Víkurfréttir - 27.11.2003, Side 17

VÍKURFRÉTTIR I 48. TÖLUBLAÐ I FIMMTUDAGURINN 27. NÓVEMBER 2003 I 17
A lvarlegt umferðarslysvarð á Strandarheiði áReykjanesbraut á sjö-
unda tímanum á sunnudags-
morgun. Tilkynnt var um slys-
ið kl. 06:37. Tvær bifreiðar
lentu í hörðum árekstri þegar
þeim var ekið framan á hvora
aðra. Svo virðist sem önnur
bifreiðin hafi farið yfir á öfug-
an vegarhelming. Fjórir voru
fluttir slasaðir á sjúkrahús.
Þrír útlendingar voru í öðrum
bílnum en Íslendingur í hinum.
Ekki er hægt á þessari stundu
að segja hversu alvarleg meiðsl
eru. Einn hinna slösuðu var án
meðvitundar þegar tilkynnt
var um slysið, en var kominn
til meðvitundar að nýju áður
en tókst að losa hann úr
bílflakinu.
Fimm sjúkrabifreiðar og tveir
tækjabílar slökkviliðs voru sendir
á staðinn, auk alls tiltæks lög-
regluliðs. Þrjár sjúkrabifreiðar
komu frá Brunavörnum Suður-
nesja, einn sjúkrabíll úr Grinda-
vík og annar úr Hafnarfirði. Þá
fór tækjabíll með klippur úr
Keflavík og einnig tækjabifreið
úr Hafnarfirði.
Talsverðan tíma tók að ná öku-
manni annarrar bifreiðarinnar úr
bílflakinu, en beita þurfti klipp-
um á bílinn.
Talsverður vindur var á slysstað
og mikil rigning. Þarna standa
yfir framkvæmdir við tvöföldun
Reykjanesbrautar og eru háir
moldarhólar í vegarkantinum.
Sviptivindar myndast við hólana
og staðfesti lögreglumaður á
vettvangi að lögreglan hafi fund-
ið fyrir sviptivindunum skömmu
áður. Lögreglubifreið var staðsett
skammt frá slysstað þegar til-
kynnt var um umferðarslysið.
Fjórir á sjúkrahús eftir
alvarlegt umferðarslys
á Reykjanesbraut
VF 48. tbl. 2003 hbb 26.11.2003 14:48 Page 17