Kiwanisfréttir - 01.12.1978, Page 18

Ráðstöfun K-dags söfnunarfjár
1977.
Umdæmisstjórn boðaði til blaðamannafundar 12. október s.l. Á fundinum afhenti
fráfarandi umdœmisstjóri Ólafur Jensson Halldóri Hansen formanni Geðverndarfélags
íslands gjafabréf uppá 12,5 milljónir króna og skal þeim varið til byggingar heimilis
til endurhæfingar geðsjúkum.
Við þetta tækifæri fluttu ávörp: Eyjólfur Sigurðsson, formaður K-dagsnefndar, Tómas
Helgason yfirlæknir og Halldór Hansen formaður Geðverndarfélags Islands.
Eru þau prentuð hér til upplýsingar fyrir Kiwanisfélaga.
Eyjólfur Sigurðsson formaður K-dagsnefndar:
Um fjársöfnun Kiwanishreyfingarinnar í þágu geðsjúkra
Eins og kunnugt er, hélt Kiwanishreyfingin
á íslandi uppi fjársöfnun í þágu geðsjúkra á
s.l. ári. Fjársöfnunin fór fram á svokölluðum
K-degi, sem er og verður væntanlega haldinn
á þriggja ára fresti.
Kiwanishreyfingin velur sér sérstakt verk-
efni fyrir hvern K-dag og er alls ekki um að
ræða að á hverjum K-degi sé unnið að sama
verkefni og síðast.
Það var þó ákveðið að síðasti K-dagur
skyldi helgaður verkefnum í þágu geðsjúkra
þrátt fyrir að fyrsti K-dagur hreyfingarinnar
hafi einnig verið í þágu geðsjúkra. Astæðan
fyrir þeirri ákvörðun var sú, að þegar
Kiwanismenn kynntust að nokkru leyti þeim
margvíslegu verkefnum, sem nauðsynlegt
væri að vinna í þágu þessa fólks, þá var talið
að ekki væri rétt að fara í annan farveg að svo
komnu máli. Þess ber þó að geta, að Kiwanis-
klúbbarnir í landinu sem nú eru 36 með um
1200 félagsmenn, unnu starfið á K-degi jafn-
framt sínum venjulegu verkefnum í líknar-
og menningarmálum.
Á K-degi unnu að þessu verkefni um 1500
manns, Kiwanismenn, eiginkonur þeirra, að
ógleymdum börnum og unglingum, sem víða
tóku að sér að vinna að þessu verkefni á þeim
stöðum, sem Kiwanisklúbbar eru ekki
starfandi.
Verkefni K-dagsins var þríþætt: I fyrsta
lagi að safna peningum með sölu K-lykilsins,
í öðru lagi að fá þjóðina til að gefa málefnum
geðsjúkra meiri gaum en hingað til, og í þriðja
lagi að gera Kiwanishreyfinguna félagslega
sterkari með því að allir Kiwanisklúbbar í
landinu ynnu að sama verkefni á sama degi.
Það er óhætt að fullyrða að þetta tókst.
Sala K-lykilsins gekk vel, þjóðin vissi meira
um vandamál geðsjúkra og við Kiwanismenn
vorum félagslega sterkari en áður.
Þess ber einnig að geta að jafnframt lykil-
sölunni fór fram sérstök tilraunasöfnun á
meðal íslenskra sjómanna á nokkrum stöð-
um á landinu á þann veg, að sendir voru
söfnunarlistar um borð í skip og báta. Sú
tilraun tókst mjög vel og ber sérstaklega að
sapor
Sápudreifarar
®
Einkaumboð:
XCO HF. INN- OG ÚTFL.
Vesturgötu 53 B
Símar: 27979 og 27999
18
K-FRÉTTIR