Kiwanisfréttir - 01.04.1985, Blaðsíða 13

evrópskra Kiwanismanna, verða að leggja sitt
af mörkum til að vinna Eyjólfi brautargengi í
Basel. Og við treystum því líka, að allir
íslenskir Kiwanismenn láti sitt ekki eftir liggja
og fjölmenni til Basel í ríkari mæli en nokkru
sinni á Evrópuþing. Með því móti sýnum við í
verki, að okkur er alvara að koma okkar
manni að. Með fjölmennum hópi íslenskra
Kiwanismanna í Basel mun okkur veitast
léttara að vekja athygli á okkar frambjóð-
anda, og hver veit nema það kunni að hjápa
einhverjum óákveðnum fulltrúum að ákveða
sig.
Umdæmisstjórn kannar nú á hvern hátt
hagkvæmast er fyrir okkur að sækja þingið í
Basel. Er þar um ýmsa möguleika að ræða,
bæði lengri ferðir ogstuttarferðir. Þegarþetta
er ritað liggja ekki fyrir fullnaðarupplýsingar
um hugsanlegar ferðir, en þeim verður komið
áleiðis til klúbbanna, þegar þar að kemur.
Munið, að einn liður í áætlun okkar að
koma Eyjólfi Sigurðssyni í heimsstjórn
Kiwanis byggist á því, að við verðum
fjölmennari en nokkru sinni fyrr á Evrópu-
þinginu í Basel. Hvernig getum við búist við
því, að aðrir Kiwanismenn leggi okkur lið, ef
við ekki sýnum áhuga okkar í verki?
Kjörorðið er því: Fjölmennum til Basel og
kjósum Eyjólf í heimsstjórnina í fyrstu lotu.
Önnumst allar raflagnir, nýlagnir og viðgerðir.
Teikningar í nýbyggingar, breytingar auk
ráðlegginga við val lampa og lýsingu.
Verslun með raflagnaefni -
kastara og kastarabrautir
loftljós, perur o.fl.
Síðumúla 21 - Símar 84019 og 38191
(Gengið inn frá Selmúla)
K-FRÉTTIR
13