Morgunblaðið - Sunnudagur - 02.07.2017, Blaðsíða 2

Ég er svo heppin að hafa farið í algjöra draumaferð til London um miðjansíðasta mánuð. Þetta var sannkölluð pílagrímsför sem farin var meðgóðri vinkonu til að sjá hljómsveitina Guns N’ Roses. Fyrir þá sem
ekki vita er hljómsveitin sameinuð á ný. Þrír af upprunalegum liðsmönnum
sveitarinnar standa nú saman á sviðinu; gítarleikarinn goðsagnakenndi Slash,
bassaleikarinn seiðmagnaði Duff McKagan og söngvarinn óútreiknanlegi Axl
Rose. Slash er enn með pípuhattinn en hefur lagt frá sér Jack Daniels-
flöskuna en virðist ekkert hafa breyst enda sést ekki vel framan í hann fyrir
öllu þessu hári. Duff hefur elst vel,
eins og gott vín (sem hann snertir
ekki á sjálfur lengur) og Axl líkur
sjálfum sér, bara aðeins stærri og
strekktari. Röddin er enn þá mögn-
uð.
Tónleikastaðurinn var London
Stadium, glænýr ólympíuleikvangur
í austurhluta borgarinnar, sem er
heimavöllur fótboltaliðsins West
Ham. Við höfðum hvorugar farið á
svona stóra tónleika áður en það er
upplifun út af fyrir sig, allt er í yf-
irstærð sem hæfir rokki að hætti
Guns N’ Roses. Sólin skein og hita-
stigið fór hátt í 30°C. Fólk dreif að
úr öllum áttum. Við höfðum búist við
röðum en allt gekk smurt fyrir sig.
Nærri 80.000 rokkaðdáendur voru á staðnum, bjór var seldur víða en samt sá
varla vín á nokkum manni. Að minnsta kosti ekki eins vel og í miðbæ Reykja-
víkur eftir miðnætti um helgar. Margir matar- og drykkjarbásar voru inni í
leikvanginum og alls staðar fór fólk í skipulagða röð. Raðirnar voru langar en
ég sá engan kvarta eða reyna að troða sér. Fyrir utan leikvanginn var búið að
búa til eins konar hátíðarsvæði með enn fleiri básum þar sem fólk stóð og
spjallaði eða leitaði skjóls fyrir sólinni með matarbita í hönd. Ruslið virtist
rata í ruslatunnurnar og bjórinn í maga.
Yfirskrift tónleikaferðalagsins er „Not in This Lifetime“ eða „Aldrei í líf-
inu“ og er tilvitnun í orð Axl þegar hann var árið 2012 spurður um líkurnar á
endurkomu sveitarinnar með fleiri upprunalegum liðsmönnum. Það sýnir að
maður á aldrei að segja aldrei.
Eftir magnaða tónleika héldum við út í nóttina ásamt tugþúsundum tón-
leikagesta, aftur tróðst enginn og breska almenningssamgöngukerfið kom
öllum á leiðarenda.
Axl Rose og Slash
sameinaðir á ný.
AFP
Húsmæður þurfa
rokkorlof
Pistill
Inga Rún
Sigurðardóttir
ingarun@mbl.is
’Nærri 80.000 rokk-aðdáendur voru ástaðnum, bjór var seldurvíða en samt sá varla vín
á nokkum manni. Að
minnsta kosti ekki eins vel
og í miðbæ Reykjavíkur
eftir miðnætti um helgar.
Hvað er öðruvísi við Eistnaflug
en aðrar tónlistarhátíðir?
Eistnaflug er mjög falleg hátíð; þar
þekkjast rosalega margir. Þetta er
svona eins og árshátíð þar sem allir
hittast einu sinni á ári og faðmast og
kyssast. Það er rosalega mikið verið
að skála og gleðin er mikil, sem er
fallegt.
Hver er hápunkturinn í ár?
Hvaða hljómsveitum ert
þú spenntastur fyrir?
Hápunkturinn í ár er Max og Iggor
Cavalera! Þeir mæta og spila Roots-
plötuna ásamt fleiri Sepultura-
slögurum. Ég er spenntastur fyrir
því að hitta allt skemmtilega fólkið.
Það er svo hrikalega gaman að dansa
með öllum þessum snillingum.
Er eitthvað sérstakt við
Neskaupstað sem á svona
vel við rokkara?
Nei, ekkert frekar, en fjarlægðin frá Reykja-
vík gerir það að verkum að þú getur velt öllu
mögulegu fyrir þér á leiðinni og þú kemur
svo heim til baka sem ný og betri manneskja
þegar þynnkan er farin.
Hverju má maður alls ekki
gleyma að pakka fyrir hátíðina?
Lopapeysunni, hún er nauðsynleg í eft-
irpartíið. Svo er sniðugt að vera með eitt-
hvað að borða því það kemur alveg fyrir að
líkaminn vilji mat.
Má vera fáviti á Eistnaflugi?
Nei, það er ólöglegt á Eistnaflugi að vera
fáviti og allir fávitar eru vinsamlegast beðn-
ir um að vera fjarverandi í næstu viku!
Morgunblaðið/Eggert
STEFÁN MAGNÚSSON
SITUR FYRIR SVÖRUM
Í FÓKUS
2 MORGUNBLAÐIÐ SUNNUDAGUR 2.7. 2017
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Bryndís Kjerúlf Kristinsdóttir
og Heiðdís Tinna
Já, við förum á írska daga á Akranesi.
SPURNING
DAGSINS
Ferð þú á
bæjarhátíð
í sumar?
Margrét Scheving
Já, ég fer á töðugjöld á Hellu.
Sigurður Pétur Markússon
Já, á Þjóðhátíð.
Aron Eydal Sigurðarson
Já, á Innipúkann.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Stefán Magnússon er Eistnaflugstjóri.
Rokkhátíðin Eistnaflug fer fram í
Neskaupstað 5.- 8. júlí.
Falleg
árshátíð