið áfram árið 1990 og ákvörðun um að taka upp eða
hafna AAT-PBV kerfinu verður í fyrsta lagi tekin haustið 1990. í Noregi var skipuð
nefnd árið 1986 til að leggja mat á ný eggjahvítu og orkukerfi fyrir jórturdýr og taka
ákvörðun um hvort ástæða væri til að taka þau upp. Nefndinni var ætlað að taka
ákvörðun í árslok 1989, a.m.k. hvað varðar eggjahvítu. Umfangsmiklar tilraunir með
eggjahvítufóðrun mjólkurkúa, kálfa, sauðfjár og geita eru í gangi í Noregi og hefur
verið varið til þeirra um 1,5 milljónum norskra króna á síðustu tveimur árum. Finnar
bíða átekta eftir ákvörðunum á hinum Norðurlöndunum og telja það ekki miklum
vandkvæðum bundið að breyta um kerfi ef sú ákvörðun yrði tekin.
AAT-PBV KERFIÐ
Það er sammerkt með hinum nýju kerfum að þeim er ætlað að bæta úr þeim
vanköntum sem eru á notkun meltanlegrar hráeggjahvítu sem mælikvarða á eggjahvítu
í fóðri jórturdýra. Meltanleg hráeggjahvíta er einfaldlega mismunurinn á þeirri
eggjahvítu sem gefin er í fóðrinu og þeirrar eggjahvítu sem birtist í saurnum, þ.e.a.s
sú eggjahvíta sem virðist hverfa á leiðinni í gegnum meltingarfæri skepnunnar. Enginn
greinarmunur er gerður á þeim hluta eggjahvítunnar sem sogast upp frá meltingar-
færunum sem amínósýrur og nýtast líkamanum og þeim hluta sem hverfur úr vömbinni
út í blóðið sem amóníak og tapast úr líkamanum í þvaginu. Þá er ekki tekið tillit til
þarfa örveranna í vömbinni fyrir köfnunarefni og orku og þar af leiðandi er ekkert
vitað um hlutdeild örverueggjahvítu í þeirri eggjahvítu sem sogast upp frá meltingar-
veginum í heild. í AAT-PBV kerfinu er reynt að áætla það magn af amínósýrum sem
sogast upp frá smáþörmunum (AAT) og líkaminn getur nýtt sér. Er þar bæði um að