Víkurfréttir - 17.11.2005, Blaðsíða 4

4 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Svæðisvinnumiðlun:
Alls skráðu 167 einstaklingar sig á atvinnu-leysisskrá á Suðurnesjum í októbermán-uði, eða 1,7% af mannafla. Um er að ræða
smávægilega fjölgun frá síðasta mánuði, en alls
skráðu 153 sig þá á atvinnuleysisskrá.
Atvinnuleysi á landsvísu mældist 1,4%.
Ketill Jósefsson, forstöðumaður Svæðisvinnumiðl-
unar Suðurnesja, sagði í samtali við Víkurfréttir
að um væri að ræða eðlilega árstíðarbundna aukn-
ingu á atvinnuleysi sem orsakaðist helst af upp-
sögnum sumarstarfsfólks.
Hann bætti því við að ástandið á vinnumarkaði
væri mun skárra en síðustu ár og eina samdrátt-
inn á svæðinu mætti rekja til minnkandi umsvifa
hjá Varnarliðinu.
Þrátt fyrir það hefur atvinnuástand batnað til
muna ef litið er til síðustu ára, en í október í fyrra
voru 261 á atvinnuleysisskrá, eða 2,6% mannafla.
Atvinnuleysi meðal kvenna er 2,5% en hjá körlum
er hlutfallið 1,1%. Algengast er að fólk hafi verið
atvinnulaust í 2-19 mánuði, en alls eru fimm ein-
staklingar á Suðurnesjum sem hafa verið atvinnu-
lausir í tvö ár eða meira.
1,7% atvinnuleysi á Suðurnesjum
Framsóknarflokkurinn og Samfylkingin í Reykjanesbæ hafa ákveðið að bjóða fram sameiginlegan lista í sveitarstjórnarkosn-
ingum í Reykjanesbæ í maí 2006, með þátttöku
og aðkomu óflokksbundinna. Þetta var tilkynnt
á blaðamannafundi í Kaffitári í gær.
Í máli formanna félaganna, frændanna Eysteins
Jónssonar og Eyjólfssonar kom fram að þessi
hugmynd kom fyrst til umræðu hjá þeim haustið
2004. Kjartan Már Kjartansson, bæjarfulltrúi
Framsóknar sagði að menn væru bjartsýnir eftir
þennan samruna, leiðir flokkanna lægju vel saman
og ljóst væri að stefnan væri sú að koma núver-
andi meirihluta frá völdum í Reykjanesbæ. Guð-
brandur Einarsson, bæjarfulltrúi Samfylkingar
sagði að meðal helstu stefnumála væri mannauð-
urinn. Nú yrði stefnan að huga að innviðunum
eftir góða tiltekt utanhúss undanfarin ár í bæjar-
félaginu.
Þar nefndi hann m.a. málefni aldraðra sem Guð-
brandur sagði að taka þyrfti á. Aðspurðir um
bæjarstjóraefni sagði Kjartan að það yrði greint
frá því á sama tíma og listinn yrði opninberaður í
lok janúar eða byrjun febrúar.
Á fundinum var lögð fram framtíðarsýn fram-
boðsins:
,,Reykjanesbær verði eftirsóknarverður valkostur
fyrir fjölskyldur, einstaklinga, fyrirtæki og stofn-
anir. Hann verði fjölskylduvænt, framsækið, nú-
tímalegt og vel rekið sveitarfélag. Áhersla verði
lögð á lýðræðisleg vinnubrögð þar sem íbúar og at-
vinnulíf hafi tækifæri til þess að koma skoðunum
sínum á framfæri og lifi í sátt við sjálfa sig og
umhverfi sitt. Í sveitarfélaginu verði öll þjónusta
á meðal þess sem best gerist á Íslandi. Þar verði
m.a. öflugt atvinnulíf, frábærir grunn- og leik-
skólar og fyrsta flokks heilbrigðisþjónusta og um-
önnun, fyrir unga sem aldna. Bæjarbúum gefist
kostur á heilbrigðu vinnuumhverfi, vel launuðum
störfum, sveigjanlegum vinnutíma og tækifærum
til símenntunar og þroska. Skipulag og umhverfi
sveitarfélagsins, gatnakerfi og opin svæði taki mið
af þörfum íbúa, fyrirtækja og umhverfisins í heild.
Mannlíf í Reykjanesbæ verði með því besta sem
þekkist, þar sem blómlegt íþrótta- og menning-
arstarf setji mark sitt á bæjarbraginn og aðstaða
fyrir íþrótta-, tómstunda- og menningarstarfsemi
verði eins og best verður á kosið”.
Helstu stefnumál
Flokkarnir eru sammála um að leggja áherslu á
að byggja upp innviði og mannauð sveitarfélags-
ins. Sérstök áhersla verður lögð á uppbyggingu
atvinnulífs, bætt kjör barnafjölskyldna, lýðræðis-
leg vinnubrögð, að tekinn verði upp gjaldfrjáls
leikskóli í áföngum og unnið að bættum hag eldri
borgara. Flokkarnir eru sammála um að tryggja
þurfi ábyrga og vandaða fjármálastjórn sveitar-
félagsins og að leita þurfi leiða til þess að lækka
skuldir. Flokkarnir eru þó sammála um að ekki
komi til greina að selja hlut Reykjanesbæjar í Hita-
veitu Suðurnesja. Unnið verði áfram að uppbygg-
ingu grunn-, leik- og tónlistarskóla sveitarfélags-
ins og aðstaða til íþrótta- og menningarstarfsemi
bætt enn frekar.
Vinna við gerð stefnuskrár hefst á næstu dögum
og verður áhersla lögð á lýðræðislega þátttöku bæj-
arbúa í þeirri vinnu. Unnið verður fyrir opnum
tjöldum og íbúum gefinn kostur á að koma sínum
sjónarmiðum á framfæri á sérstökum fundum
sem auglýstir verða nánar. Auk þess er ætlunin að
leita eftir samráði við fjölmörg félagasamtök og
hagsmunahópa.
Samfylking og Framsókn
í eina sæng í Reykjanesbæ
Sigurður Eggerz Þorkels-son, fyrrverandi skóla-stjóri Gagnfræðaskólans
í Keflavík, lést í Keflavík 11.
nóvember síðastliðinn.
Sigurður fæddist 20. nóvem-
ber árið 1940. Hann lauk stúd-
entsprófi frá stærðfræðideild
Menntaskólans í Reykjavík árið
1960, hóf þá nám í verkfræði en
tók síðar kennarapróf, fluttist til
Keflavíkur og hóf kennslu við
Gagnfræðaskólann þar. Kennsla
og skólastjórn varð því lífsstarf
hans. Sigurður varð skólastjóri
Gagnfræðaskólans í Keflavík
(síðar Holtaskóla) árið 1976 og
gegndi hann því starfi fram til
ársins 2003. Hann sat um tíma
í bæjarstjórn fyrir Framsóknar-
flokkinn í Keflavík og gegndi
mörgum trúnaðarstörfum fyrir
flokkinn.
Eftirlifandi eiginkona Sigurðar
er Hildur Harðardóttir, kenn-
ari, og hann lætur eftir sig þrjú
börn, þau Melkorku, Þorkötlu
og Þorkel Snorra.
Sigurður E. Þorkelsson
skólastjóri látinn