Dagblaðið Vísir - DV - 26.04.2016, Blaðsíða 10

10 Fréttir Vikublað 26.–28. apríl 2016
Thealoz inniheldur trehalósa sem er náttúrulegt efni
sem finnst í mörgum jurtum og dýrum sem lifa í mjög
þurru umhverfi.
Trehalósi eykur viðnám þekjufrumna
hornhimnunnar gegn þurrki.
Droparnir eru án rotvarnarefna
og má nota með linsum.
Þurrkur í augum?
Thealoz augndropar
Fæst í öllum helstu apótekum.
Ég var mjög slæm af augnþurrki án þess að gera mér grein
fyrir því. Þar sem ég var með nóg af tárum datt mér ekki
í hug að tengja það við aunþurrk. Alltaf með lekandi tár í
kulda, og smá vind. Systir mín ráðlagi mér að prufa Thealoz
því hún hafði mjög góða reynslu af þeim. Eiginlega bara
strax varð ég allt önnur og er hætt að vera með táraflóð og
finna fyrir þessari sandtilfinningu.
Erla Óskarsdóttir
10 bestu veitingastaðirnir
v
eitingastaðurinn Friðrik V
er besti veitingastaðurinn
á höfuðborgarsvæðinu að
mati notenda Tripadvisor.
Í nýliðinni viku tilkynntu
eigendur veitingastaðarins, hjónin
Friðrik Valur Karlsson og Arnrún
Magnúsdóttir, að þau hygðust loka
staðnum þann 1. júní næstkomandi
vegna alvarlegra veikinda Arnrúnar.
„Við erum tvö að reka staðinn og
þegar það vant ar ann an helm ing­
inn verður hinn að hlaupa helm ingi
hraðar – og get ur þá ekki sinnt mak­
an um á meðan,“ sagði Friðrik þegar
hann greindi fyrst frá fyrirhugaðri
lokun staðarins. Í ljósi stöðunnar á
Tripadvisor má svo sannarlega segja
að þau hjónin komi til með að hætta
á toppnum.
DV birti sams konar lista á svip­
uðum tíma í fyrra og athyglisvert er
að bera listana saman frá ári til árs.
Óhætt er að segja að breytingarnar
hafi verið miklar, nokkrir veitinga­
staðir ná að halda sínum sessi á list­
anum á milli ára en aðrir koma sterk­
ir inn, jafnvel veitingastaðir sem hafa
verið til í dágóðan tíma. Taka ber
fram að úttekt DV miðast við stöðu
listans þann 25. apríl.
Á vefsíðunni Tripadvisor geta
ferðamenn og aðrir sagt skoðanir sín­
ar á þeirri þjónustu sem þeir fá á ferða­
lögum. Þar er hægt að gefa hótelum,
flugfélögum og veitingastöðum
einkunnir og þeir allra hörðustu skrifa
vandaðar umsagnir um staðina sem
voru heimsóttir. Það er óhætt að segja
að vefsíðan sé ein vinsælasta sinnar
tegundar og há einkunn skiptir miklu
máli fyrir veitingastaði þegar kemur
að vinsældum. Sérstaklega á það við
um veitingastaði sem eru kannski ekki
í alfaraleið ferðamanna.
Það sem vekur óneitanlega
athygli er sú staðreynd að litlir fjöl­
skyldureknir staðir sem leggja
upp úr afar persónulegri þjón­
ustu skora langhæst hjá notendum
Tripadvisor. Friðrik V og Restó,
staðirnir sem tróna á toppnum, eru
báðir frekar litlir staðir, reknir af
hjónum. Eigendurnir eru allt í öllu í
hinum daglega rekstri. Það hlýtur að
vera umhugsunarefni fyrir íslenska
veitingamenn. n
1 Friðrik V
Laugavegur 60 / 584 umsagnir
Umsagnir samandregnar: Það
er augljóst að aðstandendur
Friðriks V eru að gera
eitthvað rétt. Gestir fara
í umsögnum sínum
lofsamlegum orðum um
matinn og þjónustuna.
Sérstaklega virðast gestir
hrifnir af áherslu eigenda
á innlent hráefni. Þá virðist
falla í kramið sú hefð að benda
gestum á hvar á landinu hráefnið
fékkst. Einn gestur segist hafa heimsótt
fjölmarga Michelin-staði um allan heim
og að hans mati sé Friðrik V í efstu þremur
sætunum yfir bestu veitingastaði sem hann
hefur heimsótt. En það er kalt á toppnum
og eina slæma gagnrýnin sem blaðamaður
rakst á var að væntingar gesta hefðu verið
orðnar svo háar að staðnum hefði ekki
tekist að uppfylla þær fyllilega!
