Morgunblaðið - Sunnudagur - 02.07.2017, Blaðsíða 6

6 MORGUNBLAÐIÐ SUNNUDAGUR 2.7. 2017
Kína: 3.747,0 m. tonn
Bandaríkin: 821,8 m. tonn
Indland: 677,5 m. tonn
Ástralía: 484,5 m. tonn
Indónesía: 392,0 m. tonn
Rússland: 373,3 m. tonn
Suður-Afríka: 252,1 m. tonn
Þýskaland: 184,3 m. tonn
Pólland: 135,5 m. tonn
Kasakstan: 106,5 m. tonn
Heimild: Statistical Review of World
Energy 2016
Stærsta kolanámavinnslufyrir-tæki heims, Coal India, munloka 37 kolanámum á næstu
níu mánuðum, en lokanirnar koma í
kjölfar áætlana um umbyltingu í
orkuframleiðslu Indlands. Sam-
kvæmt rafmagnsáætlun indverska
ríkisins stefnir Indland að því að
60% af heildarorkugetu landsins
komi frá öðrum orkugjöfum en jarð-
efnaeldsneyti, til dæmis sólar- eða
vindorku, fyrir árið 2027. Í sömu
áætlun hyggst ríkisstjórnin ekki
grafa fleiri kolanámur á næstu tíu
árum ásamt því að orkumálaráð-
herra Indlands tilkynnti að ríkið
vildi hætta alfarið innflutningi á kol-
um.
Þessi róttæka breyting í orku-
stefnu ríkisins kemur á óvart, þar
sem Indland er einn allra um-
svifamesti kolaframleiðandi í heim-
inum og kolaeldsneyti sér landinu
fyrir rúmlega 60% af uppsettri raf-
magnsgetu sinni. Loftmengun hefur
lengi verið mikið vandamál í ind-
verskum borgum, en stóran hluta
vandamálsins má rekja til kola-
brennslu. Með þessari áætlun er
Indland á góðri leið með að standa
við og jafnvel gera betur en mark-
miðin sem sett voru við undirskrift
Parísarsamkomulagsins árið 2015,
en þá hétu indversk stjórnvöld því
að 40% af heildarorkugetu landsins
myndi koma frá endurnýjanlegum
orkugjöfum árið 2030.
Sólarorkan ódýrari
Vegna mikillar tækniframþróunar á
sviði orkuframleiðslu hefur verð á
sólarorku lækkað um 80% á síðustu
fimm árum og í fyrsta skipti er
framleiðsla sólarorku í Indlandi
hagkvæmari en framleiðsla á kola-
eldsneyti. Í kjölfarið hafa fjárfest-
ingar í indverskri sólarorku stór-
aukist en jarðeldsneytisfyrirtæki
eins og Coal India, sem sér fyrir
meira en 80% af kolaframleiðslu
Indlands, neyðast til að minnka við
sig og loka fjölda náma.
Reglugerðir hækka
verð á kolum
Á sama tíma og verð á sólarorku
hefur lækkað hefur verðið á kolum
hækkað töluvert, meðal annars
vegna reglugerða í kringum jarð-
efnaeldsneyti og útblástur gróður-
húsalofttegunda.
Á síðasta ári settu kínversk
stjórnvöld takmarkanir á hversu
margar klukkustundir kolanámu-
menn landsins mega starfa á viku,
en reglugerðin varð til þess að fram-
leiðsla á málmvinnslukolum dróst
saman svo að verð málmvinnslukola,
sem notuð eru til að framleiða stál,
hækkaði á heimsvísu.
Sú hækkun kom sér vel fyrir
Donald Trump Bandaríkjaforseta
og ríkisstjórn hans, sem hafa nýtt
sér minnkandi framboð á málm-
vinnslukolum til að skapa hátt í
1.400 ný störf við kolaframleiðslu á
árinu samkvæmt Hagstofu atvinnu-
mála, en kolaframleiðsla í Banda-
ríkjunum jókst um 14% á fyrsta árs-
fjórðungi ársins 2017.
