Morgunblaðið - Sunnudagur - 02.07.2017, Blaðsíða 8

Idris Elba er mikill hjartaknúsari.
Í PRÓFÍL
8 MORGUNBLAÐIÐ SUNNUDAGUR 2.7. 2017
KVIKMYNDIR Elba er einn þeirra leikara
sem orðaðir eru við hlutverk eins goðsagna-
kenndasta spæjara kvikmyndasögunnar,
James Bond. Hinn góðkunni Daniel Craig
hefur gefið í skyn að tíma hans sem njósn-
arinn vinsæli muni brátt ljúka og hefur leit
að arftaka hans staðið yfir í nokkurn tíma.
Nafn Elba hefur stöðugt verið í umræðunni,
enda hefur hann margsýnt að hann sé í góðu
líkamlegu formi ásamt því að búa yfir per-
sónutöfrunum sem eru nauðsynlegir til að
leika Bond. Elba hefur sjálfur tjáð sig um
málið og segir sig of gamlan fyrir bíla, konur
og martíní, en aðdáendur hans telja að hann
henti vel í hlutverkið.
Þrátt fyrir umræðuna um nýjan Bond hef-
ur Daniel Craig ekki útilokað að hann muni
snúa aftur sem spæjarinn í síðasta skipti, en
ef svo fer munu líkurnar á að sjá Idris Elba
sem James Bond líklegast fjara út. Margir aðdáendur vilja sjá Elba leika James Bond.
Næsti núll,
núll, sjö?
IDRIS ELBA er meira en bara leikari. Þrátt fyrir að vera þekktastur fyrir hlut-
verk sín í þáttum á borð við Luther og The Wire hefur þessi 44 ára gamli Eng-
lendingur einnig gert garðinn frægan sem plötusnúður og leikstjóri ásamt því
að hafa reynt fyrir sér sem rallýökumaður og bardagakappi.
Idrissa Akuna Elba fæddist í úthverfi Lundúna árið 1972, faðir hans er frá
Síerra Leóne og móðir frá Ghana. Elba sýndi fljótt hæfileika í leiklist, tók þátt í
leiklistarfélögum í skóla og fékk ungur styrk frá góðgerðarfélagi Karls Breta-
prins til að ganga í hina virtu National Youth Music Theatre stofnun, en þar
fékk hann sína fyrstu reynslu á leiksviðinu.
Atvinnuferill hans hófst þó ekki á sviði, heldur fékk hann sín fyrstu hlutverk
á sjónvarpsskjánum í þáttum á borð við Family Affairs og Absolutely
Fabulous en eftir lítið hlutverk í glæpaþáttunum Law & Order fékk hann
tækifæri til að leika eiturlyfjakónginn Stringer Bell í glæpaþættinum The
Wire. Elba þótti standa sig með prýði í hlutverki glæpamannsins og þætt-
irnir urðu fljótt afar vinsælir og þykja með þeim betri í sjónvarpi. Árið
2009 var Elba fenginn til að leika titilhlutverk bresku glæpaþáttana Luth-
er, þar sem hann naut mikilla vinsælda sem rannsóknarlögreglumaðurinn
skapstyggi John Luther, sem er þekktur fyrir að fara óhefðbundnar leiðir
til að koma glæpamönnum á bak við lás og slá. Fyrir leik sinn í þáttunum
hefur Elba hreppt fjölda verðlauna, meðal annars Gullhnöttinn sem besti
leikari í sjónvarpsþætti.
Elba hefur ekki aðeins notið velgengni í sjónvarpi heldur hefur hann
einnig unnið verðlaun fyrir leik sinn á stóra skjánum. Hann vann til Screen
Actors Guild-verðlauna fyrir leik sinn í myndinni Beasts Of No Nation og
hefur vakið athygli fyrir myndirnar Thor, Prometheus og Mandela: Long
Walk to Freedom, ásamt fleirum.
Þegar Elba var ungur fékk hann starf sem plötusnúður í brúðkaups-
plötusnúðafyrirtæki frænda síns og tónlistin virðist hafa heillað hann því
þegar hann var 19 ára gamall var hann byrjaður að þeyta skífum á nætur-
klúbbum Lundúnaborgar. Hann kemur fram undir listamannanafninu DJ
Big Driis þegar hann túrar um Bretland og víðar og hefur hann fest sig í
sessi sem einn vinsælasti plötusnúður Englands. Hann gefur auk þess út
frumsamin lög, allt frá dans og raftónlist til rapptónlistar. petur@mbl.is
SJÓNVARP Elba er reyndur öku-
maður og hefur ávallt verið mikill
bílaunnandi. Í þættinum Idris
Elba: No Limits lét hann draum
sinn rætast og lagði fyrir sig hinar
ýmsu hraðatengdu heljarþrautir,
svo sem að keppa í ralli, fljúga í
flugfimisýningu og keppa í spyrnu,
en þáttaröðin endaði á því að
hann bætti 88 ára gamalt met í
hraðaakstri.
Í framhaldinu framleiddi hann
þáttinn Idris Elba – Fighter, en þar
lagði hann á sig gríðarlegar æfing-
ar að hætti atvinnubardagakappa
og keppti sem atvinnumaður í
sparkboxi í kjölfarið.
Sportbílar
og sparkbox
Elba tók þátt í Irish Tarmac Rally Championship.
ÁSTIN Ástarlíf Elba hefur verið
stormasamt enda hefur leikar-
inn hávaxni vermt ófáa lista yfir
fallegasta og kynþokkafyllsta
fólk í heimi. Hann giftist
förðunarfræðingnum Hanne
Norgaard árið 1999 en þau
skildu skömmu eftir fæðingu
dóttur þeirra árið 2003. Á með-
an upptökur á þáttunum The
Wire stóðu yfir kynntist hann
fasteignasalanum Sonyu Hamlin
og giftist henni árið 2006, en
hjónabandið entist aðeins í
rúmar sex vikur. Árið 2013 tók
Elba saman við Naiyönu Garth
og eignaðist parið son rúmlega
ári síðar.
Sex vikna
hjónaband
Fjölhæfur
leikari og
plötusnúður
Elba í hlutverki
rannsóknar-
lögreglumannsins
skapstygga Johns
Luther.
’ Elba þeytir skífumundir nafninu DJ BigDriis og hefur fest sig ísessi sem einn vinsælasti
plötusnúður Englands.
Elba sló 88 ára gamalt met í hraðaakstri.
Idris Elba er
leikari og
plötusnúður.
Rafhitun
Ryðfríir neysluvatnshitarar, hitöld (element),
hitastillar, hitastýringar, rafhitarar til húshitunar
og flest annað til rafhitunar.
Við hjá Rafhitun erum sérfræðingar í öllu sem við
kemur rafhitun. Við bjóðum einungis úrvals tæki
sem hafa sannað sig með áralangri reynslu.
Rafhitarar fyrir heita potta
Kaplahrauni 19 • Hafnarfirði • Sími: 565 3265 • ww.rafhitun.is
íslensk
framleiðsla
í 25 ár
Hiti í bústaðinn