2 Restó
Rauðarárstígur 27–29 / 444 umsagnir
Umsagnir samandregnar:
Restó, sem þá hafði
aðeins nýlega
opnað, skipaði
efsta sæti
í sambæri-
legri úttekt
DV í fyrra.
Þar ráða
hjónin Jóhann
Helgi Jóhannesson og
Ragnheiður Helen Eðvarðsdóttir
ríkjum og hafa frá opnun slegið í gegn hjá
innlendum sem erlendum gestum. Staða
Restó í öðru sæti listans sýnir að árangurinn
í fyrra byggðist ekki á því að um nýjan og
ferskan stað væri að ræða. Nýjabrumið er
farið en ennþá er Restó við toppinn. Fyrir
utan almenna ánægju með matinn, þá að-
allega sjávarfangið, þá virðast margir hrifnir
af því hversu lítill og notalegur staðurinn er.
Þá er þjónustan sögð laus við alla tilgerð en
að sama skapi einkar hlýleg og persónuleg.
Einnig er minnst á að skammtastærðin sé
til eftirbreytni. Einn gestur gagnrýnir dýpt
stólanna og þá rak blaðamaður augun í
að minnsta kosti tvær tilvísanir um að
væntingar gesta, út af hárri einkunn
staðarins á Tripadvisor, hafi einfald-
lega verið of miklar.
3 Ostabúðin
Skólavörðustígur 8 / 494 umsagnir
Umsagnir samandregnar: Ostabúðin
opnaði stærri og endurbættari
stað í júní síðastliðinn.
Má segja að staðurinn
hafi komist í full-
orðinna tölu því nýi
staðurinn skartaði
vínveitingaleyfi og
lengri opnunartíma,
þá er ekki hægt að
panta borð á kvöldin
sem er önnur stefna
Björn Þorfinnsson
bjornth@dv.is
Tíu bestu staðirnir samkvæmt
Tripadvisor, 25. apríl 2016
en flestir veitingastaðir í miðbænum reka.
Óhætt er að álykta að eigendurnir séu að
gera eitthvað rétt því umsagnirnar eru
lofsamlegar. Maturinn er sagður frábær
og andrúmsloftið óþvingað og þægilegt.
Þá hrósa fjölmargir verðlaginu á réttum
staðarins. Eina neikvæða gagnrýnin á
staðinn sem heitið getur er sú að matseðill
staðarins sé ekki stór og þá skrifaði einn
harðorða gagnrýni um að maturinn hefði
verið alltof saltur. Síðar í skeytinu tók við-
komandi hins vegar fram að hann/hún hefði
pantað saltfisk.
4 Matur og drykkur
Grandagarður 2 / 268 umsagnir
Umsagnir samandregnar: Matur og
drykkur var opnað í janúar á síðasta ári og
hefur vaxið jafnt og þétt síð-
an. Erlendir gestir eru yfir
sig hrifnir af skemmti-
legum útgáfum af
klassískum íslensk-
um mat, til dæmis
harðfisksflögum,
skyri, kleinum og að
sjálfsögðu lambalæri.
Þá er þjónustan sögð
óformleg og skemmtileg
sem virðist hitta í mark.
Sumir gestir nefna að einhverjir réttir
séu aðeins of framúrstefnulegir fyrir
þeirra smekk.
5 Fiskmarkaðurinn
Aðalstræti 12 / 2.014 umsagnir
Umsagnir samandregnar „Alvarlega
ferskur fiskur,“ segir einn gestur og virðist
meina það. Maturinn á Fisk-
markaðnum, sem hefur
lengi verið í fremstu
röð veitingastaða
hérlendis, fær
afar góða dóma.
Sérstaklega er
smakk-matseðlin-
um hrósað. Þá eru
gestir ánægðir með
útlit staðarins og segja
staðinn vera töff. Helst er
það verðið sem fer fyrir brjóstið á gestum
sem og að réttirnir þykja lengi að berast úr
eldhúsinu.
6 Old Iceland
Restaurant
Laugavegur 72 / 731 umsögn
Umsagnir samandregnar: Flestir lýsa
staðnum sem litlum og notalegum, þar
af leiðandi er erfitt að fá borð án þess
að panta fyrirfram.