Bandaríkin í gagnstæða átt
Narendra Modi, forsætisráðherra
Indlands, hitti Donald Trump fyrr í
vikunni, en Trump hefur lengi talað
fyrir því að auka kolaframleiðslu í
Bandaríkjunum. Trump undirritaði
forsetatilskipun í mars síðastliðnum
sem gerði sex tilskipanir ógildar,
sem miðuðu m.a. að því að draga úr
kolefnislosun. Auk þess dró Trump
Bandaríkin úr Parísarsamkomulag-
inu í byrjun júnímánaðar.
Þrátt fyrir ólíka stefnu ríkjanna
tveggja í orkumálum var málefnið
ekki áberandi á fundi þjóðhöfðingj-
anna, sem ræddu m.a. um fríversl-
unarsamninga og baráttuna gegn
öfgahópum í Afganistan.
Margir hafa sett sig upp á móti
þeirri ákvörðun Trumps að draga
Bandaríkin úr Parísarsamkomu-
laginu, en í vikunni hétu borgar-
stjórar 7.400 borga víðs vegar um
heiminn því að halda áfram að vinna
að þeim markmiðum sem sett voru á
loftslagsráðstefnunni í París árið
2015.
Indverjar
kveðja kolin
Framleiðsla sólarorku í Indlandi er ódýrari
en framleiðsla kolaeldsneytis. Indland
stefnir að því að eftir tíu ár komi 60% af
heildarorkugetu landsins frá öðrum orku-
gjöfum en jarðefnaeldsneyti.
AFP
Indland er þriðji umsvifamesti
kolaframleiðandi heims á eftir
Kína og Bandaríkjunum.
Tíu mestu
kolafram-
leiðendurnir
’
París eða ekki París, skuldbinding okkar til að
varðveita loftslagið er í þágu komandi kynslóða.
Narendra Modi, forsætisráðherra Indlands
ERLENT
PÉTUR MAGNÚSSON
petur@mbl.is
ÞÝSKALAND
BERLÍN Sambandsþing Þýskalands samþykkti að
lögleiða hjónabönd samkynhneigðra á föstudaginn.
Niðurstaða atkvæðagreiðslunnar var 393 atkvæði
með og 226 á móti. Angela Merkel, kanslari
Þýskalands, biðlaði til þingmanna að kjósa eftir eigin
sannfæringu fremur en stefnu flokksins. Merkel
greiddi atkvæði á móti frumvarpinu, en hún sækist
eftir endurkjöri sem kanslari 24. september.
ALSÍR
ALGEIRSBORG Maður í höfuðborg Alsír var dæmdur í
tveggja ára fangelsi eftir að hafa haldið barni fyrir utan glugga
á 15. hæð og birt myndir af gjörningnum á Facebook með yf-
irskriftinni “1.000 like eða ég sleppi honum”. Maðurinn, sem
er ættingi barnsins, var fundinn sekur um barnaníð þrátt fyrir
að faðir barnsins sárbæði dómsal að fyrirgefa manninum.
JAPAN
TÓKÍÓ Japanar ætla að senda
mann til tunglsins árið 2030.
Geimferðastofnun Japans (JAXA)
kynnti áætlunina um tunglförina á
miðvikudag. Leiðangurinn verður
þó að öllum líkindum fjölþjóðlegur,
þar sem Japan hyggst deila kostn-
aðinum með öðrum ríkjum. Jap-
anar eru ekki eina Asíuþjóðin með metnaðarfull áform í
geimferðum. Kínverjar tilkynntu í desember 2016 að þeir
hygðust senda könnunarflaug til Mars árið 2020.
BANDARÍKIN
FLÓRÍDATennisstjarnanVenus
Williams lenti í bílslysi sem leiddi
til dauða 78 ára gamals manns.
Lögreglan í Palm Beach Gardens
í Flórída telur að tenniskonan
eigi sök á slysinu. Maðurinn sem
dó, Jerome Barson, sat í bíl sem
kona hans keyrði þegarWilliams
keyrði yfir á rauðu ljósi, að
sögn vitna, og olli bílslysinu.
Hún segist ekki hafa séð bíl
hjónanna.Williams á að spila á
Wimbledon-mótinu í næstu
viku, enVenus og systir hennar,
SerenaWilliams, hafa verið tvær
af bestu tenniskonum heims
síðustu tvo áratugi.