Morgunblaðið - 06.12.2017, Blaðsíða 13

ferðaþættirnir hafi skapað gott for-
dæmi, en í báðum tilvikum fóru
barnabörn ásamt afa sínum og ömmu
til útlanda. „Eins og er tilgangur
strákanna; þeir vilja hafa áhrif á og
auka samskipti kynslóðanna. Sjálfum
finnst mér unga fólkið tala minna við
eldri kynslóðina en það gerði áður
fyrr. Lætin og stemningin í þjóð-
félaginu eru slík að það virðist oft
eins og unga fólkið hafi ekkert að
sækja til þeirra sem eldri eru – sem
er auðvitað mikill misskilningur.“
Ormarr var stærðfræðikennari í
eldri bekkjum grunnskóla í áratugi,
fyrst á Akureyri og síðan í Reykjavík.
Hann þekkir því vel inn á unglinga og
kveðst alltaf hafa haft gaman af að
umgangast þá. Auk þess eigi hann því
láni að fagna að eiga mikil og góð
samskipti við barnabörn sín. Spurður
hvort honum finnist unga fólkið hafa
breyst í áranna rás svarar hann:
„Mikið til batnaðar. Unga fólkið er
miklu frjálslegra og ófeimnara núna
og minna um erfiða unglinga en áður.
Hins vegar eru þeir sem á annað borð
eru erfiðir miklu erfiðari. Eiturlyfja-
neysla á þar sök að máli, mikil sorg-
arsaga.“
Ormarr fer ekki nánar út í þá
sálma, enda meiningin að ræða um
reisurnar, sem eru í senn skemmti-
og menningarreisur. „Strákarnir eru
miklir heimsborgarar, allsendis
ófeimnir og afskaplega öruggir í stór-
borgunum. Þeir stjana við mig á alla
lund, til dæmis reyna þeir að fara eins
mikið með mig í
leigubílum og hægt
er. Við förum í út-
sýnisferðir um allar
borgirnar, stundum
látum við aka okkur
í hestakerru og
sleppum aldrei
bátsferðum þar
sem þær eru í boði.
Alveg hreint unun
hvernig skipulagn-
ingin og allt annað
leikur í höndunum
á strákunum. Við erum mestu mátar
og ég hef ekki síður en þeir gaman af
þegar þeir eru með einhverjar glettur
við mig, enda snúast þættirnir mikið
um að glettast og hafa gaman af. Við
förum mikið á söfn, strákarnir sækj-
ast eftir sögulegum fróðleik og á því
sviði stend ég miklu betur að vígi en
þeir. Kannski framhaldsskólarnir séu
eitthvað að klikka á sögukennslunni,“
segir Ormarr og bætir síðan hugsi við
að hugsanlega hafi hún farið fyrir of-
an garð og neðan hjá piltunum, þótt
þeir séu mjög áhugasamir núna.
Ormarr segir að konan sín, Kol-
brún Magnúsdóttir, sé á stundum
hissa á því sem þeir fjórmenningarnir
láti sér detta í hug á
ferðalögunum. Einnig
botni vinir og kunn-
ingjar þeirra hjóna
ekkert í hvernig hann
nennir þessum eilífa
þeytingi. Sjálf var
Kolbrún með í för til
Búdapest og Amst-
erdam, en Ormarr
segir það ekki vera
hennar hátt að trana
sér fram í sviðsljósið.
„Enda er þátturinn
kenndur við afann,“ segir hann kank-
víslega.
