Víkurfréttir - 24.06.2004, Blaðsíða 12

Um 150 íslenskum starfs-mönnum hefur verið sagtupp störfum hjá varnar-
liðinu frá því í október í fyrra. Þá
var um 105 starfsmönnum sagt
upp störfum í einu. Með reglu-
legu millibili hefur fleiri verið
sagt upp störfum. Greint var frá
því í vikunni að 21 einum starfs-
manni yrði sagt upp um næstu
mánaðarmót.
Þungt hljóð er í Suðurnesjamönn-
um vegna þessara uppsagna og
einnig vegna atvinnuástandsins á
svæðinu en atvinnulausir á Suður-
nesjum eru um 300 talsins. Konur
eru í miklum meirihluta atvinnu-
lausra eða tæplega 200 og rúmlega
100 karlar. Samkvæmt tölum frá
Vinnumálastofnun hefur atvinnu-
leysi á Suðurnesjum aukist mikið
frá árinu 2002 en í janúar það ár
voru tæplega 200 manns atvinnu-
lausir á Suðurnesjum. Í janúar á
þessu ári voru atvinnulausir alls
tæplega 400 og hefur atvinnuleysi á
Suðurnesjum því tvöfaldast á
tveimur árum sé miðað við janúar-
mánuð. Mest atvinnuleysi mælist á
Suðurnesjum á landinu öllu eða um
3,7%.
Vera Varnarliðsins á Keflavíkur-
flugvelli hefur síðustu áratugina
skipt Suðurnesjamenn miklu máli í
atvinnulegu tilliti. Hundruð Suður-
nesjamanna starfa í þjónustu við
varnarliðið og hefur vera varnar-
liðsins á svæðinu átt stærstan þátt í
uppbyggingu á svæðinu síðustu
áratugina.
Í kjölfar Íraksstríðsins var varnar-
liðinu gert að spara í rekstri her-
stöðvarinnar vegna kostnaðar
bandaríkjahers við stríðið í Írak.
Frá árinu 2001 hefur ekki tekist að
ná samningum um það hvernig
starfsemi varnarliðsins skuli háttað.
Árið 2001 rann úr gildi samkomu-
lag frá árinu 1996 sem kvað á um
lágmarks viðveru hersins hér á
landi. Heimildir Víkurfrétta herma
að enn frekari niðurskurður sé boð-
aður innan margra deilda varnar-
liðsins þegar nýtt fjárhagsár tekur
gildi þann 1. október á þessu ári.
Gert er ráð fyrir 10-40% niður-
skurði innan vissra deilda.
Bæjarstjórn Reykjanesbæjar hefur
átt fund með Halldóri Ásgrímssyni
utanríkisráðherra vegna málsins, en
ljóst er að samningar við Banda-
ríkjastjórn munu ekki liggja á borð-
inu næstu mánuðina. Hefur utan-
ríkisráðherra látið hafa það eftir sér
að eiginlegar viðræður við Banda-
ríkjastjórn muni ekki hefjast fyrr en
á næsta ári. Bæjarstjórn Reykjanes-
bæjar hefur óskað eftir fundi með
Davíð Oddssyni forsætisráðherra
vegna málsins.
Þrátt fyrir þá erfiðleika sem nú
steðjar að í atvinnumálum á Suður-
nesjum er mikil uppbygging á
svæðinu. Uppbygging Reykjanes-
virkjunar er hafin og fjármögnun
Stálpípuverksmiðju í Helguvík er á
lokastigi. Það er ljóst að á bygging-
artíma virkjunarinnar skapast upp
undir eitt hundrað störf og um 200
störf skapast ef Stálpípuverksmiðj-
an verður að veruleika.
