Kiwanisfréttir - 01.04.1985, Blaðsíða 16

KorrapistiU
í þessum pistli mínum ætla ég að segja frá því
helsta sem við Korrafélagar höfum verið að
gera á þessu starfsári.
Starfsárið byrjaði á hefðbundinn hátt, með
stjórnarskiptafundi þann 07.10.1984. Þá
leysti nýkjörinn svæðisstjóri Eddusvæðis,
Trausti Magnússon fyrrverandi stjórn frá
störfum og setti þá nýju inn, en Trausti er
fyrsti Korrafélaginn sem verður svæðisstjóri
Eddusvæðis.
Núverandi stjórn Korra er þannig skipuð:
Forseti: Björn Arnaldsson.
Kjörforseti: Kristján Guðmundsson.
Varaforseti: Þorsteinn Hauksson.
Ritari: Hafsteinn Kristinsson.
Féhirðir: Herbert G. Hjelm.
Gjaldkeri: Jóhann Steinsson.
Meðstjórnendur: Hermann Magnússon og
Róbert Oskarsson.
Strax var farið að huga að hinum ýmsu
verkefnum starfsársins. I byrjun nóvember
héldum við félgsmálanámskeið, þar sem farið
var yfir fundarsköp, ræðumennsku o.fl. þar
að lútandi. Fengum við til þess tvo leiðbein-
endur. Tókst þetta námskeið í alla staði mjög
vel og hafa félagar verið virkari síðan og gert
meira af því að koma í púltið og segja álit sitt á
hinum ýmsu málum. Um miðjan nóvember
afhentum við Björgunarsveitinni Sæbjörgu
hér í Ólafsvík styrktarverkefni okkar fyrir
síðasta starfsár, en það hafði dregist af ýmsum
orsökum, en það voru 4 stk. björgunarvesti og
flotgalli. Kemur þessi búnaður sér mjög vel
fyrir Björgunarsveitina. Arshátíð héldum við
seinast í nóvember og breyttum þar út af
venjunni, því hingað til höfum við haldið hana
um miðjan janúar eða sem næst afmælisdegi
klúbbsins sem er 15. janúar. Á árshátíðinni
skemmtu félagar og gestir sér mjög vel við að
horfa á leikþætti, ballett, söng og leiki, allt
heimatilbúið af félögum. Einnig lögðu
Sinawikkonur sitt af mörkum. Síðan var
dansað fram á morgun eins og venjulega. í
byrjun desember höfðum við barnafund sem
er orðinn árviss hjá okkur. Þá tökum við
Frá afhendingu á styrktarverkeíni (4 stk björgunarvesti og
frostgalli). Bjöm Arnaldsson forseti Korra afhendir
Emanúel Ragnarssyni formanni björgunarsveitarinnar
gjafabréfið.
börnin með okkur á fund og höldum pylsu-
veislu, sínum teiknimyndir, föndrum og
fleira. Þá var okkur Korrafélögum boðið á
fund hjá Sinawik í byrjun desember, en þar
bjuggum við_ til sérstakar jólaskreytingar í
sameiningu. Á þessum fundi var að sjálfsögðu
boðið upp á jólaglögg og piparkökur. Síðan
gáfum við öllum Ólsurum 67 ára og eldri og
einstæðingum hér í bænum þessar jólaskreyt-
ingar og sá styrktarnefnd um það. Var það
gert stuttu fyrir jól og var mjög vel tekið. Eiga
Sinawikkonur þakkir skildar fyrir þetta. í
byrjun desember fórum við af stað með okkar
árlegu jólapappírssölu og gekk hún vonum
framar, því nánast allt seldist. Um miðjan
desember opnuðum við svo greni og jólatrés-
sölu, en það er einnig árvisst hjá okkur eins og
með jólapappírinn. Greni og jólatréssalan
gekk einnig mjög vel, því að allt seldist upp og
síðasta grenið fyrir hádegi á aðfangadag. Fyrir
hver jól gefum við jólatré á barnaheimilið og
gerðum það einnig núna. Setjum við jólatréð
ljósum skreytt fyrir utan barnaheimilið. Á 2.
16
K-FRÉTTIR