Víkurfréttir - 13.05.2004, Side 4

4 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
MUNDI
Dátarnir í kirkjugarðinum
grófu sem betur fer ekki
skotgrafir...
Útgefandi:
Víkurfréttir ehf., kt. 710183-0319
Afgreiðsla, ritstjórn og auglýsingar:
Grundarvegi 23,
260 Njarðvík,
Sími 421 0000 Fax 421 0020
Ritstjóri og ábm.:
Páll Ketilsson,
sími 421 0007, pket@vf.is
Fréttastjóri:
Hilmar Bragi Bárðarson,
sími 421 0002, hilmar@vf.is
Blaðamenn:
Jóhannes Kr. Kristjánsson,
sími 421 0004, johannes@vf.is
Þorgils Jónsson (íþróttafréttir),
sími 868 7712, sport@vf.is
Sölu- og markaðsstjóri:
Jónas Franz Sigurjónsson,
sími 421 0001, jonas@vf.is
Auglýsingadeild:
Jófríður Leifsdóttir,
sími 421 0008, jofridur@vf.is
Útlit, umbrot og
prentvistun:
Víkurfréttir ehf.
Prentvinnsla:
Prentsmiðjan Oddi hf.
Dagleg stafræn útgáfa:
www.vf.is og vikurfrettir.is
➤ Árni Sigfússon, bæjarstjóri í Reykjanesbæ skrifar:
Þegar hriktir í tveimur grunnstoðumatvinnulífsins á svæðinu eins og hérhefur gerst á síðustu árum, þ.e. í
þjónustu við varnir lands-
ins og sjávarútveg, er
mikilvægt að byggja aðr-
ar stoðir upp.
Þetta hef ég gert að megin
verkefni síðan ég tók við
starfi bæjarstjóra og fagna
því að hafa öflugan hóp
með mér í bæjarstjórn og
tengdum stofnunum og fyrirtækjum sem
vinnur samhentur að þessu verkefni.
Byggjum „segul“ í ferðaþjónustu
Áframhaldandi uppbygging Keflavíkurflug-
vallar sem alþjóðaflugvallar, eins og nú á sér
stað, skapar ekki aðeins mörg störf við upp-
bygginguna sjálfa, heldur gríðarmörg at-
vinnutækifæri til framtíðar. Bein þjónusta
innan flugvallarsvæðisins er að aukast gífur-
lega í takt við aukið fraktflug og aukinn far-
þegafjölda. Nú fara um 350 þúsund erlendir
ferðamenn til og frá flugvellinum á þessu ári.
Spáð er að þeir verði orðnir a.m.k. 800 þús-
und eftir 15 ár. Til þess að ná til þessa hóps
sem viðskiptavina í Reykjanesbæ þarf mjög
sterkan „segul“ sem þarf að vera staðsettur í
bænum okkar. Flestir sérfræðingar eru sam-
mála um að saga víkinganna, með víkinga-
skipið Íslending og Smithsonian sýninguna í
fararbroddi geti verið slíkur segull. Við erum
bæði komin með skipið og Smithsonian sýn-
inguna til okkar. Umhverfið er að verða til-
búið til byggingar sýningarhússins. Þegar
okkur hefur tekist að fá ferðafólk til að stoppa
í Reykjanesbæ kvíði ég ekki hugviti okkar
fólks til að nýta þau nýju þjónustutækifæri
sem hundruð þúsunda ferðamanna geta gefið.
Iðngarðarnir í Helguvík
Nú er verið að undirbúa nær 200 hektara af
verðmætum iðnaðar- og þjónustulóðum á efra
og neðra svæði við Helguvíkurhöfn. Með því
að ná samningum við ríkið um að það greiddi
75% í hafnargerðinni og 87% í sjóvörnum
við Reykjanesbæ, var hægt að nýta jarðefnin
úr neðra svæðinu í það verkefni og einnig í að
byggja upp lóðir á efra svæðinu. Þannig skap-
ast verðmæti í lóðum fyrir hundruð milljóna á
efra svæðinu, bærinn er varinn fyrir öllum
veðrum og neðra hafnarsvæðið í Helguvík er
stækkað og gert tilbúið. Við vonumst til að
fyrsta stórverkefnið á neðra svæðinu í Helgu-
vík verði Pípugerð IPT fyrirtækisins. Við
höfum gert allt sem að okkur snýr til að
greiða fyrir IPT en fjármögnun eigendanna
hefur dregist. Mikilvægt er að hafa í huga að
eiginfé þessa fyrirtækis kemur allt erlendis frá
en líklegt er að hluti lánsfjármögnunar komi
frá íslenskum bönkum.
Reykjanesvirkjun
Með 100 MW orkuveri á Reykjanesi, í landi
Reykjanesbæjar, er hafið eitt stærsta verkefni
sem unnið hefur verið á svæðinu. Stór hluti
þeirrar orku sem frá Reykjanesvirkjun kemur
fer til Norðuráls en hluti hennar mun einnig
nýtast okkur í framtíðaruppbyggingu á svæð-
inu. Með fjölgun eigenda í Hitaveitunni og
stærra athafnasvæði hennar hefur fyrirtækið
styrkt verulega stöðu sína og nú með þessari
virkjun sem gefur henni m.a. tækifæri til að
auka rannsóknarvinnu og þróunarstarf hér á
svæðinu.
