Morgunblaðið - 28.02.2017, Blaðsíða 6

6 | MORGUNBLAÐIÐ
Bílastofan Funahöfða 6 í Reykjavík - Sími 562 1351 | Bílastofan Njarðarbraut 11 Reykjanesbæ - Sími 421 1251
FRÍ umfelgun
Tökum einnig að okkur allar
almennar bílaviðgerðir.
Komdu til okkar og borgaðu minna fyrir meira!
með keyptum dekkjaumgang!
Þýski bílaframleiðandinn BMW
gerði það gott á nýliðnu ári þegar
viðurkenningar eru annars vegar.
Hlaut hann alls 55 mismunandi inn-
lend og alþjóðleg verðlaun fyrir
gæði, nýsköpun á tæknisviðinu,
hönnun, nettengingu og gagnvirkni
svo og sjálfbærni.
Í öllum dómnefndum sitja sér-
fræðingar hver á sínu sviði auk bíla-
blaðamanna. Eftirtektarverðust eru
verðlaunin „World Car Awards“,
„World Luxury Car“ og „Best Car
Awards“ sem féllu í skaut flaggskip-
inu BMW 7 Series, ásamt svo
Gullna stýrinu (Golden Lenkrad)
fyrir rafmagnsbílinn BMW i3. Í
þeim flokki komu BMW M2 Coupé
og hinn nýi BMW 5-series stall-
bakur einnig til greina enda þótt sá
síðastnefndi sé ekki enn kominn á
markað.
Dómnefnd og lesendur vikuritsins
Auto Motor und Sport sæmdu
BMW þrennum verðlaunum á árinu.
Flaggskipið 7-series í flokki lúx-
usbíla, BMW 5-series stallbakinn í
flokki meðalstórra bíla og BMW X1
í flokki smájeppa voru allir kjörnir
bestu bílarnir í viðkomandi flokkum.
Þeir sem greiddu 5-seríu stall-
baknum atkvæði sitt voru greinilega
sannfærðir um ágæti hans því hann
er ekki enn kominn í sölu.
Hið sama er að segja um sameig-
inlega dómnefnd Auto Bild og
Computer Bild því hún kaus BMW
5 stallbakinn best tengda bílinn
2016. Þá kusu lesendur tímaritsins
Handelsblatt BMW X5 fyr-
irtækjabíl ársins í flokki jeppa.
Tímaritið kallaði til um 250 stjórn-
endur í fyrirtækjum og bað þá að
gera samanburðarrannsókn til að
finna eftirlætisbílinn og varð 730d
langefstur á þeim lista.
Auk þessara verðlauna hlaut
BMW X1 hönnunarverðlaun hjá
German Design Counsil fyrir ytra
útlit og hönnun farþegarýmisins,
Chicago Museum og Design út-
nefndi bæði X4 og X6 bestu ferða-
bílana og í Ástralíu var BMW 1 Ser-
ies kjörinn besti bíll Ástralíu hjá
Royal Auto National.
Loks má nefna að í samantekt
BMW yfir viðurkenningar á árinu
voru þrjár BMW-gerðir kjörnar
bestu bílakaupin á árinu, hver í sín-
um flokki, aðrir voru kjörnir bestu
bílarnir í sportbílaflokki, enn aðrir
bestu akstursbílarnir í flokki fjór-
hjóladrifinna bíla og svona mætti
áfram lengi telja.
agas@mbl.is
Með fangið fullt
af verðlaunum
BMW hlaut að jafnaði rúmlega
eina viðurkenningu í viku hverri ár-
ið 2016. Hér er BMW 530e á ferð.
Volvo hefur verið í mikilli sókn með
nýjum bílum síðustu misserin. Flagg-
skip hinnar nýju sóknar hefur verið
jeppinn XC90 en nú staðfestir sænski
bílsmiðurinn að nýtt módel sé að bæt-
ast við, jepplingurinn XC40.
Í fyrra sendi Volvo frá sér tvö ný
módel, S90 og V90, og fyrir utan hinn
boðaða XC40 er Volvo þessa dagana
að hleypa af stokkum V90 Cross Co-
untry, sem kemur á götuna síðar á
árinu. Við þann bíl eru bundnar mikl-
ar vonir í Noregi því þegar hafa rúm-
lega 800 manns skráð sig fyrir slíkum
bíl þar í landi.
Ekki hafði staðið til að koma með
XC40 fyrr en á næsta ári, 2018, en
þróunarstjóri Volvo, Henrik Green,
segir prófunum nær lokið og því tak-
ist að koma honum á götuna með
komandi hausti.
XC40 fer inn í þann geira bíla-
framleiðslunnar sem vex hvað hrað-
ast um þessar mundir. Meðal keppi-
nauta hans verða Audi Q2/Q3, BMW
X1 og Mercedes GLA, svo einhverjir
séu nefndir. Hann verður fyrsti bíll-
inn sem byggður er á nýjum und-
irvagni fyrir smærri bíla, CMA, sem
Volvo hefur þróað í samvinnu við kín-
verska bílrisann Geely. Útlit er fyrir
að XC40 verði smíðaður í bílsmiðjum
sænska bílaframleiðandans í Kína.
agas@mbl.is
Volvo flýtir komu jepplingsins XC40
Þróun XC40 jepplingsins er svo gott sem lokið hjá Volvo.
