Morgunblaðið - Sunnudagur - 30.04.2017, Blaðsíða 26

Michelin-kokkar í flatkökubakstri
Í fyrrasumar kom hingað frá Hollandi fríttföruneyti kokka, blaðamanna og ljósmynd-ara til að upplifa landið og búa til hum-
arrétti í nýja uppskriftabók veitingarstaðarins
Ciel Bleu í Amsterdam, en sá staður skartar
hvorki meira né minna en tveimur Michelin-
stjörnum. Tilgangur ferðarinnar var að sanka
að sér efni en þeir vildu útbúa algjörlega ein-
staka matreiðslubók. Bókin sem ber nafnið
Guestronomy, er nú komin út á hollensku en
von er á enskri útgáfu innan skamms.
Íslenskur humar í öndvegi
Hugmyndin að bókinni var að fá innblástur frá
öllum þeim löndum sem þeir versla við og elda
rétti úr hráefninu á hverjum stað fyrir sig. Af
þeim sökum lá leiðin til Íslands en allan humar
kaupa þeir af Vinnslustöð Vestmannaeyja.
„Það er náttúrulega mikill heiður fyrir Ís-
lendinga að komast inn í þessa bók, að vera í
hópi þeirra þjóða sem framleiða mestu há-
gæðavöru í heimi,“ segir Sigurjón Að-
alsteinsson, matgæðingur og ferðaskipuleggj-
andi, sem tók á móti hópnum.
Varðskipið Þór sótti hópinn
Sigurjón, sem er Eyjapeyi, dreif hópinn með
sér til Eyja og þar var að sjálfsögðu humar í
aðalhlutverki. En fleira skemmtilegt gerðist í
ferðinni.
„Ég fékk svolítið klikkaða hugmynd, að fara
út í Elliðaey. Það heppnaðist með ólíkindum
vel. Reyndar þurftum við að njóta aðstoðar
björgunarskipsins Þórs í bakaleiðinni, þar sem
komin var bölvuð bræla og ekki hægt að nota
hefðbundin sókningsbát, en það gerði ferðina
því meira eftirminnilega, eða kryddaði hana
hressilega,“ segir Sigurjón.
„Í Elliðaey bjuggu þeir til alls konar rétti;
grilluðu humar, bjuggu til humarsúpu og hum-
artartar sem er eitt af því besta sem ég hef
smakkað,“ segir hann.
Kokkar að kafna í reyk
„Í Eyjaferðinni fór ég með fólkið heim til
mömmu, en hún tók sig til og skellti í námskeið
í flatkökubakstri, sem vafðist bara helling fyrir
Michelin-stjörnu kokkunum. Mamma er
sveitakona og hefur alist upp við að taka slátur
og baka flatkökur. Þær eru nú ekkert fáar hús-
mæðurnar í Vestmannaeyjum sem hafa farið í
gegnum flatkökuskóla Þóru Gissurardóttur,“
segir Sigurjón.
„Þeir átti í stökustu vandræðum með þetta
út af reyknum, þeir voru gjörsamlega að
kafna! Ljósmyndarinn var kominn á gólfið,
hann þoldi ekki við í reyknum,“ segir hann og
skellihlær. „En þeim fannst þetta bæði
skemmtilegt og skuggalega gott.“
Þóra Gissurardóttir kennir Michelin-
kokkinum Arjan Speelman handtökin
við flatkökubakstur. Hópurinn átti erfitt
með að þola reykinn.
Nýlega kom út kokkabók frá virtum tveggja Michelin-stjörnu veitingastað í Amsterdam. Ísland leikur hlutverk í bókinni en allur
humar sem þeir kaupa er íslenskur. Því ákváðu þrír kokkar á þeirra vegum að heimsækja landið og lentu í leiðinni í óvæntum
flatkökubakstri í heimahúsi í Vestmannaeyjum og alvöru íslenskri brælu.
Ásdís Ásgeirsdóttir asdis@mbl.is
Sigurjón skenkir í glas hjá
Arjan, yfirkokkinum á
Ciel Bleu í Amsterdam.
Humarinn var grillaður í
blíðskaparveðri. Síðar
hvessti hressilega og
það gerði brælu svo
varðskip þurfti að
bjarga fólkinu af eyjunni.
Hér gefur að líta
síðu úr nýju
kokkabók Mic-
helin-kokkanna
frá Ciel Bleu-
veitingastaðnum
í Amsterdam.
Flatkökur eru
bakaðar beint á
hellunni.
Einn af réttunum sem
kokkarnir útbjuggu í
fögru umhverfi Elliðaeyj-
ar var humar-tartar. Sig-
urjón segir réttinn vera
algjört lostæti.
’Reyndar þurftum við aðnjóta aðstoðar björg-unarskipsins Þórs í bakaleið-inni, þar sem komin var
bölvuð bræla og ekki hægt að
nota hefðbundin sókningsbát,
en það gerði ferðina því
meira eftirminnilega, eða
kryddaði hana hressilega.
MATUR Gott er að leggja grænkál og klettasalat í ísvatn í ísskáp í klukkutíma tilþess að ná mesta beiska bragðinu í burtu. Gott er að setja salatið í
salatvindu og þerra það svo með pappírsþurrkum.
Grænkál í ísbaði
26 MORGUNBLAÐIÐ SUNNUDAGUR 30.4. 2017