Fleiri íbúar
Með auknu framboði lóða undir íbúabyggð
viljum við efla bæinn og þjónustuna hér. Við
finnum fyrir auknum áhuga landsmanna á
bænum og tækifærum hans. Með fjölgun íbúa
skapast tækifæri til styrkingar þjónustustarfa
af öllum gerðum. Bættar samgöngur við höf-
uðborgarsvæðið gera mönnum kleift að starfa
þar en búa hagstætt í bænum okkar, þar sem
ekki er skortur á leikskólaplássum, ókeypis í
strætó, heitur matur í hádegi fyrir öll grunn-
skólabörn, frístundaskóli fyrir yngri skóla-
börnin og öflug íþrótta-, tónlistar- og tóm-
stundaaðstaða.
Falleg þjónustuæð styrkir verslun og þjónustu
Hafnargatan er nú að verða tilbúin eftir al-
gjöra andlitslyftingu. Fegrun Njarðarbrautar
er hafin. Með því að skapa meira aðlaðandi
umhverfi fyrir atvinnurekstur af ýmsu tagi er
ég ekki í vafa um að hann sækir hingað og
„kaupleki“ af svæðinu inn til Stór-Reykjavík-
ur minnkar. Það eflir því fyrirtækin sem fyrir
eru og gefur nýjum fyrirtækjum tækifæri. Í
öllum atvinnurekstri verða til fyrirtæki sem
koma og fara, það er ekkert öðruvísi á höfuð-
borgarsvæðinu. Það sterkasta sem sveitarfé-
lag getur gert er að skapa aðlaðandi umgjörð.
Íþróttaakademía í undirbúningi
Öflugt íþróttastarf í bænum hefur skapað af
sér nýja hugmynd sem við vinnum nú að;
stofnun Íþróttaakademíu. Þar gefast tækifæri
til framtíðar sem verða að mínu mati með því
mikilvægasta sem við erum að vinna að í dag.
Hingað er fólki ætlað að sækja sem vill læra
meira á margvíslegu sviði íþrótta- og íþrótta-
tengds starfs. Grunnur er þá einnig lagður að
styrkingu framhalds- og háskólamenntunar á
svæðinu. Undirbúningur þessa verkefnis er á
áætlun! Það er ánægjulegt að hafa stuðning
helstu sjóða hér á svæðinu fyrir verkefninu.
Öflugt fólk við fiskvinnslu og varnir
Þótt sjávarútvegur og störf tengd Varnarliðinu
hafi dregist saman, væri fásinna að afskrifa
þessa mikilvægu þætti. Öflugt fólk er að gera
frábæra hluti í fiskvinnslu á svæðinu enda
góðar hafnir og stutt í flugfrakt. Þá hlýtur rík-
ið að vilja nýta sérþekkingu sem okkar fólk
hefur í varnastörfum til að fela okkur aukin
verkefni á því sviði. Við höfum varpað fram
ýmsum hugmyndum við ráðherra en bíðum
viðbragða.
Margar stoðirnar eru nú tilbúnar til að byggja á þeim
Af mörgu öðru er að taka, s.s. eflingu Heil-
brigðisstofnunar, en þar starfa nú yfir 260
manns. Ég tel að þessar stoðir, sem hér hafa
verið nefndar og ötullega hefur verið unnið að
s.l. tvö ár, séu að verða nógu sterkar til að
hægt sé að byggja á þeim.
Þannig munum við sjá fjölgun ferðamanna
inn í bæinn okkar og þjónustutækifærin skap-
ast af því. Íþróttatengd störf eflast, sterkara
orkufyrirtæki verður til sem getur tekið þátt í
ýmsum þróunarverkefnum með okkur, aukin
iðnaðarstörf í Helguvík, aukin störf okkar
fólks við flugþjónustu á Keflavíkurflugvelli
og sterkari rekstur margvíslegra þjónustufyr-
irtækja á lífæðinni.
Ekkert kemur af sjálfu sér!
Þessi verkefni hafa ekki komið af sjálfu sér -
við erum skipulega að vinna úr þeim tækifær-
um sem við sjáum, greinum styrk svæðisins
og byggjum á honum. Ég finn baráttuandann
í flestum bæjarbúum og bjartsýni þeirra er
byggð á rökum. Ég bið bæjarbúa að styðja þá
sem eiga við erfiðleika að etja á þessu um-
breytingaskeiði í bæjarfélaginu. Það er sárt
að missa vinnuna og það tekur tíma að sjá
aðrar atvinnuleiðir. Í stað þess að saka hvert
annað um andvaraleysi skulum við hjálpast
að. Við höfum leiðir til að draga úr alvarleg-
um afleiðingum langtímaatvinnuleysis með
átaksverkefnum og námsmöguleikum en að-
alatriðið er að leggja grunn að nýjum fjöl-
breyttum störfum eins og hér er gert.
Árni Sigfússon
Aðgerðir í atvinnumálum
Auglýsingasími
Víkurfrétta er
421 0000
20. tbl. 2004 umbrot 12.5.2004 14:28 Page 4