Ægir - 01.01.2018, Blaðsíða 31

31
Guðmundur Árni Hannesson
hefur verið fastráðinn á Kleifa-
berginu síðan 2006. „Ég hef ver-
ið með Víði allan tímann og ver-
ið í hans áhöfn eftir að farið var
að róa einn og einn eins og það
er kallað. Frá 2012 hef ég bara
verið í áhöfn með honum og
Skarphéðni Gíslasyni, stýri-
manni,“ segir Guðmundur.
Það hefur gengið mjög vel að
fiska þennan tíma, en af hverju
fiskið þið meira en aðrir?
„Ætli það sé ekki bara þetta
gamla góða að þarna kemur
margt saman. Öflug áhöfn og
góð stjórnun bæði í brúnni og í
landi. Þá erum við með rúmar
aflaheimildir, sem auðvitað
leiðir til meiri afla. Miklu máli
skiptir hvað við höfum sótt mik-
ið upp í Barentshafið. Það hefur
verið stílað upp á að vera þar á
hentugum tíma, bæði þegar við
eru innan lögsögu Noregs og
Rússlands. Það skiptir miklu að
fara þangað þegar mest veiði-
von er og veðrið skikkanlegt.
Þess vegna höfum við oft verið
þarna á vorin og sumrin.“
Er þetta ekki mikil vinna, þeg-
ar atið er sem mest?
„Þetta útheimtir auðvitað
mikla vinnu og ekki síður gott
skipulag. Skipuleggja þarf veið-
arnar í samræmi við vinnsluna
og síðan vinnsluna sjálfa mjög
vel. Áhöfnin er búin að vera
saman nánast óbreytt í mörg
ár. Sumir eru meira að segja
búnir að vera með kallinum frá
því skipið kom til Ólafsfjarðar
1997. Menn kunna því vel til
verka og eru mjög samhentir.
Þó mikið sé að gera höfum við
ekki staðið frívaktir á þessu
skipi í nokkur ár. Við höfum rek-
ið okkur á að það skilar ekki
auknum afköstum til langs
tíma.
Fyrst eftir að ég kom á skipið
stóðum við stundum frívaktir
en þá fólst það reyndar bara í
að tveir eða þrír hásetar fóru
fram á og slógu úr tveimur
tækjum. Það tók kannski
klukkutíma eða einn og hálfan,
en svo var það líka lagt af. Síð-
ustu árin höfum við bara staðið
sex tíma vaktirnar.
Mönnum hefur held ég alltaf
liðið vel hérna um borð og góð
stjórnun er á hlutunum. Góður
mórall hjá okkur. Skipið er
reyndar orðið gamalt. Komið á
fimmtugsaldurinn og má því
segja að það sé að koma tími á
endurnýjun, “ segir Guðmundur
Árni.
Guðmundur Árni Hannesson, háseti á Kleifabergi
Erum ánægðir hér
um borð
Guðmundur Árni við vinnu sína á dekkinu á Kleifabergi.