Víkurfréttir - 21.12.2017, Side 43

43MANNLÍF Á SUÐURNESJUM f immtudagur 21. desember 2017 // 50. tbl. // 38. árg.
„Ég er aðeins byrjuð að kynna þau
fyrir sögunni,“ segir Teresa um börn
sín og Ljósahátíðina en hátíðarhöld
hjá gyðingum fjalla að verulegu leyti
um að fræða ungdóminn um söguna.
Tákn hátíðarinnar er níu arma kerta-
stjaki (menorah), sem svipar til stjaka
sem fannst í musterinu til forna, en
í hann eru sett sérstök kerti. „Við
byrjum að kveikja á miðjukertinu
og einu öðru kerti fyrsta dag í Hanuk-
kah, um kvöldið. Svo kveikjum við á
einu kerti á dag þar til átta dagar eru
liðnir,“ en miðjukertið er notað til að
tendra upp í hinum. Teresa er með
sambærilegan stjaka uppi við á heim-
ilinu en stjakinn er gjarnan geymdur
úti í glugga. Þetta árið hefst Ljósa-
hátíðin 12. desember og stendur yfir
til 20. en dagsetningarnar færast til á
milli ára þar sem tímatal gyðinga er
reiknað út frá tunglinu, ekki sólinni.
„Ég vil að krakkarnir mínir upplifi
þetta og kynnist hefðinni. Þau geta
þá bara valið sjálf í framtíðinni hvað
þau vilja gera, eða kynnt sér það.“
Um Ljósahátíðina segir Teresa
jafnframt: „Þetta er voðalega ein-
falt! Fjölskyldan kemur saman og
borðar góðan mat en það er bara
venjulegur matur eða eitthvað gott
eins og kjúklingur eða nautakjöt.
Það eina sem er sérstakt við matinn
er „subganiot“ og „latkes“ sem að
hennar sögn líkist Berlínarbollum
og pönnukökum. „Þessir réttir eru
steiktir upp úr olíu til þess að minnast
olíunnar sem dugði í átta daga en það
eru aðrar hátíðir sem eru stærri eins
og páskar (pesach) og nýárshátíðin
(rosh hashana). Hanukkah er meira
fyrir börnin því þau fá líka eina gjöf á
hverjum degi, þegar kveikt er á kert-
unum. „Þau fá bara litlar gjafir svona
eins og fer í skóinn en það er til dæmis
„dreidel,““ segir Teresa en „dreidel“ er
þekkt leikfang úr menningu gyðinga
og er nokkurs konar þyrilsnælda.
Snældan er gerð úr ýmsu efni, sbr.
leir, pappa eða tré, hún hefur fjórar
hliðar og hver þeirra geymir stafi úr
hebreska stafrófinu.
Snældunni er snúið á gólfi og leikur-
inn líkist póker en í pottinum eru
gjarnan súkkulaðipeningar í gull eða
silfurumbúðum, hnetur og ýmislegt
góðgæti. Stafirnir á hliðunum segja til
um gengi hvers og eins í leiknum og
ýmist fær viðkomandi ekkert, heilan
eða hálfan pott eða þarf jafnvel að
bæta í hann. „En við höldum líka jólin
hér,“ bætir Teresa því næst við „en
það eru íslensku jólin.“ Hún segir að
yfirleitt skreyti eiginmaður hennar
og börnin töluvert, inni og úti, og
að hún hjálpi til við að pakka inn og
svoleiðis. „Hann Aron skreytti þetta
allt saman,“ segir hún og bendir á
jólaljósin og jólaskrautið á heimilinu.
„Honum finnst þetta gaman og ég leyfi
þeim að gera það.“ Þegar Teresa er
spurð að því hvort fjölskyldan sé með
einhverja sérstaka hefð segir hún „Já,
reyndar. 6. janúar fá krakkarnir líka
gjafir,“ en í Úrúgvæ kallast 6. janúar
Dagur barnanna.
Mikið er af kaþólsku og kristnu fólki
í Úrúgvæ og því eru margir þar sem
halda jólin hátíðleg á hefðbundinn
hátt en gyðingar hafa sína eigin
hátíðisdaga. „Á Degi barnanna fá
börnin í Úrúgvæ gjafir frá þremur
konungum og pabbi minn vildi að
við systkinin fengjum líka gjafir þá
þar sem sá dagur er ekki jafn tengdur
trúnni og 25. desember. Við Viktor
höldum þessu með krakkana okkar
og þau fá alltaf eitthvað 6. janúar.“ Að
lokum ber að nefna að á hebresku eru
þrjár aðferðir til þess að óska fólki
gleðilegrar ljósahátíðar en þær eru
eftirfarandi: „Hanukkah Sameach“
(Gleðilega Ljósahátíð), „Chag Sam-
each“ (Gleðilega hátíð) og „Chag Urim
Sameach“ (en urim merkir ljós).
Ljósið
logaði í
átta daga
Teresa Stein er frá Úrúgvæ
í Suður-Ameríku en flutti til
Íslands fyrir átján árum.
Hún býr í Keflavík ásamt
eiginmanni sínum Vikt-
ori Björnssyni og þremur
börnum þeirra: Aroni Birni,
Ívari og Ísabellu Stein. Ter-
esa og Viktor halda jólin há-
tíðleg að íslenskum sið enda
hefur Teresa búið lengi á
Íslandi og á börn sem tækju
ekki annað í mál. Í Úrúgvæ
tíðkast mismunandi trúar-
brögð en sjálf er Teresa af
gyðingaætt og því eingyðis-
trúar. Gyðingar trúa ekki
á Jesú Krist og fagna þar
af leiðandi ekki fæðingu
hans en sú hátíð sem svipar
hvað mest til jólanna hjá
gyðingum er Ljósahátíðin
eða Hannukah. Ljósahátíðin
er haldin til að minnast
kraftaverks sem varð eftir
að gyðingar hröktu Sýr-
lendinga frá Jerúsalem
fyrir langa löngu. Þeir fóru
þá strax í musterið til að
fagna sigrinum en fundu
ekki nema örlítið af olíunni
sem notuð var til að kveikja
ljós við helgiathafnir. Olían
átti að duga í einn dag en
dugði sjö dögum betur, í
átta daga, eða þar til tókst
að útvega meiri olíu.
OPNAÐ KL. 8:00OPIÐ TIL 16:00 LOKAÐ
OPIÐ ALLAN
SÓLARHRINGINN
OPIÐ ALLAN
SÓLARHRINGINN
OPIÐ ALLAN
SÓLARHRINGINN
Krambúð
Hringbraut
23. desember
Þorláksmessa
Laugardagur
26. desember
Annar í jólum
Þriðjudagur
24. desember
Aðfangadagur
Sunnudagur
31. desember
Gamlársdagur
Sunnudagur
25. desember
Jóladagur
Mánudagur
1. janúar
Nýársdagur
Mánudagur
Reykjanesbæ
OPNUNARTÍMAR YFIR HÁTÍÐARNAR
Krambúðin óskar ykkur gleðilegra jóla
og farsældar á komandi ári
HAGSTÆ
TT VERÐ

FYRIR H
EIMILIÐ
m
ar
kh
ön
nu
n
eh
f
Þetta er voðalega
einfalt! Fjölskyldan
kemur saman og borðar
góðan mat en það er
bara venjulegur matur
eða eitthvað gott eins
og kjúklingur eða
nautakjöt.