Dagblaðið Vísir - DV - 28.02.2017, Side 34

Vikublað 28. febrúar–2. mars 201726 Lífsstíll
n Rannsókn varpar ljósi á áhrif þess að hugsa um vinnuna heima n „Þetta gengur af fólki dauðu“
R
eykingar, drykkja eða neysla
á óhollum fæðutegundum
þurfa ekki að vera hættuleg-
ustu venjurnar í lífi fólks. Ný
rannsókn sýnir að streitan
sem fylgir því að taka vinnuna með
sér heim, vera alltaf í sambandi og
trufla þannig fjölskyldulífið – er
sennilega skaðlegast af öllu. Þetta
kemur fram í Sunday Times.
Freistingin til að sinna vinnunni
utan vinnutíma gerir að verkum
að tími fólks á heimilinu veldur því
meira álagi en tíminn í vinnunni.
Með rannsókninni, sem kostuð var
af bresku tryggingafyrirtæki, hefur í
fyrsta sinn tekist að tengja þá hátt-
semi, að vera alltaf tengdur, við
hjarta- og æðasjúkdóma.
Rannsóknin leiðir í ljós að
meira en helmingur vinnandi fólks
í borgar samfélögum finnur fyr-
ir minna álagi í vinnunni en heima
fyrir, þar sem togstreita á milli einka-
lífs og vinnunnar ræður ríkjum. Fólk
laumast til að fylgjast með vinnunni
– og þykist ekki fylgjast með vinnunni
– en nær um leið ekki að slaka á.
Miklu alvarlegra en menn héldu
Rannsakendur festu á þátttakendur
armbönd sem mældi púls og fylgd-
ust þannig með álaginu. Niðurstöð-
urnar voru á þá leið að álagið jókst
til muna þegar fólkið fór að fylgjast
með vinnunni heima fyrir.
David einn höfunda rannsóknar-
innar, segir að menn hafi lengi vitað
að of mikil vinna veldur streitu.
„Nú getum við séð hvernig þetta
gerist. Þetta er miklu alvarlegra en
við sáum fyrir. Þetta gengur af fólki
dauðu. Nú getum við sýnt fram á
að það er mjög skaðlegt að vinna
heima, utan vinnutíma.“
Niðurstöður rannsóknarinnar
birtust í nýjasta tölublaði Frontiers
in Human Neuroscience.
Snjallsímar og fartölvur
Tryggingafélög eru nú sögð vera
að fylgjast með starfsfólki þar sem
álag er mikið til að komast til botns
í því hvort skortur á þeim eiginleika
að slíta sig frá vinnunni komi nið-
ur á frammistöðu þeirra til að sinna
störf unum.
Haft er eftir Gordon Henderson,
framkvæmdastjóra nýsköpunar hjá
AXA PPP Healthcare, að tímarnir
hafi breyst. Áður fyrr hafi fólk ekki
getað fylgst með vinnunni heiman
frá sér en með tilkomu snjallsíma,
fartölva og annarra samskiptatækja,
sé fólk alltaf tengt, hvort sem því
líkar betur eða ver. „Þetta er fyrsta
kynslóðin sem þarf að glíma við af-
leiðingar þessa.“
Börnin valda streitu
Unnið er að frekari rannsóknum í
kjölfar þeirrar sem hér er rætt um.
Þannig eru 550 starfsmenn franska
bankans BNP Paribas, staðsettir í
London, undir eftirliti. Frumniður-
stöður sýna að barnafólk í hópnum
glímir við hættulega mikla streitu til
klukkan hálf níu á kvöldin, eða þar til
yngri börnin eru sofnuð. Sumir glíma
við mikla streitu allt fram að svefni.
Lítill hluti þátttakenda, eða um
25 starfsmenn, vaknar á nóttunni,
á milli klukkan þrjú og fjögur, eftir
grunnan svefn og leiðir hugann
að vinnunni. Fólkinu í þeim hópi
tekst ekki að hvílast þannig að það
mæti endurnært til vinnu. Arm-
böndin afhjúpuðu að sumir í þess-
um hópi nýttu tækifærið þegar þeir
vöknuðu og lásu eða sendu tölvu-
póst í rúminu. n
Baldur Guðmundsson
baldur@dv.is
LífshættuLegt að
taka vinnuna heim
Unnið
heima
Sumir geta
aldrei slitið
sig frá vinnu
- tekið úr
sambandi.
Mynd 123rf.coM
Hvað er
streita?
Af doktor.is
Streitu má skilgreina sem ákveðin
viðbrögð líkamans við álagi eða kröfum
sem gerðar eru til okkar hvort sem þær
eru ímyndaðar eða ekki. Öll streita,
hvort sem hún er jákvæð eða neikvæð,
veldur því að líkaminn fer að framleiða
efni (líkt og adrenalín) til að búa okkur
undir áreynslu. Hjartsláttur eykst, blóð-
þrýstingur hækkar, augun þenjast út og
blóð streymir ekki til innyflanna. Hluti af
taugakerfinu er háður þessum viðbrögð-
um. Svo er annar hluti taugakerfisins
sem ber ábyrgð á hvíld, slökun, meltingu
matvæla, ónæmiskerfinu og öllum
öðrum „húsverkum“ líkamans. Líkaminn
sveiflast á milli þessara tveggja kerfa
sem í sameiningu mynda ósjálfráða
taugakerfið.
PLUSMINUS OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
plusminus.is • sími: 517 0317
Hágæða
sjóngler
frá nOVa
TIlBOð Margskipt sjóngler frá 49.900 kr.