Morgunblaðið - 06.12.2017, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 6. DESEMBER 2017
Sindragata 12c | Ísafirði | Sími 456 1300 | smidjan@velsmidjan.is
• Verndar vopnið þitt gegn
flestum skemmdum
• Byggir upp sterka vörn
gegn tæringu
• Verst frosti niður í – 80°C
• Lengir líftíma vopnsins
• Hryndir frá sér ryki
og skotleifum
• Ver vopnið í mjög langan tíma
Smurefni fyrir skotvopn
SVIÐSLJÓS
Magnús Heimir Jónasson
mhj@mbl.is
Óvíst er hvort Jón Þór Ólafsson, þing-
maður Pírata, og stéttarfélagið VR,
hafa lögvarinna hagsmuna að gæta í
máli sínu gegn íslenska ríkinu vegna
launahækkana kjararáðs.
Jón Þór og VR krefjast þess fyrir
dómi að ákvörðun kjararáðs hinn 29.
október 2016 um hækkun á þingfar-
arkaupi alþingismanna og launakjör
ráðherra verði ógilt og til vara að við-
urkennt verði fyrir dómi að ákvörð-
unin hafi verið ólögmæt.
Að sögn lögfræðinga sem Morgun-
blaðið hafði samband við eru líkur til
þess, samkvæmt dómaframkvæmd
Hæstaréttar, að ógildingarkröfunni
og jafnvel viðurkenningarkröfunni,
verði vísað frá á grundvelli skorts á
lögvörðum hagsmunum eða málinu í
heild á grundvelli aðildarskorts.
Segir framtíð sína sem stjórn-
málamanns undir í stefnunni
Meðal lögvarinna hagsmuna sam-
kvæmt stefnunni nefnir Jón Þór að sú
staða sem kom upp vegna launa-
hækkananna sé niðurlægjandi fyrir
sig „bæði í eigin augum og í augum
kjósenda hans og alls almennings að
vera ákvörðuð meiri hækkun launa en
nokkrum öðrum á vinnumarkaði“. Í
stefnunni segir einnig að úrslit máls-
ins varði miklu um framtíð hans sem
stjórnmálamanns.
„Eins og málatilbúnaður stefnenda
er í stefnu finnst mér að verið sé að
bera upp lögspurningu fyrir dómi en
það er í andstöðu við réttarfarslög.
Það að dómstólar fari að leggja efn-
islegt mat á málsástæður eins og þeim
er teflt fram er langsótt að mínu
mati,“ segir Eiríkur Elís Þorláksson,
dósent við lagadeild Háskólans í
Reykjavík. „Alþingismaðurinn rök-
styður kröfu sína með þeim hætti að
hann sé að stuðla að almannaheill með
málshöfðun sinni, að trúverðugleiki
hans sjálfs sé í hættu ef þessi ákvörð-
un kjararáðs fær að standa og jafnvel
að úrslit málsins varði miklu um fram-
tíð hans sem stjórnmálamanns,“ segir
Eiríkur og bætir við að það kæmi hon-
um verulega á óvart ef málinu yrði
ekki vísað frá dómi í heild sinni. Í
kröfugerð VR er því haldið fram að
ákvörðun kjararáðs varði hagsmuni
félagsmanna VR og hag félagsins
sjálfs og segir Eiríkur að VR eigi
enga aðkomu að málinu. „Með rökum
VR gæti hver sem er, hvaða launþegi
eða skattgreiðandi farið fram á ógild-
ingu á ákvörðun stjórnvalda sem við-
komandi þætti óskynsamleg ráðstöf-
un á almannafé.
Það virðist verið að biðja dómstóla
um að svara lögspurningum sem að-
ilar hafa ekki lögvarða hagsmuni af
svörum við.“
Meiri líkur en minni á frávísun
 Líkur á að Jón Þór og VR hafi ekki lögvarinna hagsmuna að gæta í máli sínu gegn íslenska ríkinu
 Kæmi mér verulega á óvart ef málinu yrði ekki vísað frá dómi í heild, segir dósent við lagadeild HR
Morgunblaðið/Þorkell
Héraðsdómur Reykjavíkur Jón Þór Ólafsson, þingmaður Pírata, og stéttarfélagið VR, stefndu íslenska ríkinu fyrir
Héraðsdóm Reykjavíkur vegna ákvarðana kjararáðs um launahækkun til alþingismanna og ráðherra.
Í hæstaréttardómi 284/2015
krafðist Valbjörn Steingrímsson
þess að tilteknar ákvarðanir
kjararáðs yrðu dæmdar ógildar
þar sem á þeim hefðu verið al-
varlegir ágallar bæði að formi
og efni. Taldi hann kjararáð hafa
m.a. brotið gegn málsmeðferð-
arreglum stjórnsýsluréttar.
„Þar sem ákvarðanirnar varða
fjölda annarra manna, og sum
atriði þeirra varða ekki sókn-
araðila heldur eingöngu hópa
sem hann tilheyrir ekki, þykir
hann ekki hafa lögvarða hags-
muni af því að fá ákvarðanirnar
tvær ógiltar í heild sinni,“ segir
í dómi Hæstaréttar sem vísaði
ógildingarkröfunum frá. Að
sögn lögfræðinga sem Morgun-
blaðið setti sig í samband við
dregur dómurinn fram að þegar
farið er fram á ógildingu stjórn-
valdsákvarðana er varða hóp
manna kann að vera að ekki sé
hægt að fá hana ógilta hvað
varðar alla. Yrðu þá allir aðrir
þingmenn að vera aðilar að mál-
inu svo þeir gætu gætt hags-
muna sinna.