Biblíuslóðir og fótbolti
Fyrstu ferðina fóru þeir félagar í
október 2016 og náðu þremur borg-
um fyrir áramótin. Síðasta ferðin
2017 var til Ísraels þar sem þeir skoð-
uðu sig um í Betlehem, Tel Aviv og
Jerúsalem, en áður höfðu þeir verið í
Róm. Ormarr segir að hver ferð taki
um fimm daga og yfirleitt komi helgi
inn í. „Allar ferðirnar hafa verið stór-
kostlegar, en Róm og Betlehem
standa þó upp úr í mínum huga,“ seg-
ir Ormarr og rifjar upp þegar þeir
Egill sungu dúett í Colosseum, hring-
leikahúsinu í Róm, svo bergmálaði í
öllu og viðstaddir klöppuðu þeim lof í
lófa.“
Þegar WOW hóf beint flug til
Ísraels voru hæg heimatökin að fara
á biblíuslóðirnar, sem voru ofarlega á
bucketlistanum hans afa. „Mig lang-
aði að upplifa söguna og bæta mína
barnstrú. Að koma að grátmúrnum
og ganga Golgatahæðina er einstök
upplifun,“ segir Ormarr. Eins og vera
bar var sett á samfélagsmiðla Átt-
unnar þegar þeir félagar sungu
hljómþýðum rómi Bjart er yfir Betle-
hem í borginni þar sem jesúbarnið
leit dagsins ljós.
Ferðafélagarnir eiga það sam-
eiginlegt að hafa gaman af að syngja.
Og borða góðan mat. „Við kveðjum
borgirnar alltaf með því að borða á
allra fínustu veitingastöðunum, jafn-
vel með fjórum michelin-stjörnum
eins og í Róm,“ upplýsir Ormarr. Þá
eru þeir með óbilandi áhuga á fót-
bolta og sjá sér ævinlega leik á borði
hvar sem þeir eru staddir. Í London
hvöttu þeir lið sitt, Arsenal, til dáða á
móti Tottenham og í Helsinki bar vel
í veiði því þar náðu þeir að sjá tvo
landsleiki Íslendinga, annars vegar í
fótbolta og hins vegar körfubolta.
Verra þótti þeim vitaskuld að Íslend-
ingar töpuðu báðum leikjunum, en
Ormarr segir bót í máli að þeir hafi
hitt liðið á hótelinu eftir leikinn.
Lukkunnar pamfíll
Spurður hvort hann finni ekki
endrum og sinnum til aldursmun-
arins svarar hann játandi. „Ég hleyp
ekki eins hratt og þeir og hef stund-
um þurft að hasta á þá þegar þeir
ætla sér of hratt yfir með mig.
Bjórkrár höfða heldur ekki til mín, en
strákunum finnst skemmtilegt að
kíkja þar inn. Og svo bara fara þeir út
á kvöldin og ég upp á hótelherbergi
með góða bók. Ég tel mig mikinn
lukkunnar pamfíl að hafa fengið að
fara í þessar ferðir með blessuðum
drengjunum, þeir eiga mikið og gott
skilið,“ segir Ormarr og hlakkar til
næstu ferða eftir áramótin. Bucket-
listinn hans afa er hvergi nærri
tæmdur.
Vítt og breitt F.v. Ormari þótti einstök upplifun að koma til Betlehem.  Ormarr hitti Hörð Björgvin Magnússon, landsliðsmann og leikmann Bristol City, sem bauð þeim Áttu-mönnum á lands-
leikinn í Helsinki.  Strákarnir kalla Ormar gjarnan kónginn og því var við hæfi að hann brygði sér í konunglegan skrúða á Madame Tussaud-safninu í Amsterdam.  Ormarr í Barcelona.
Ormarr þekkir tvö
dæmi um að ferða-
þættirnir hafi skap-
að gott fordæmi, en
í báðum tilvikum
fóru barnabörn
ásamt afa sínum og
ömmu til útlanda.
DAGLEGT LÍF 13
MORGUNBLAÐIÐ MIÐVIKUDAGUR 6. DESEMBER 2017
N Ý F O R M
h ú s g a g n a v e r s l u n
Klassísk gæða húsgögn
Strandgötu 24 | 220 Hafnarfjörður | Sími 565 4100 | nyform.is
á góðu verði
Sófasett
Borðstofuborð
Stólar
Skenkar/skápar
Hvíldarstólar
Kommóður/hillur
o.m.fl.
Komið og skoðið úrvalið
GLOBL VIKTOR
Hvíldarstóll
BELLUS VISBY
Hornsófi
PIERUS
2ja og 3ja sæta sófar
fáanlegt í leði og tauáklæði.
KRAGELUND K371
Kragelund stólar
K 406