Nýtt tromp á leiðinni
Hjá Parísarborg er nú verið að skoða að slökkva á og
uppræta umferðarljós í þeirri viðleitni að minnka um-
ferðarteppu og fækka slysum.
Verður í fyrstu prófað að fjölga gatnamótum þar sem
götuljós verða látin víkja fyrir biðskyldumerkjum. Enn-
fremur verður fjölgað þeim svæðum þar sem hámarks
ökuhraði verður takmarkaður við 30 km/klst. Þá eiga ný
hringtorg víða um borg að slá á vandann og sömuleiðis er
reglunni um að víkja fyrir umferð frá hægri ætlað að
leysa af hólmi mörg umferðarljós.
Takmarkið með þessu öllu er að gera ökumenn með-
vitaðri um göturnar og aðra notendur þeirra, fremur en
að njörva umferðina niður með umferðarljósum.
Ljósastýrð gatnamót í Frakklandi munu vera um
30.000 talsins. Við þau eiga sér stað um 10.000 slys ár
hvert, eða 14% allra umferðarslysa. Hafa 150 manns far-
ist og um 1.200 til viðbótar slasast í þeim árlega. Hrað-
akstur hefur verið helsta orsök þessara óhappa – og
þriðjungurinn vegna þess að ekið var gegn rauðu ljósi.
Margar franskar borgir hafa nú þegar fetað þær leiðir
sem ráðgerðar eru í París og hefur árangurinn verið sá,
að dregið hefur verið úr umferðarteppum og slysum hef-
ur fækkað eftir að umferðarljós voru tekin niður. Meðal
þessara bæja og borga eru Abbeville, Bordeaux, Nantes,
Niort, Rouen og Toulouse.
Í Bordeaux er nú verið að endurhanna götur með það
fyrir augum að losna þaðan við umferðarljósin. Borg-
arfulltrúar samþykktu það er í ljós kom, að 27 af 28
hættulegustu gatnamótum borgarinnar voru ljósastýrð.
Yfirmaður innviðadeildar borgarinnar segir að búið sé
að taka niður ljós á 40 gatnamótum í Bordeaux og þeim
myndi fjölga í um 200 fyrir árslok 2018.
Mörg hundruð metra umferðarteppur eru daglegt
brauð á fjölda gatnamóta í París. Rannsóknir hafa leitt í
ljós, að á vissum gatnamótum hefur biðtími ökumanna
helmingast og banaslysum fækkað við að uppræta götu-
ljósin því ökumenn hefðu tilhneigingu til að hægja ferð-
ina fyrr en áður. Þá hefði sýnt sig að ökumenn gættu í
engu að gangandi vegfarendum, hjólreiðamönnum og
jafnvel öðrum bílum við ljósastýrð gatnamót, einblíndu
einungis á ljósin sjálf og hvenær þau skiptu um lit.
Fulltrúar Parísar segja það væri sparnaður að því að
taka umferðarljósin niður. Við hver gatnamót væru um
sjö til átta ljós og kostaði rekstur hvers og eins þeirra og
umhirða um 500 evrur á ári, jafnvirði um 60.000 krónur.
agas@mbl.is
Ætla að slökkva á
umferðarljósunum
Yfirvöld í París vonast til að umferðarteppur minnki
og slysum fækki með því að fjarlægja umferðarljós.
Hvaða stallbakur
þarf minnst svig-
rúm til að snúa
við? Með öðrum
orðum, hver er
með minnsta
beygjuþver-
málið?
Þessum spurn-
ingum hafa
rannsóknarmenn
franska bílarits-
ins Auto Plus
svarað með ít-
arlegum mæl-
ingum á beygju-
fimi tuga
bílamódela.
Svörin yfir 30
bestu útkomurnar er að finna í
vikublaði þessu sem út kom 17.
febrúar sl.
Liprastur allra reyndist Lexus IS
með 10,9 metra snúningsrými og
mælist því meðfærilegastur. Á hæla
hans komu tveir ólíkir bílar; stall-
bróðirinn Lexus GS og Skoda Oc-
tavia með 11,0 metra beygjuhaf.
Með fjórða minnsta snúnings-
rýmið reyndist Mercedes Classe C
eða 11,2 metra. Alfa Romeo Giulia
og Hyundai i40 gáfu honum lítt eft-
ir með sína 11,3 metra. Þar á eftir
reyndust fjórir bílar með 11,4
metra beygjuhaf eða Opel Insignia,
Renault Talsiman (4Control),
Toyota Avensis og Volkswagen
Passat CC.
Að öðru leyti varð niðurstaða
mælingarinnar sem hér segir:
11,5 Kia Optima
11,6 Mercedes Benz Classe E
11,7 Audi A4
11,7 Jaguar XE
11,7 Skoda Superb
11,7 VW Passat
11,8 BMW 3-serían
11,8 DS 5
11,8 Subaru Legacy
11,9 BMW 5-serían
11,9 Ford Mondeo
12,0 Audi A6
12,0 Jaguar XF
12,0 Mazda 6
12,1 Mercedes Classe C
12,3 Maserati Ghibli
12,3 Peugeot 508
12,3 Renault Talisman
12,3 Volvo S90
12,4 Citroën C5
agas@mbl.is
Lexus IS beygir krappast
Lexus IS er meðfæri-
legasti stallbakurinn
samkvæmt mælingum
Auto Plus.