Ráðunautafundur - 15.02.1990, Blaðsíða 213

-203-
beggja átta um arðsemi af framkvæmdum vegna þess hve afurðir eru verðlitlar í
samanburði við framleiðslukostnað, og samkeppni við innflutt kurl setur verði ákveðnar
skorður.
Laufviður hefur lítið verið notaður við ræktun nýrra skóga. Birki hefur verið
gróðursett í einhverjum mæli, en vöxtur þess er of lítill til að geta staðið undir þeim
kröfum sem gerðar eru til nytjaskóga. Alaskaöspin vex hraðar en önnur tré á íslandi,
og er mjög auðveld í ræktum. Þrátt fyrir það hefur hún eingöngu verið notuð í
trjárækt á íslandi fram að þessu, en ekki til skógræktar.
Með því að nota ösp til framleiðslu á viði má sameina þær tvær hugmyndir sem
uppi hafa verið um skógrækt til nytja, og skapa grundvöll fyrir arðbæra skógrækt á
bújörðum. Með því móti má draga verulega úr kostnaði við ræktun á eiginlegum
nytjaskógum, skapa afurðir og vinnu á tímabilinu frá gróðursetningu að skógarhöggi,
tryggja rekstrargrundvöll fyrir framleiðslu á trjákurli, og stytta tíma í borðvið í 35-40
ár.
ASPARSKÓGRÆKT
Starfsmenn á Rannsóknastöðinni á Mógilsá hafa sett saman áætlun um ræktun
asparskóga á bújörðum. Aætlunin er aftrakstur af margvíslegum rannsóknum, sem
hófust árið 1983. Við gerð áætlunar var reynt að finna leiðir til að gera skógrækt að
raunhæfum valkosti fyrir bændur. Það var gert með því:
- að stytta tímann frá gróðursetningu að skógarhöggi.
- að lækka stofnkostnað við ræktunina.
- að skapa vinnu og tekjur á tímabilinu frá gróðursetningu að fullvöxnum
nýtanlegum skógi.
- að nota einfaldar ræktunaraðferðir.
Gert er ráð fyrir að skógarnir verði ræktaðir á framræstu mýrlendi. Stofnkostnaður
við ræktunina er áætlaður um 50 þúsund krónur á hektara. Til fróleiks má nefna að
sambærilegur kostnaður við ræktun ..nytjaskóga á bújörðum" og skóga á vegum
Skógræktar ríkisins, er núna 80-150 þúsund krónur á hektara.
Áætlað er að hver hektari asparskógar gefi af sér minnst 40 til 50 tonn af trjákurli
áður en kemur að skógarhöggi. Framleiðsla á trjákurli skapar vinnu og tekjur á
tímabilinu frá gróðursetningu að höggi. Markaður er fyrir trjákurlið í
járnblendiverksmiðjunni á Grundartanga, sem borgar nú um 4.500 kr fyrir tonnið af
innfluttu kurli frá Svíþjóð.
Asparskóginn má höggva 35 til 40 árum eftir gróðursetningu. Til samanburðar má