Dagblaðið Vísir - DV - 16.08.2016, Blaðsíða 2

Vikublað 16.–18. ágúst 20162 Fréttir
Karamella og perur Súkkulaði og ferskjur Vanilla og kókos
Bragðgóð grísk jógúrt að vestan
Hættur á
Stundinni
Blaðamaðurinn Ingi Freyr Vil-
hjálmsson hefur verið ráðinn til
Fréttatímans. Hann hefur skrif-
að fyrir Stundina frá því í apríl í
fyrra en hefur nú látið af störf-
um þar. Ingi Freyr vann þar áður
lengi á DV og leiddi umfjöllun
blaðsins um efnahagshrunið og
afleiðingar þess.
Hann hefur nokkrum sinn-
um verið tilnefndur til blaða-
mannaverðlauna Blaðamannafé-
lags Íslands. „Ég var að hefja störf
á Fréttatímanum í dag,“ skrifar
hann á Facebook.
Ritstjóri Fréttatímans er
Gunnar Smári Egilsson.
Sá yngsti
hættir
Jóhanna María Sigmundsdóttir,
þingmaður Framsóknarflokksins,
ætlar ekki að gefa kost á sér til
endurkjörs. Þetta tilkynnti hún á
Facebook. Hún var kjörin á þing í
síðustu kosningum og varð yngsti
þingmaður sögunnar til að taka
sæti á Alþingi, 21 árs gömul.
Alls hafa sautján þingmenn
tilkynnt að þeir ætli ekki að sækj-
ast eftir áframhaldandi setu á
þingi. Þeirra á meðal eru Illugi
Gunnarsson menntamálaráð-
herra og Vigdís Hauksdóttir, for-
maður fjárlaganefndar.
Þ
að virðist hafa fest sig í sessi
sú ranga hugmynd að þessi
lög séu eitthvað æðisleg
fyrir hælisleitendur. Þau eru
það ekki,“ segir Helgi Hrafn
Gunnarsson, þingmaður Pírata, sem
hélt út á Austurvöll á mánudag til að
rökræða við mótmælendur og með-
limi Íslensku þjóðfylkingarinnar sem
þar höfðu safnast saman til að mót-
mæla nýjum útlendingalögum. Ís-
lenska þjóðfylkingin hyggst bjóða
fram til næstu þingkosninga og hef-
ur gefið það út að þeir sem vilji verja
þá galopnu, léttúðugu innflytjenda-
stefnu sem boðuð sé í nýju lögunum
séu ekki að hugsa um þjóðarhag né ör-
yggi heldur að „spilla þessu þjóðfélagi
í þágu pólitísks rétttrúnaðar eða öfga-
hugmyndafræði.“
Helgi Hrafn segir að mótmælendur
sem hann hafi rætt við myndu fá fall-
einkunn á prófi fyrir þekkingu sína á
því sem lögin raunverulega innibera.
Ranghugmyndir
„Þau eru ekki þannig að þau opni
landamærin eða bjóði allt flóttafólk
og hælisleitendur hér velkomna, alls
ekki. Þetta eru ný heildarlög, það er
sumt ágætt í þeim og annað mjög
slæmt í þeim. En þetta blessaða fólk í
Íslensku þjóðfylkingunni virðist telja
að þarna sé verið að galopna landa-
mærin og er með fleiri ranghugmynd-
ir um þessi lög sem mér finnst áhuga-
vert að rökræða, burtséð frá ágreiningi
mínum og Íslensku þjóðfylkingarinn-
ar um hvernig hlutirnir eigi að vera.
Þá finnst mér samt að fólk ætti að geta
haldið sig við staðreyndirnar þegar
það mætir til að mótmæla einhverjum
lögum. Mér datt því í hug að fara og
tala við þau um lögin sem voru sam-
þykkt og hvers vegna þau væru svona
á móti þessu, vegna þess að það er svo
mikið af vitleysu sem hefur verið sagt
um þessi lög,“ segir Helgi Hrafn í sam-
tali við DV.