Sambærilegri
kröfu vísað frá
MÁL NR. 284/2015
Sveitarstjórn Reykhólahrepps hefur
auglýst uppfærða vinnslutillögu
vegna breytinga á aðalskipulagi. Þar
eru sýndir tveir möguleikar á nýjum
Vestfjarðavegi um Gufudalssveit, um
jarðgöng eða Teigsskóg, og ekki hef-
ur verið tekin afstaða til þess hvor
leiðin verður valin.
Vegagerðin telur rétt að nýr vegur
liggi meðfram Þorskafirði og þar með
eftir umdeildri veglínu um Teigsskóg.
Eftir endurskoðað umhverfismat
þarf að breyta veglínunni til að reyna
að hlífa skóginum en sú leiðrétting
kallar á breytingu á aðalskipulagi.
Í skipulagslýsingu sveitarstjórnar
er einnig sýnd jarðgangaleið sem tal-
in er hafa minni umhverfisáhrif en
Teigsskógarleiðin en er mun dýrari.
Eftir að farið hefur verið yfir athuga-
semdir við skipulagslýsinguna hefur
sveitarstjórn auglýst svokallaða
vinnslutillögu með þessum tveimur
leiðum og gefst almenningi kostur á
að skila inn ábendingum fyrir 5. jan-
úar næstkomandi. Áformað er að
halda kynningarfund um málið á
Reykhólum 18. desember.
Að því búnu er von á því að sveit-
arstjórn velji aðra hvora leiðina og
setji á aðalskipulag. helgi@mbl.is
Tvær leiðir eru
enn til skoðunar
Morgunblaðið/Helgi Bjarnason
Vegur Enn er ómalbikaður kafli á
Vestfjarðavegi í Gufudalssveit.
 Almenningur getur gert athugasemdir
„Ég sagði upp í
góðu því ég var
ósátt við skipu-
lagsbreytingarn-
ar. Ég skil við í
fullkominni sátt.
Það er mikilvægt
fyrir mig bæði
sem manneskju
og blaðamann að
hafa það með
þeim hætti,“
sagði Kolbrún Bergþórsdóttir í sam-
tali við mbl.is í gær.
Hún sagði upp störfum á DV í
fyrradag, en hún er annar tveggja
ritstjóra blaðsins ásamt Sigurvini
Ólafssyni.
Ástæðan er skipulagsbreytingar á
yfirstjórn ritstjórnar. Kristjón Kor-
mákur Guðjónsson, sem er samrit-
stjóri Kolbrúnar, var gerður að að-
alritstjóra Frjálsrar fjölmiðlunar,
bæði netmiðla og DV, og þar með
settur yfir hana.
Kolbrún mun vinna út desember.
„Ég get vonandi bara hvílt mig. Ég
hef unnið eins og skepna síðustu þrjú
ár,“ sagði Kolbrún spurð hvað tæki
við þegar hún lýkur störfum á DV.
Kolbrún
Bergþórsdóttir
Kolbrún skilur við
DV í fulkominni sátt
Embætti landlæknis barst nýverið
kvörtun varðandi krabbameinssjúkl-
ing sem orðið hefur fyrir óumbeðnum
afskiptum manns sem vill miðla vafa-
samri þjónustu. Af því tilefni varar
embættið á heimasíðu sinni við gylli-
boðum og gervilækningum.
Embættið fær reglulega ábend-
ingar frá sjúklingum um tilboð sem
þeim hafa borist um óhefðbundnar
lækningar. Sá aðili sem bent var á í
þessu tilviki hefur ekki komið við
sögu hjá embættinu áður, samkvæmt
upplýsingum frá Embætti land-
læknis. Verið er að lofa sjúklingum
bættri heilsu með allskonar mixt-
úrum og seyðum, heilun og með
töfralæknum út í heimi.
„Embætti landlæknis berast reglu-
lega ábendingar um starfsemi áhuga-
fólks sem telur sig geta boðið betur
en læknisfræðin og hjálpað fólki í
heilsutengdum vanda, ekki síst þar
sem nútíma læknisfræði ekki ennþá
dugar til. Að gefnu tilefni vill land-
læknir enn og aftur minna á að oftast
er í ótrúlegum fullyrðingum falin
fölsk von. Alvarlegast er ef slíkir til-
burðir tefja eða koma í stað nauðsyn-
legra greininga og meðferða. Fólk
með langvinna og alvarlega sjúkdóma
er sérlega útsett fyrir hvers konar
gylliboðum sem oftast fela í sér tálvon
og stundum talsverð fjárútlát," segir
á heimasíðu embættisins.
Lög heimila embættinu ekki leng-
ur bein afskipti af slíku atferli nema
um sé að ræða viðurkennda heilbrigð-
isstarfsmenn. Landlæknir bendir
sjúklingum þó á að ráðfæra sig við
sinn lækni og benda yfirvöldum á ef
þeir telja athæfið alvarlegt.
Fölsk von falin í fullyrðingum
um óhefðbundnar lækningar
 Mixtúrur, heilanir og töfralæknar  Gylliboð og tálvonir