Dagblaðið Vísir - DV - 26.04.2016, Blaðsíða 4

Vikublað 26.–28. apríl 20164 Fréttir
Óvíst með þátttöku fjárfestingar-
sjóða í útboði Seðlabankans
n Kanna lagalega stöðu sína og gætu kosið læsta reikninga n Frumvarp um stöðugleikareikninga
E
rlendir fjárfestingarsjóðir
sem eru umsvifamiklir í
hópi aflandskrónueigenda
gætu valið þann kost að taka
ekki þátt í fyrirhuguðu út­
boði Seðlabanka Íslands til að leysa
út um 290 milljarða aflandskrónu­
eignir og þess í stað að enda með fé
sitt fremur á læstum reikningum á
engum eða neikvæðum vöxtum til
langs tíma. Kanna fjárfestingarsjóð­
irnir núna hvaða lagalegu úrræði
þeir hafa til að bregðast við væntan­
legum aðgerðum stjórnvalda sem
þeir álíta að gangi mun lengra en
nauðsyn krefur í ljósi góðrar gjald­
eyrisstöðu þjóðarbúsins. Hafa sjóð­
irnir að undanförnu meðal annars
leitað til íslenskra ráðgjafa til að
greina betur stöðu sína.
Pétur Örn Sverrisson, lögmaður
sem hefur unnið fyrir slitabú gamla
Landsbankans (LBI) undanfarin ár,
staðfestir í samtali við DV að hann
starfi sem ráðgjafi fyrir hönd er­
lendra sjóða í hópi aflandskrónu­
eigenda og sé að „kanna réttarstöðu“
þeirra í tengslum við fyrirhugað út­
boð Seðlabankans. Aðspurður vildi
Pétur Örn ekkert tjá sig um hvaða
sjóði væri að ræða en samkvæmt
heimildum DV eru það vogunar­
sjóðurinn Autonomy Capital og
sjóðastýringarfélagið Eaton Vance
Management. Autonomy Capital og
Eaton Vance eru á meðal fjögurra
erlendra fjármálafyrirtækja sem
eiga meginþorra allra aflandskróna
í höndum erlendra aðila.
Þá hafa aflandskrónueigendur
leitað til alþjóðlegu lögmannsstof­
unnar Morrison & Foerster (MoFo)
til að gæta hagsmuna þeirra, sam­
kvæmt heimildum DV. Lögmanns­
stofan þekkir vel til aðstæðna hér­
lendis og áætlunar stjórnvalda um
losun hafta en MoFo var helsti lög­
fræðilegi ráðgjafi gamla Lands­
bankans síðustu ár. Magnús Árni
Skúlason, hagfræðingur og eigandi
ráðgjafarfyrirtækisins Reykjavík
Economics, hefur einnig verið
fenginn til að aðstoða aflandskrónu­
eigendur við að útbúa greiningar
um efnahagsstöðu Íslands í tengsl­
um við gjaldeyrisuppboð Seðla­
bankans.
Stöðugleikareikningar
Áætlun stjórnvalda hefur sem
kunnugt er gert ráð fyrir því
að aflandskrónuvandinn verði
leystur með svonefndu fjölvalsút­
boði. Þannig yrði annars vegar
haldið gjaldeyrisuppboð þar sem
aflandskrónueigendur myndu
greiða „verulegt álag“ kjósi þeir að
losna strax með fé sitt úr höftum og
hins vegar útgáfu ríkisskuldabréfs
í krónum til 20 ára með útgöngu­
gjaldi fyrstu sjö árin eða skulda­
bréfi til meðallangs tíma í evrum.
Þeir fjárfestar sem fallast ekki á þessi
skilyrði stjórnvalda myndu þá enda
með krónueignir sínar á læstum
reikningum til langs tíma á engum
eða neikvæðum vöxtum. Samkvæmt
upplýsingum DV hefur verið áætl­
að að reikningarnir yrðu læstir í að
lágmarki tíu ár, en hugsanlega mun
lengur.
Aflandskrónuútboðið er eitt
helsta forgangsverkefni stjórnvalda
en í uppfærðri þingmálaskrá ríkis­
stjórnarinnar, sem var gerð opinber
í síðustu viku, kemur fram að Bjarni
Benediktsson fjármálaráðherra
muni leggja fram fumvarp í tengslum
við útboðið á vorþingi. Er þar um að
ræða frumvarp um þá lagalegu um­
gjörð sem mun gilda um fyrrnefnda
læsta reikninga og verða nefndir
stöðugleikareikningar. Rétt eins og
var hugsunin með frumvarpi á síð­
asta ári um 39% stöðugleikaskatt á
eignir slitabúanna, þar sem skattur­
inn bjó til hvata fyrir kröfuhafa til að
fallast á stöðugleikaskilyrði stjórn­
valda, þá er markmiðið með frum­
varpi um stöðugleikareikninga að
fá aflandskrónueigendur til að taka
þátt í gjaldeyrisuppboði Seðlabank­
ans eða skipta á eignum sínum fyrir
skuldabréf til langs tíma.