Slæmt fyrir flóttamenn
„Ég hef bent á að ef maður skoðar um-
sagnir um málið þá er það ekki þannig
að fólk sem er frjálslyndast í þessum
efnum sé fylgjandi frumvarpinu, alls
ekki. Það gagnrýnir frumvarpið mjög
harðlega og með réttu því það er margt
mjög slæmt í því líka – fyrir hælisleit-
endur og flóttamenn. Þarna er fest í
sessi ýmislegt sem að mínu mati og
annarra dregur úr réttaröryggi og góðri
málsmeðferð fyrir hælisleit endur og
flóttamenn,“ segir Helgi Hrafn og seg-
ir ranghugmyndir og rangtúlkanir
manna á lögunum hafa fest sig í sessi.
Svigrúm til breytinga
Helgi segir að það sé eitt betra við nýju
lögin og það er að þau eru skýrari og
flestir séu sammála um það. En fólk
hafi verið að gera athugasemdir við
greinar í nýju lögunum sem eru al-
veg eins og í gildandi lögum og hafi
verið lengi. Hann sé sjálfur alls enginn
aðdáandi frumvarpsins og hefði lík-
lega ekki greitt atkvæði með því nema
vegna þess að lögin taki gildi 1. janúar
næstkomandi.
„Þannig að það er enn svigrúm til
að laga það sem er hugsanlega eitt-
hvert lestarslys þarna inni. Sem er
mjög líklegt, því þetta eru stór og um-
fangsmikil lög. Það er margt þarna
fest í sessi til verri vegar, formanni
kærunefndar útlendingamála er
gefið meira vald og vægi. Mitt álit er
að þetta komi til með að koma niður
á málsmeðferð sumra hælisleitenda.“
Fengu falleinkunn
En úr rökræðum þingmannsins vin-
sæla varð niðurstaðan sú að mótmæl-
endur væru að misskilja lögin hrapal-
lega. Hann líkir þessu við próf í skóla.
„Ef þau væru að taka próf í því
sem ég hef talað við þau um, og fólk
á þessari skoðun, þá fengju þau núll.
En það sem er áhugavert er að þau
hafa lesið bút og bút úr frumvarpinu,
en þau mistúlka það alltaf. Þau bera
bútana ekki saman við gildandi lög og
þau virðast ekki lesa greinargerðina
og síðast en ekki síst virðast þau ekki
meðvituð um hvernig málaflokkn-
um er hagað. Það síðastnefnda skil
ég reyndar mjög vel. Fólk er því að-
eins búið að læra heima en námsefnið
komst ekki inn. Þannig að það fær núll
í einkunn. Ég hef ekki enn heyrt neitt
frá þeim sem er rétt.“
Samhliða mótmælum Íslensku
þjóðfylkingarinnar var boðað til sam-
stöðufundar með flóttamönnum og
hælisleitendum á Austurvelli á mánu-
dag. n
Lögin alls ekki æðisleg
fyrir hælisleitendur
n Helgi Hrafn rökræddi við mótmælendur á Austurvelli
n Segir mikið um ranghugmyndir og mistúlkanir
Ræddi staðreyndir Helgi Hrafn mætti
mótmælendum á Austurvelli og rökræddi
við þá um nýju útlendingalögin.
Mynd ÞoRMaR VigniR gunnaRSSon
Ólög Þingmaðurinn segir fólk hafa
bitið í sig mikið af vitleysu varðandi nýju
útlendingalögin. Mynd ÞoRMaR VigniR gunnaRSSon
Samstaða Hópur fólks tók sér stöðu við þinghúsið til að sýna flóttamönnum og hælisleit-
endum samstöðu samhliða mótmælum Íslensku þjóðfylkingarinnar. Mynd ÞoRMaR VigniR gunnaRSSon
Sigurður Mikael Jónsson
mikael@dv.is