Dagblaðið Vísir - DV - 04.03.2016, Síða 50

Helgarblað 4.–7. mars 201610 Byggt frá grunni- Kynningarblað
Verkfræðistofan Vista á
stórsýningunni Verk og vit
V
erkfræðistofan Vista sýnir
á bás A6 á stórsýningunni
Verk og vit 2016 og leggur
aðaláherslu á orkueftirlit,
orkusparnað og sjálfvirk
mælikerfi. Fyrirlestur Vista um
orkumál á Verk og vit 2016 verður
haldinn föstudaginn 4. mars, kl.
14.00.
Sjálfvirk eftirlitskerfi frá
Verkfræðistofunni Vista
Að sögn Andrésar Þórarinssonar,
framkvæmdastjóra Verkfræðistof-
unnar Vista, rekur Vista umfangs-
mikið eftirlitskerfi sem sækir mæl-
ingar í sjálfvirk mælikerfi á Íslandi
og frá viðskiptavinum um allan
heim.
„Við hjá Vista veitum ráð-
gjöf um mæli- og eftirlitskerfi og
um hagnýta notkun þeirra,“ segir
hann. „Tilgangurinn er alltaf að
lækka rekstrar- og orkukostnað.
Það að nota orku og búnað sem
ekki nýtist neinum er að sóa fjár-
munum fyrirtækisins.“
Með mælingum má finna
óþarfa orkunotkun og aðra
rekstrar þætti sem spora úr.
Verkfræðistofan Vista hefur
langa reynslu í byggingu og rekstri
hvers konar stjórn- og mælikerfa
sem annast eða fylgjast með tækja-
búnaði. Vista gerir úttekt á orku-
kerfum, gerir tillögur um eftirlit,
setur upp búnað og rekur, býður
einstaklega góða upplýsingaþjón-
ustu fyrir orkugögn og veitir ráð-
gjöf um orkusparnað.
Gervigrasvellir
Gervigrasvellir sem eru upphitað-
ir nota mjög mikið heitt vatn. Al-
gengt er, þegar upphitun er sem
mest, að einstaka gervigrasvöllur
noti meira heitt vatn en fimm stór-
ir framhaldsskólar samanlagt.
Það er því mikið hagsmunamál
að draga jafnskjótt úr heitavatns-
notkun og snjór bráðnar eða hlýna
tekur. Algengasti ágalli í upphitun
gervigrasvalla er mikil upphitun
sem stendur lengur yfir en þörf
er á. Hér skiptir máli að hafa sér-
hæft stjórnkerfi sem ræður við alla
duttlunga upphitunar og sjálfvirkt
orkueftirlit þannig að auðveldlega
megi sjá hvort upphitunarkerfið sé
vel stillt og í lagi eða hvort bregð-
ast þurfi við bilunum.
Sundlaugar
Vatnsnotkun í sundlaugarkerfum
er í eðli sínu að miklu leyti ósýni-
leg og vanstilling sjálfvirkra kerfa
er því einnig að mestu leyti ósýni-
leg. Meðal vanstillinga sem þekkj-
ast eru sírennsli, óstöðug hitaregl-
un, óþarfa upphitun, sveiflukennd
vatnsnotkun, rekstur kerfa utan
opnunartíma og fleira í þessum
dúr.
Kælar og frystar í
matvörubúðum
Matvörubúðir eru oft með um-
fangsmikil kæli- og frystikerfi fyrir
matvæli, sem eru ætíð í gangi.
Þessi kerfi þurfa sitt eftirlit því
margt getur brugðist; hitastig er
óstöðugt, afhríming breytist, hita-
stig er að jafnaði of hátt eða of lágt.
Bilun í kæli eða frysti getur orðið
kostnaðarsöm; bæði út frá töp-
uðum matvælum og eins vegna
álitshnekkis. Vista er með í rekstri
umfangsmikið eftirlitskerfi sem
er sérhannað fyrir matvörubúðir.
Stofan gerir tillögu um allan bún-
að, setur hann upp og rekur í sam-
starfi við umsjónarmenn.
Fráveitukerfi
Öruggur rekstur fráveitukerfa er
forgangsmál allra bæjarfélaga.
Mikilvægur þáttur fráveitu eru
dælustöðvar og yfirföll. Vista
hefur áratugareynslu af rekstri frá-
veitukerfa og annast ásamt sam-
starfsaðila fráveitukerfi nokkurra
stærstu bæjarfélaga landsins.
Dælustöðvar og yfirföll eru oft-
ast þannig staðsett að fjareftirlit er
forsenda fyrir áfallalausum rekstri.
Vista, ásamt samstarfsaðil-
um, tekur að sér umsjón með frá-
veitukerfum af öllum stærðum,
þ.e. reglulegt eftirlit með öllum
búnaði, viðhald og viðgerðir. Vista
setur upp stjórnkerfi og endurbæt-
ir eldri kerfi, setur upp fjareftirlit
og vinnur með umsjónarmönnum
fráveitukerfa.
Umhverfismælistöðvar
Umhverfismælistöðvar mæla
ýmsa þætti í andrúmsloftinu, al-
gengir eru H2S, SO2, ryk af ýmsum
stærðarflokkum og NO, NOx og
NO2. Það er afar gagnlegt að hafa
veðurstöð sem hluta af búnaði
umhverfismælistöðvar því þá má
sjá úr hvaða átt viðkomandi mæli-
þáttur kemur. Ekki er óalgengt að
sjá að H2S kemur úr einni átt, SO2
úr annarri og ryk úr þeirri þriðju.
Vista útvegar allan búnað til
umhverfismælistöðva og hefur
nokkra samstarfsaðila með sér-
þekkingu á innra lífi mælitækj-
anna. Boðið er upp á alla gagna-
þjónustu í gegnum gagnvirkar
vefsíður.
„Að lokum viljum við vekja
athygli á nýrri heimasíðu, orku-
eftirlit.is,“ segir Andrés Þórar-
insson, framkvæmdastjóri Verk-
fræðistofunnar Vista.
Verkfræðistofan Vista ehf.,
Lynghálsi 9, 110 Reykjavík. Sími:
587-8889. Fax: 567-3995. Netfang:
vista@vista.is, www.vista.is. n