Dagblaðið Vísir - DV - 16.08.2016, Blaðsíða 4

Vikublað 16.–18. ágúst 20164 Fréttir
Óvíst hvenær bankinn
stefnir vegna borgunar
Formaður bankaráðs Landsbankans segir niðurstöðu um málshöfðun geta legið fyrir eftir nokkrar vikur
n
okkrar vikur gætu liðið
þangað til stjórnendur
Landsbankans ákveða
hverjum verður stefnt í fyrir­
hugaðri málsókn vegna sölu
bankans á eignarhlut hans í Borgun.
Ákvörðun um málshöfðunina var
tekin á fundi bankaráðs Landsbank­
ans á fimmtudag en formaður þess
vill ekki svara því hvort einhugur hafi
verið um hana.
„Lögmenn bankans eru að undir­
búa málið og þetta mun ekki koma í
ljós fyrr en stefnan verður birt. Það er
búið að taka ákvörðun um að stefna
og það var það sem verið var að til­
kynna. Hverjum verður stefnt kemur
í ljós þegar vinnan heldur áfram og
það gætu verið nokkrar vikur eða
lengra í það,“ segir Helga Björk Eiríks­
dóttir, formaður bankaráðs Lands­
bankans, og vísar í fréttatilkynningu
sem bankinn birti á föstudag.
Getur engu svarað
Samkvæmt tilkynningunni ákvað
bankaráðið að höfða mál vegna
sölunnar á 31,2% hlut bankans í
greiðslukortafyrirtækinu á 2,2 millj­
arða króna. Bankinn seldi hlutinn í
lokuðu söluferli til tveggja fjárfesta­
hópa í nóvember 2014. Eigendur
Eignarhaldsfélagsins Borgunar slf.
keyptu þá 24,96% hlut og félag á
vegum stjórnenda Borgunar, BPS
ehf., keypti 6,24%. Í hluthafahópi
Eignarhaldsfélagsins Borgunar má
meðal annars finna Stálskip ehf., fjár­
festingarfélag Guðrúnar Lárusdóttur,
fyrrverandi útgerðarkonu í Hafnar­
firði, og fjölskyldu hennar, og Pei ehf.
sem er í eigu Einars Sveinssonar, fjár­
festis og föðurbróður Bjarna Bene­
diktssonar, fjármála­ og efnahags­
ráðherra.
Líkt og frægt er orðið samdi
Landsbankinn ekki um viðbótar­
greiðslu vegna milljarðagreiðslunnar
sem Borgun hefur innheimt vegna
yfirtöku Visa Inc. í Bandaríkjunum á
Visa Europe. Eins og kemur fram í til­
kynningu Landsbankans er það mat
bankaráðsins að hann hafi farið á
mis við fjármuni í viðskiptunum þar
sem bankanum hafi ekki verið gefnar
nauðsynlegar upplýsingar um áhrif
Visa­samrunans.
Rúnar Pálmason, upplýsingafull­
trúi Landsbankans, vildi engu bæta
við tilkynninguna þegar blaðamaður
óskaði eftir frekari upplýsingum.
„Málið er í höndum lögfræðinga
bankans og við munum ekki tjá okk­
ur um það frekar að svo stöddu. Það
hefur ekki verið gefin út stefna í mál­
inu og ég get ekki svarað því hvenær
það verður,“ sagði Rúnar.
Engin aðkoma
Jón Gunnar Jónsson, forstjóri Banka­
sýslu ríkisins, sem fer með 98,2% hlut
ríkisins í Landsbankanum, heyrði
fyrst af ákvörðun bankaráðsins þegar
fjölmiðlar fjölluðu um fréttatilkynn­
inguna á föstudag.
„Við höfum engar upplýsingar
fengið umfram þær sem hafa verið
gerðar opinberar. Stjórnendur bank­
ans voru búnir að segja í einhvern
tíma að þeir væru að huga að máls­
höfðun,“ segir Jón Gunnar og vísar
í tilkynningu Landsbankans frá 16.
mars síðastliðnum um að bankinn
hefði falið lögmönnum að undirbúa
málsókn vegna Borgunarsölunnar.
Bendir Jón einnig á svarbréf Lands­
bankans til Bankasýslunnar um
söluna á eignarhlutnum en í því kom
fram að bankaráðið hefði til skoðun­
ar að höfða dómsmál vegna hennar.
„Bankinn er sjálfstæður lögaðili
og við munum ekki hafa neina að­
komu að þessu máli. Bankinn ákvað
að höfða mál og við verðum ekki hluti
af því. Við tökum enga afstöðu í mál­
inu. Við vissum að þeir væru að íhuga
þetta en höfum ekki fengið frekari
upplýsingar en hafa verið gerðar
opin berar,“ segir Jón Gunnar. n
Haraldur Guðmundsson
haraldur@dv.is
Greiðslan
hækkaði um
milljarð
Landsbankinn tekjufærði í nýbirtum
árshlutareikningi sínum alls 3.480
milljónir króna vegna kaupa Visa Inc.
á Visa Europe. Bankinn gerði fyrirvara
um hlutdeild í greiðslum sem Valitor
fékk í júní vegna samrunans þegar hann
seldi Arion banka 38,62% hlut sinn í
greiðslukortafyrirtækinu í desember
2014. Greiðslan til Landsbankans
hækkaði því um rúman milljarð króna á
öðrum árshluta þessa árs miðað við það
sem stjórnendur hans gerðu ráð fyrir í
ársreikningi fyrirtækisins fyrir árið 2015
sem kynntur var í febrúar síðastliðnum.
„Hverjum verður
stefnt kemur í
ljós þegar vinnan heldur
áfram.
Boðar málshöfðun Stjórnendur Landsbankans tilkynntu um málshöfðun vegna Borg-
unarsölunnar áður en búið var að taka ákvörðun um hverjum yrði stefnt.
Borgun Landsbankinn hefur ekki gefið
út hvort þeim stjórnendum Borgunar sem
komu að kaupum á hlut bankans í greiðslu-
kortafyrirtækinu verði stefnt. Mynd SiGtryGGur Ari
… komdu þá við hjá okkur
Ertu á leið í flug?
Hafnargötu 62, KEflavíK / pöntunarsími 421 4457
Hádegis-tilboð alla daga
5 5 2 - 6 0 6 05 5 2 - 6 0 6 0
Ugly. is - smiðjUvegi 2 og l angarima 21