Víkurfréttir - 24.05.2018, Side 30
30 UMRÆÐAN Á SUÐURNESJUM f immtudagur 24. maí 2018 // 21. tbl. // 39. árg.
Rekstrarstaða nýs sameiginlegs sveitarfélags er sterk. Til að nýtt samfélag nái
að blómstra er mikilvægt að huga fyrst og fremst að því að grunnþjónustan
sé traust. Sem rúmlega 3500 manna sveitarfélag eigum við rétt á því að í
okkar byggðarkjarna sé hvíldarinnlögn fyrir aldraða og heilsugæsla fyrir
alla íbúa. Við í J-listanum ætlum að þrýsta á ríkið að komið verði til móts
við okkar sjálfsögðu kröfur.
Við í J-listanum viljum
að biðlistar á leik-
skólana heyri sögunni
til og að hægt verði
að taka á móti yngstu
börnunum eftir að
fæðingarorlofi for-
eldra lýkur. Því fylgir
hagsæld fyrir alla. Til
að vinna það verk þarf
að fjölga starfsfólki og
stækka leikskólana
til að geta tekið við
öllum. Leikskólann
Sólborg í Sandgerði
er erfitt að stækka meira en orðið
er og því sjáum við fyrir okkur að
selja fasteignina Sólheima 1-3 sem
var keypt til bráðabirgðanotkunar og
byggja stærri leikskóla á nýjum stað
sem er þá bæði ungbarnaleikskóli
og almennur leikskóli. Þá er hægt að
breyta núverandi leikskóla í félags-
heimili fyrir unga sem aldna. Þar sem
húsið er á milli Miðhúsa og grunn-
skólans er staðsetningin ákjósanleg.
Í Garðinum er mikilvægt að stækka
þann leikskóla sem þegar er til og
fjölga starfsfólki til að hafa burði til
að taka fleiri börn inn. Með því að
vera með tvo öfluga stóra leikskóla
í sitthvorum þéttbýliskjarnanum
minnkum við skutl foreldra á milli,
sem væri meira af, ef ungbarna-
leikskóli myndi rísa í fjarlægð frá
almennum leikskólum.
Kennsla verk- og listgreina í
grunnskólum
Lengi hefur verið talað um að auka
þurfi vægi verk- og listgreina í grunn-
skólum. Er það frekar í orði en á
borði og hvað er almennt gert í því?
Í grunnskólalögum kemur fram að:
„Nemendum skal veitt tækifæri til að
nýta sköpunarkraft sinn og að afla sér
þekkingar og leikni í stöðugri viðleitni
til menntunar og þroska. Skólastarfið
skal leggja grundvöll að frumkvæði
og sjálfstæðri hugsun nemenda og
þjálfa hæfni þeirra til samstarfs við
aðra.“ Í okkar flókna samfélagi nú-
tímans hafa ungmenni mikla þörf
fyrir að spreyta sig á verkefnum í
fjölbreyttu samhengi. Skólinn þarf
að skipuleggja námsumhverfi sem
hæfir þessum verkefnum. List- og
verkgreinar eru jafnan ekki í boði
nema sem valgreinar á unglingastigi
eða kannski sem uppfylling. Það er
staðreynd að þessar greinar bjóða
upp á margháttaða reynslu og hafa
margt fram að færa sem aðrar greinar
hafa ekki.
Skapandi listræn ferli geta haft áhrif
á allt skólastarf. Bóknámsgreinar eru
nauðsynlegar og gefa mikilvægan
grunn á svo mörgum sviðum. En það
gera list- og verkgreinar líka. Þær gefa
nemendum möguleika á að nálgast
verkefnin á annan hátt. Vægi þessara
greina þarf að aukast í skólastarfinu,
það hefur hallað á þau of lengi. Hvern-
ig væri að færa brautakerfið sem er í
framhaldsskólum niður á unglinga-
stig grunnskólans. Nemendur gætu
kannski valið hönnunar-, myndlistar-,
málm- eða trésmíðabraut svo dæmi
séu tekin. Þau gætu síðan haldið sínu
striki, vel undirbúin í framhaldsskóla.
Þessu er varpað fram til umhugsunar.
Vægi verk- og listgreina er of lítið í
grunnskólum, það er staðreynd. Allir
nemendur þurfa að finna nám við sitt
hæfi í skólanum sínum svo að þeim
líði vel og geti þroskast á jákvæðan
hátt á þessum tíu mikilvægu árum.
Við í J-listanum hlökkum til að takast
á við þessi verkefni og framkvæma
þau.
Fríða Stefánsdóttir og Vitor Hugo
Rodrigues Eugenio, 3. og 4. sæti
J-listans í nýju sameiginlegu
sveitarfélagi Sandgerðis og Garðs.
Á síðustu árum má sannarlega segja að aðstæður hafi breyst á Íslandi.
Efnahagsaðstæður hafa batnað mikið og smjörið drýpur nánast af hverju
strái, og það er jafnvel betra ástand en 2007.