Að sögn Ketils Jósefssonar for-
stöðumanns svæðisvinnuvinnu-
miðlunar Suðurnesja fer atvinnu-
leysi stigminnkandi þegar líður á
sumarið. Sumarafleysingar hjá
stofnunum og fyrirtækjum eigi þar
stóran þátt, en einnig að sveitarfé-
lög á svæðinu hafi verið öflug í að
sækja um átaksverkefni sem geri
það að verkum að allt skólafólk fái
vinnu. „Samstarfsverkefni atvinnu-
leysistryggingasjóðs og sveitarfé-
laganna á svæðinu hafa miðað í þá
átt að gera nánasta umhverfi okkar
vistvænna og aðgengilegra,“ segir
Ketill en hvað sér hann fyrir sér að
hægt verði að gera varðandi bágt
atvinnuástand? „Svona eru breyt-
ingarnar örar. Þetta svæði var mik-
ið framleiðslusvæði á árum áður,
en nú gengur allt út á þjónustu.
Mín trú er að fyrir hvert starf sem
tapast á vellinum ættum við að geta
margfaldað, því við eigum að geta
séð möguleikana sem eru hér fyrir
hendi.“
Þrátt fyrir þungt hljóð í íbúum Suð-
urnesja vegna atvinnuástandsins
horfa margir bjartsýnum augum til
þeirra möguleika sem til staðar eru
og öðrum sem unnið er að. Talað er
um Helguvík sem eitt helsta fram-
tíðarsvæði iðnaðar á landinu og eru
nokkur stór erlend fyrirtæki að
skoða möguleika á uppbyggingu
þar. Lega landsins hentar alþjóðleg-
um framleiðslufyrirtækjum vel þar
sem stutt er til Evrópu og Ameríku.
Flugvöllurinn mun áfram verða ein
helsta stoð atvinnulífsins á svæðinu
og á næstu árum mun störfum þar
fjölga í takti við aukinn ferða-
mannastraum til landsins. Rætt hef-
ur verið um mikla möguleika
svæðisins hvað varðar ferðaþjón-
ustu og eru nú þegar uppi ýmsar
hugmyndir sem miða að því að
draga erlenda ferðamenn á svæðið
þegar þeir eru á leið til eða frá
Keflavíkurflugvelli. Uppbygging
íþróttaakademíu í Reykjanesbæ er
á teikniborðinu þar sem gert er ráð
fyrir íþróttaháskóla. Ef þær hug-
myndir ná fram að ganga er ljóst að
tækifærin liggja víða á þeim vett-
vangi. Með þeim stórframkvæmd-
um sem Hitaveita Suðurnesja er nú
að hefja með byggingu Reykjanes-
virkjunar styrkir fyrirtækið sig enn
frekar í sessi. Miklar væntingar eru
gerðar til fyrirtækisins um að það
stuðli að enn frekari atvinnuupp-
byggingu í samstarfi við önnur fyr-
irtæki á svæðinu.
Í haust mun án efa fjölga á atvinnu-
leysisskránni á Suðurnesjum því þá
dregur úr sumarvinnu fólks og sýn-
ir reynslan að þá bætist verulega
við skrána. Tíminn verður að leiða
það í ljós hvort frekari uppsagnir
verði hjá varnarliðinu á næstu mán-
uðum. Í hugum vel flestra Suður-
nesjamanna er nauðsynlegt að
bregðast við auknu atvinnuleysi á
Suðurnesjum af hörku.
Hvað þarf að gera að þínu mati?
Guðbrandur Einarsson bæjarfulltrúi Sam-
fylkingar og formaður Verslunarmanna-
félags Suðurnesja
„Er það ekki orðið augljóst að her-
inn sé að fara? Verðum við Íslend-
ingar ekki að fara að krefjast þess
að fá að koma að því máli? Ein-
faldlega til þess að koma í veg fyr-
ir þann stórkostlega skaða sem
starfsmenn verða fyrir með þeim
hætti sem allt útlit er fyrir. Það þarf
að finna ný verkefni og vekja upp
nýja hugsunarhátt. Við erum alltaf
að velta því fyrir okkur hvort her-
inn verði eða fari. Við eigum að
krefjast þess að fá skýrar línur í
þessi mál þó að það þjóni ekki
endilega stundarhagsmunum okk-
ar.“
Hjálmar Árnason alþingismaður
í Suðurkjördæmi
„Við þurfum að horfa með bjart-
sýni á þau tækifæri sem hér eru.
