Ægir - 01.01.2018, Blaðsíða 29

29
menn frá Fiskistofu um borð
og séu um borð tvisvar til þrisv-
ar á ári á Íslandsmiðum. „Þegar
ég fer norður til Noregs koma
norskir eftirlitsmenn um borð
reglulega og þegar við förum til
Rússlands, er eftirlitsmaður um
borð allan tímann. Svo halda
menn því fram að við hirðum
bara stóra fiskinn og hendum
hinu. Það eru bara helber
ósannindi. Það er líka staðreynd
að það eru fá skip, sem láta reka
jafnmikið og Kleifabergið til að
vinna fisk, svo hann bíði ekki of
lengi fyrir vinnslu. Okkur finnst
vont að draga troll með fiski í
upp í sjó. Okkur finnst það fara
verr með hráefnið og fiskurinn
verður verri til vinnslu.
Þessi umræða er mikið vatn
á myllu þeirra sem eru að öf-
undast út í frystitogarana og
þeir eru margir sem vilja leggja
stein í götu þeirra. Skipa sem
sækja fisk fyrir fleiri milljarða
inn í aðrar lögsögur sem skila
miklum skatttekjum til hins op-
inbera. Það er aldrei tekið inn í
myndina,“ segir Víðir.
Þarf nýtt og öflugt skip
Víðir veltir því fyrir sér hvort
það sé góð þróun að alltaf komi
fleiri og fleiri „menntamenn“
inn í sjávarútvegsfyrirtækin.
Menn sem aldrei hafi komið til
sjós. Hann telur að menn verði
að hafa raunverulega reynslu af
sjómennsku til að skilja hvernig
best sé að haga útgerðinni. Sé
litið á þau sjávarútvegsfyrirtæki
sem standi sig best, sjáist að
þar séu strákar við stjórnvölinn,
sem hafi þessa nauðsynlegu
reynslu.
Að loknum þessum um-
ræðum tekur Víðir fram að
Kleifabergið sé orðið gamalt og
þarfnist endurnýjunar. „Þó við
höfum verið að gera vel, höfum
við ekki roð í þessi nýju og
glæsilegu skip eins og Sólberg-
ið. Aðbúnaður um borð er mun
lakari í svona gömlu skipi. Það
þarf nýtt og öflugt skip til að
halda góðum gangi í þessu.
Skip sem getur dregið tvö troll,
getur skilað meiri afköstum,
verðmeiri afurðum og fer betur
með mannskapinn,“ segir Víðir.
Glaðbeitt áhöfn Kleifabergsins eftir mettúr á miðunum árið 2015.
Karfinn hausaður í vinnslunni.