Eftir efnahagshrun
þurftu flest sveitar-
félög að setja álögur
sínar í topp til þess
að ná endum saman,
og laga reksturinn. Í
Sveitarfélaginu Vogum
var það sama uppi á teningnum.
Síðan 2013 hafa tekjur sveitarfélags-
ins af fasteignagjöldum hækkað sem
nemur rúmum 80% og útsvarstekjur
hækkað um 63,4%. Þetta eru hreint
út sagt rosalegar tölur.
Þetta þýðir jú að fasteignaverð hefur
farið mikið hækkandi enda enda lítið
sem ekkert um nýbyggingar. Þetta
þýðir einnig að atvinnuleysi hefur
minnkað og tekjur hækkað hjá íbúum.
Þessir tveir tekjustofnar eru mjög
mikilvægir fyrir sveitarfélagið og
samanlagt gefa þeir 262,6 milljónum
meira 2017 en þeir gerðu 2013.
Aðrir tekjustofnar eins og framlög
úr jöfnunarsjóði og fleira hafa aukist
minna en vega samt þungt þegar á
heildina er litið.
Að reka sveitarfélag í svona árferði er
eins og að sigla á lygnum sjó, allt er
auðveldara og tekjuöflun gengur vel.
Til þess að fá fullan styrk úr jöfnunar-
sjóði þurfa sveitarfélög að fullnýta
alla sína tekjustofna. Sé til dæmis
fasteignaskattur lækkaður, lækkar
einnig framlag jöfnunarsjóðs.
Við hjá D-lista Sjálfstæðismanna og
óháðra lögðum til á yfirstandandi
kjörtímabili að það yrði skoðað hversu
mikið framlag jöfnunarsjóðs mundu
lækka fyrir hverja prósentu af lækk-
uðum fasteignaskatti. Þetta var gert
og varð úr að fasteignagjöld lækkuðu
lítillega. Við vildum ganga lengra og
lækka vatnsgjaldið en sú tillaga fékk
ekki fram að ganga hjá meirihluta.
Lækkunin var það lítil að hún ást
upp af hækkuðu fasteignamati og
sáu íbúar ekki mikinn mun á reikn-
ingnum milli ára.
Fasteignagjöld á íbúa Voga og Vatns-
leysu eru orðin afar íþyngjandi og
ætlum við að lækka þau enn frekar
því betur má ef duga skal. Núna árar
einstaklega vel og þá er líka vel við
hæfi að íbúar sveitarfélagsins fái að
njóta þess.
Kristinn Benediktsson
6. Sæti á D-lista Sjálfstæðismanna
og óháðra í Sveitarfélaginu Vogum
„Þú getur fengið tíma eftir
mánuð eða farið á vaktina”
Á undanförnum vikum höfum við fengið
til okkar á kosningaskrifstofuna mikið af
fólki sem segir okkur sögur af því hvernig
heilbrigðiskerfið brást þeim. Sögurnar
eiga það sammerkt að við frambjóðendur
sitjum eftir reið, svekkt og sár. Það er ótrúlegt að hér
í bæ hafi alist upp heilu kynslóðirnar sem þekkja það
ekki hafa sinn eigin heimilislækni. Við sem samfélag
verðum að leita allra mögulegra leiða til þess að tryggja
hér eðlilega heilsugæsluþjónustu og þar verða bæjar-
fulltrúar að taka af skarið.
Farið hefur verið með rangt mál
Guðný Birna Guðmundsdóttir skrifaði grein í Víkur-
fréttir í síðustu viku þar sem hún nefnir fjárskort, hús-
næðisvanda og fjölgun íbúa sem helstu ástæður þess
að þjónusta HSS sé ekki sem skyldi. Guðný er yfirleitt
bæði fagleg og málefnaleg en gerir í greininni þó engan
greinarmun á sjúkrahúsþjónustu og heilsugæslunni né
nefnir þær brotalamir sem koma fram í skýrslu Land-
læknis um rekstur og stjórnun stofnunarinnar. Guðný
fer einnig með fleiri rangfærslur í greininni sem ég tel
mig knúinn til þess að leiðrétta hér.
Rekstur heilsugæslunnar
og skuldahlutfall bæjarins
Reykjanesbær mun ekki og á ekki að borga með heilsu-
gæslunni. Ríkið greiðir fyrir heilbrigðisþjónustu lögum
samkvæmt. Möguleg aðkoma bæjarins að rekstri heilsu-
gæslu hefur því alls ekkert með skuldahlutfall bæjarins
að gera heldur eingöngu stjórnunarfyrirkomulag.
B-listinn leggur til hugmynd að lausn sem á sér for-
dæmi og því óþarfi að slá slíka hugmynd út af borðinu
án þess að kanna hana til hlítar.
Alþekkt að bæjarfélög reki
heilbrigðisþjónustu
Akureyrarbær rak heilsugæsluna á Akureyri frá 1997 til
2014, þegar hún var sameinuð undir Heilbrigðisstofnun
Norðurlands í kjölfar hagræðingar af hálfu ríksins.