Frumvarpið um stöðugleika­
reikninga ætti að líta dagsins ljós á
Alþingi mjög bráðlega, að líkind­
um strax í næstu viku, samkvæmt
heimildum DV. Framkvæmd út­
boðsins gæti þá farið fram í júní­
mánuði en að lágmarki sex vikur
þurfa að líða frá tilkynningu um
útboðsskilmála áður en það getur
verið haldið. Stýrinefnd um losun
hafta, sem meðal annars seðla­
bankastjóri og fjármálaráðherra
eiga sæti í, kom saman síðdegis á
föstudaginn síðast liðinn og ræddi
um aðgerðir stjórnvalda vegna fyrir­
hugaðs aflandskrónuútboðs.
Í höndum fjögurra sjóða
Sökum ört stækkandi gjaldeyris­
forða Seðlabankans, eins og áður
hefur verið rakið á síðum DV, telja
íslensk stjórnvöld það hugsan­
lega vera fýsilegri kost en áður að
leysa þann aflandskrónuvanda er
lýtur að um 230 milljarða krónu­
eign í eigu eða vörslu mjög fárra er­
lendra fjárfestingarsjóða að nánast
öllu leyti í gegnum gjaldeyrisupp­
boð. Þannig væri hægt að leysa stór­
an hluta vandans með endanleg­
um hætti. Sá aflandskrónustabbi
er að langstærstum hluta í eigu
Autonomy Capital, Eaton Vance
Management, Loomis Sayles og
Discovery Capital.
Hvort niðurstaðan verði á þá
leið í fjölvalsútboði Seðlabankans
mun hins vegar ráðast á því á hvaða
markaðs gengi sjóðirnir eru reiðu­
búnir að selja krónueignir sínar í
skiptum fyrir erlendan gjaldeyri úr
forða bankans. Í þeim efnum horfa
stjórnvöld meðal annars til þess að
gengið í þeim gjaldeyrisuppboðum
sem fóru fram á árunum 2011 til
2015 í tengslum við fjárfestingaleið
Seðlabankans hafi að meðaltali
verið tæplega 220 krónur gagnvart
evru.
Fulltrúar fjárfestingarsjóðanna
vilja hins vegar ekki heyra á það
minnst að krónueignir þeirra verði
leystar úr landi á slíku gengi – ekki síst
í ljósi bættrar stöðu íslenska þjóðar­
búsins. Samkvæmt heimildum DV
hafa sumir sjóðanna nýlega verið
að bæta við aflandskrónueign sína
þar sem gengið í viðskiptunum hef­
ur verið mun lægra. Þykir það til
marks um að þeir muni hafa lítinn
áhuga á að taka þátt í gjaldeyrisupp­
boði Seðlabankans. Þess í stað horfa
þeir til þess að það kunni að vera
betri valkostur að enda með eignir
sínar á læstum reikningum, eða svo­
nefndum stöðugleikareikningum,
og í kjölfarið láta reyna á möguleg
lagaleg úrræði gagnvart íslenskum
stjórnvöldum. Þar benda þeir meðal
annars á að samtímis því að stjórn­
völd áforma að losa eignir þeirra úr
höftum með „verulegu álagi“ mið­
að við skráð gengi krónunnar þá hafi
Seðlabankinn síðustu mánuði veitt
íslenskum lífeyrissjóðum heimild til
að fjárfesta fyrir samtals 30 milljarða
erlendis.
Fái ekki forgang
Af hálfu íslenskra yfirvalda er hins
vegar talið einsýnt að sú aðferða­
fræði sem verður beitt við fram­
kvæmd aflandskrónuútboðsins
sé að fullu í samræmi við íslensk
lög og alþjóðlegar skuldbindingar.
Aflandskrónur séu sérstakur eigna­
flokkur, sem lýtur öðrum lögmálum
en aðrar krónur, og ljóst sé að efnd­
ir á skuldabréfum ríkisins geti átt sér
stað með greiðslu inn á læsta reikn­
inga. Þá sé markmiðið með áætlun
stjórnvalda um losun hafta ekki
að veita aflandskrónueigendum
– ekki fremur en átti við um kröf­
uhafa gömlu bankanna – forgang
við útgöngu úr höftum heldur að
skapa aðstæður fyrir losun hafta á
Íslendinga. Þar skipti ekki síst máli
mörg hundruð milljarða króna upp­
söfnuð fjárfestingarþörf íslenskra
lífeyrissjóða. n
Hörður Ægisson
hordur@dv.is
Fjármálaráðherra Bjarni Benediktsson mun brátt leggja fram frumvarp um stöðugleikareikninga í tengslum við fyrirhugað
aflandskrónuútboð. Mynd Sigtryggur Ari
ráðgjafi aflandskrónueigenda
Pétur Örn Sverrisson.
ráðgjafi aflandskrónueigenda
Magnús Árni Skúlason.
í apríl er beikonbátur
bátur mánaðarins
Hafnargötu 62, keflavík / pöntunarsími 421 4457
Með beikoni, skinku, osti,
káli, tómötum, gúrkum,
papriku, Olsen sósu og
kryddi. Gos fylgir
6” bátur - 795 kr.
12” bátur - 1.295 kr.