Hér þarf að leggja fram þolinmótt
áhættufjármagn vegna nýsköpunar
og gefa fyrirtækjum og nýsköpun-
arsprotum tækifæri til að blómstra
hér. Í fyrra kallaði ég saman fyrr-
verandi nemendur mína úr FS og
fleiri aðila þar sem við fórum af
stað með hugflæði um hvað hægt
væri að gera á svæðinu. Þær hug-
myndir sendum við Stjórn sam-
bands sveitarfélaga á Suðurnesjum
og til verkalýðsfélaga hér. Ég hef
nú ekki orðið mikið var við að eitt-
hvað hafi verið gert við þessar hug-
myndir.
Hér er margt jákvætt að gerast. Hjá
Flugstöð Leifs Eiríkssonar vinna
hátt í 900 manns. Störfum í kring-
um Flugstöðina mun enn fjölga á
næstu árum.
Það þarf að setja bandaríkjamönn-
um úrslitakosti um hvað þeir ætli
að gera þannig að Suðurnesjamenn
geti þá lagað sig að þeim aðstæð-
um, hvort sem að hér verði varnar-
stöð áfram eða ekki. Það þarf að
ákveða með hvaða hætti eigi að
nýta þá aðstöðu sem hér er. Í lokin
vil ég segja að ég vil innanlands-
flugið hingað.“
Þorsteinn Erlingsson formaður atvinnu-
og hafnarráðs Reykjanesbæjar
„Herinn er að draga saman, það sjá
nú allir, en ég tel ekki að hann sé á
förum eins og talsmaður Samfylk-
ingarinnar í bæjarstjórn Reykjanes-
bæjar vill. Ég hef áhyggjur af því
að það sé að draga saman hjá verk-
takafyrirtækjum sem þjóna hernum
og þjónustufyrirtækjum. Við þurf-
um að fá stóra vinnustaði á svæðið
sem yrðu til staðar vonandi til
frambúðar og þar nefni ég t.d. ál-
ver. Það er alveg ljóst að ríkið þarf
að koma að málum hér á svæðinu
með margvíslegum hætti. Til dæm-
is gætu þeir selt okkur hlut sinn í
Hitaveitu Suðurnesja á viðráðan-
legu verði og að fjármagnið færi í
verkefni hér á svæðinu. Um leið
myndi félagsmálaráðherra láta
reyna á sameiningu sveitarfélaga á
Suðurnesjum, eins og hann hefur á
stefnuskrá sinni. Það myndi styrkja
svæðið mikið.“
12 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
➤ Atvinnuástandið á Suðurnesjum:
F R É T T A S K Ý R I N G
Um næstu helgi, laugar-daginn 26.júni nk. kl14:00 verður opnuð
myndasýning í Vitavarðahús-
inu á Garðskaga, til sýnis
verða myndir úr fimmtíu ára
atvinnusögu Guðna Ingi-
mundarsonar á ,,Trukkn-
um“. Einnig verður opnuð
sama dag vitaminjasýning í
stóra Garðskagavitanum,
sem er á vegum Íslenska Vita-
félagsins.
Sýningarnar verða opnar í sum-
ar á sama tíma og byggðasafn-
ið. Gestum verður boðið upp á
grillaðar pylsur á milli kl 14:00
og 16:00.
Guðni á Trukknum
settur á sýningu
Texti: Jóhannes Kr. Kristjánsson • johannes@vf.is
Mýmörg tækifæri þrátt fyrir bágt atvinnuástand
Frá borun fyrir Reykjanesvirkjun á Reykjanestá.
Lóð stálpípuverksmiðjunnar í Helguvík er tilbúin.
26. tbl. 2004 32 sidur umbrot 2 23.6.2004 14:18 Page 12