Áður höfðu samlegðaráhrif af heimaþjónustu og heima-
hjúkrun verið mikil. Nú er ákall um að Akureyrarbær
taki aftur yfir heimahjúkrun en það fyrirkomulag er
einnig að finna í stórum bæjarfélögum og nægir að nefna
Reykjavík í því sambandi. Höfn í Hornafirði er annað
dæmi um sveitarfélag sem rekur sína heilsugæslu með
samningi við sjúkratryggingar Íslands.
Hættum að berja hausnum við steininn
Ætlum við íbúarnir að leita leiða til þess að tryggja hér
eðlilega heilsugæsluþjónustu eða einfaldlega að gefast
upp og sækja þjónustu í Kópavog? Þar er einkarekin
heilsugæsla sem skilað hefur yfir 250 milljónum í arð
til eigenda sinna og því ljóst að hægt er að reka heilsu-
gæslu réttu megin við núllið án þess að gefa afslátt af
þjónustugæðum. Ef ríkið getur fjármagnað einkarekstur
þá getur ríkið svo sannarlega fjármagnað heilsugæslu
þar sem samlegðaráhrif skila íbúum betri þjónustu.
Hættum að berja hausnum við steininn og förum aðrar
leiðir, annað er fullreynt.
Frábært starfsfólk vinnur þrekvirki
Á HSS vinnur frábært starfsfólk þrekvirki á hverjum
degi við erfiðar aðstæður. Hugmyndir okkar um aðkomu
bæjarins að rekstrinum snúa ekki síður að starfsum-
hverfi þess og hvernig best megi bæta þjónustuna.
B-listinn er lausnamiðað framboð. Við stöndum ekki
fyrir stöðnun og úrræðaleysi.
Við viljum að bæjarfélagið komi að rekstri heilsu-
gæslunnar og munum fara þess á leit við heilbrigðis-
ráðherra strax eftir kosningar.
Við getum gert það.
Jóhann Friðrik Friðriksson,
oddviti B-listans í Reykjanesbæ
og lýðheilsufræðingur
Kæru íbúar Reykjanesbæjar, dagurinn í dag markar endalok
kísiliðnaðar í okkar bæjarfélagi. Í nýútkominni skýrslu Ríkis-
endurskoðunar er staðfestur sá grunur að kísilverið sem nú
stendur í Helguvík sé ekki í neinu samræmi við upprunalega
kynningu á verkefninu. Sá tími er kominn að við krefjumst
þess að þessi verksmiðja verði fjarlægð fyrir fullt og allt.
Fullnaðarsigur er í sjónamáli ef við fylgjum því fast eftir.
Það eru tveir kostir fyrir Arion banka
núna, að selja verksmiðjuna úr landi
eða standa í málaferlum þar sem
þeir þurfa að borga fyrir niðurrif
og förgun á verksmiðjunni því þessi
verksmiðja fer ekki aftur í gang á
þessum stað. Í kjölfarið þurfum við
bæjarbúar að setja strangar reglur um
alla ákvarðanatöku er varðar okkar
lýðheilsu og að bæjarbúar séu ekki
settir í þá stöðu að þurfa að standa
gegn okkar eigin bæjarfulltrúum
þegar þeir eru að vinna gegn okkar
hagsmunum.
Reykjanesbær er bærinn okkar og
við eigum að fá að ráða því hvernig
við viljum að okkar nærumhverfi sé.
Það hefur orðið vitundarvakning í
okkar samfélagi og við eigum ekki
að vera hrædd við að tjá skoðanir
okkar, taka afstöðu eða láta í okkur
heyra ef svo ber undir. Að eiga samtal
þó svo að skoðanirnar séu ekki alltaf
samhljóma. Þannig virkar lýðræðið.
Máttur okkar er mikill ef við stöndum
þétt saman og höfum þor til að setja
okkar eigin heilsu og bæjarfélag í
fyrsta sæti. Það gerði þorri bæjarbúa
þegar þeir sáu og fundu að ekki var
allt með felldu hvað varðaði kísilver
United Silicon í Helguvík.
Byggjum upp heilsusamlegt, um-
hverfisvænt samfélag því það eru
mannréttindi að fá að anda að sér
hreinu lofti. Afstaða okkar Pírata
hefur alltaf verið skýr: Aldrei aftur
mengandi stóriðju í byggð!
Helstu atriði og tengil í skýrsluna er
að finna á https://sudurnes.piratar.
is/helguvik/
Þórólfur J Dagsson
skipar 1. sæti Pírata í Reykjanesbæ
SVEITARSTJÓRNARKOSNINGAR 2018
Mælirinn er fullurTil hamingju Reykjanesbær!
Viðsnúningur í rekstri eða
viðsnúningur í árferði?
Setjum málefni þeirra
yngstu og elstu á oddinn
AUGLÝSINGASÍMINN ER
421 0001