Andrúmsloftið er
sagt afslappað
og laust við alla
tilgerð. Þá er
þjónustufólkið
sagt vinalegt,
hjálplegt og hafa
góða þekkingu
á því sem boðið er
upp á. Maturinn er að
sjálfsögðu í forgrunni hjá þeim sem skrifa
umsögn um staðinn og eru gestir nánast á
einu máli um að hann sé frábær. Þá vekur
athygli að Halldór, eigandi staðarins, leggur
það á sig að svara öllum gagnrýnendum.
Blaðamaður þurfti að leita lengi að dóm
þar sem gestur var óánægður með matinn
og þá tók eigandinn því af mikilli auðmýkt
og baðst innilegrar afsökunar. PR-starf til
mikillar fyrirmyndar.
7 Sjávargrillið
Skólavörðustígur 45 / 2.107 umsagnir
Umsagnir samandregnar: Sjávarréttun-
um er hrósað í hástert á staðnum enda í
forgrunni matseðilsins. Hins vegar fá aðrir
réttir einnig sinn skerf
af lofi. Andrúms-
loftið á staðnum
er sagt frábært
og gestirnir
frá öllum
heimshornum.
Þá er staður-
inn sagður vel
skipulagður, hann
taki á móti mörg-
um gestum en hávaðinn sé aldrei mikill.
Almennt fær starfsfólk hrós fyrir þægilegt
viðmót og liðlegheit en þó hafa sumir á orði
að það mætti brosa meira og vera líflegra.
Þá heimsótti einn gestur staðinn með
tveggja ára millibili og sagði staðnum hafa
farið mikið fram.
8 Kaffivagninn
Grandagarður 10 / 203 umsagnir
Umsagnir samandregnar: Kaffivagninn
nýtur talsverðrar sérstöðu á listanum
því veitingastaðurinn er aðeins opinn
til kl. 18.00 hvern dag.
Áhersla staðarins er
því á morgunmat,
hádegisverð og
kaffiveitingar.
Gestir virðast
hrifnastir af um-
hverfi staðarins
við höfnina og
þeirri staðreynd
að staðinn sækir
mikið af heimamönnunum. Þá þykir
maturinn afar góður og verðið þykir lágt
samanborið við aðra veitingastaði.
9 Forréttabarinn
Nýlendugata 14 / 479 umsagnir
Umsagnir samandregnar: Eins og nafnið
gefur til kynna þá einbeitir staðurinn sér að
forréttum í tveimur stærðum auk þess sem
hægt er að panta fjögurra rétta matseðil.
Maturinn fær mikið
lof og greinilegt að
hugmyndafræði
staðarins hittir í
mark. Gestir taka
fram að verðið
sé hagstætt
en þó er einnig
minnst á hið
gagnstæða. Þá er
andrúmsloftið sagt
frábært sem og þjónustan sem er sögð
vinaleg. Margir gestir minnast á „happy
hour“ staðarins og eru ánægðir með að
hægt sé að taka fordrykk á því hagstæða
verði fyrir matinn. Eina „neikvæða“
gagnrýnin sem blaðamaður fann var að
erfitt væri að lesa af matseðlinum vegna
lýsingarinnar!
10 Fiskfélagið
Vesturgata 2a / 213 umsagnir
Umsagnir samandregnar: Matseðlarnir
á Fiskfélaginu njóta greinilega mikilla
vinsælda, Ferðalag um Ísland og Heims-
reisa. Matnum er hrósað í hástert, hann
þykir góður og að sama skapi spennandi.
Margir virðast taka vín
með hverjum rétti
á matseðlinum
og er staðnum
hrósað fyrir
ríkulegt magn
sem viðskipta-
vinum er skenkt.
Þá er þjónustan
sögð fagmannleg
en að sama skapi hlý
og vinaleg. Innréttingar veitingastaðarins
þykja afar flottar og andrúmsloftið töff.
Mikið sé að gera á staðnum og kvartaði
einn viðskiptavinur yfir því að hann hefði
ekki haft næði til þess að njóta matarins,
réttirnir kæmu of hratt.
Topp 10 í maí 2015
10 efstu sætin hjá Tripadvisor í
maí 2015. Í sviga er staðan í dag
1 Restó (2)
2 Fiskmarkaðurinn (5)
3 Friðrik V (1)
4 Sjávargrillið (7)
5 Grillmarkaðurinn (11)
6 Forréttabarinn (9)
7 Fiskfélagið (10)
8 Kol Restaurant (22)
9 Kjallarinn – Kitchen bar (26)
10 Old Iceland Restaurant (6)
n notendur tripadvisor gefa stöðunum í reykjavík einkunn n umsögn gesta skiptir veitingahús miklu máli n eigendur besta veitingastaðarins ætla að loka í sumar