Freyr - 01.11.2006, Blaðsíða 6

HROSSARÆKT
Mynd 5. Jafnalgengt var að gefa á stíugólf-
ið og fram á fóðurgang eða í 20% tilfella.
Algengast var að gefið væri í stalla.
Ljósm. Sigtryggur Veigar Herbertsson
notkun og þurrkar mjög vel upp bleytu og
bindur ammóníak. Jafnframt stendur nú til
boða hör til undirburðar sem þarf að skoða
vel sem valkost í þessu sambandi.
Eftirliti með ástandi hesthúsa er ábóta-
vant enda kom í Ijós í rannsókninni að
21% innréttinga í nýbyggingum og göml-
um húsum braut í bága við þá reglugerð
sem gilti þegar hönnun og smiði innrétting-
anna fór fram.
Huga þarf betur að því að efla fræðslu
um loftræstingu í hesthúsum og gera átak
í þeim efnum. Engar viftur voru í 35% hús-
anna og hjá of mörgum var aðalstreymi af
fersku lofti inn um útidyrahurð á meðan
hestar voru úti í gerði. Þá voru einungis
örfá hesthús með vel hannað loftræstikerfi
og ekkert með stýrða náttúrulega loftræst-
ingu. Hesthús er vinnustaður bæði hests
og manns og þarf að vera þannig úr garði
gert að báðir njóti umhverfisins. Fúlt og
rakt loft er eitthvað sem er ekki eftirsóknar-
vert.
Kröfur í íslensku reglugerðinni um
aðbúnað hesta eru ekki eins miklar og í
nágrannalöndum fyrir svipaða stærð af
hestum, t.d. í sambandi við stíustærðir,
og getur það verið vegna þess að bygg-
ingarkostnaður er meiri hér á landi. Einnig
gæti hugsast að íslenskir hestar þoli meiri
þrengsli þar sem lausleg könnun hefur sýnt
að lítið er um húslesti þó að þrengra sé
um hesta hér á landi en erlendis (Hrefna
Sigurjónsdóttir, 2005).
Ljóst er að húsbyggjendur hafa á und-
anförnum árum haft takmarkað aðgengi
að einstaklingsráðgjöf á þessu sviði, sem
er vafalítið meginástæða þess að fjölmarg-
ar mismunandi lausnir hafa litið dagsins
Ijós. Þá eru skoðanir jafnframt afar skiptar
um ágæti mismunandi lausna varðandi
hönnun á nærumhverfi hesta á húsi.
ÞAKKARORÐ
Höfundur vill þakka öllum þeim hesthúsa-
eigendum sem leyfðu skoðun á sínum hest-
húsum og gerðu þannig verkefnið mögu-
legt. Einnig fær leiðbeinandi verkefnisins,
Torfi Jóhannesson, þakkir fyrir aðstoðina.
Þá vil ég þakka Snorra Sigurðssyni og Önnu
Guðrúnu Þórhallsdóttur fyrir þeirra aðstoð.
TILVITNANIR
Hrefna Sigurjónsdóttir, 2005. Könnun
á útbreiðslu húslasta meðal hrossa -
aðbúnaður skiptir máli. Birt á Fræðaþingi
landbúnaðarins 2005.
Sigtryggur Veigar Herbertsson, 2006.
Stöðumat á aðbúnaði hesta á húsi. BS-rit-
gerð við Lbhí 2006.
Innréttingar frá DE BOER
Allt fyrir kúabóndarm!
Læsanlegar fóðurgrindur og
steinristar. Útvegum einnig
steinristar fyrir sauðfé.
Flórsköfur á steinristar.
Grindur fyrir legubása.
( Gerum verðtilboð! )
Rúllugluggatjöld og loftræstiviftur.
LÍFLAND Hafðu samband við sölumenn Líflands og fáðu bækling eða frekari upplýsingar.
-betribunaður Sími 540 1 100 • www.lifland.is • lifland@lifland.is
FREYR 11 2006