Morgunblaðið - 06.12.2017, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 6. DESEMBER 2017
láta þó hvorki vind, né vætu eða snjó á sig fá og
klippa og snyrta gróður í borginni, þó óðum
stefni í dimmasta skammdegið.
Ætla mætti að sumarverkin væru að baki og
gróðurvinna komin í langþráð frí eftir hlýtt og
og bjart sumar. Starfsmenn Reykjavíkurborgar
Það er ekki seinna vænna að borgin fái örlitla
jólahreingerningu enda styttist í að fyrsti jóla-
sveinninn komi til byggða.
Morgunblaðið/Hari
Starfsmenn Reykjavíkurborgar að störfum með vélsögina
Klippa og snyrta gróður borgarinnar um hávetur
Í upphafi fundar
borgarstjórnar
Reykjavíkur í
gær tilkynnti S.
Björn Blöndal að
hann hygðist
ekki gefa kost á
sér til áfram-
haldandi setu í
borgarstjórn að
loknu núverandi
kjörtímabili í vor. Björn hefur setið
í borgarstjórn frá árinu 2014. Hann
er formaður borgarráðs og oddviti
Bjartrar framtíðar.
Björt Ólafsdóttir, formaður
Bjartrar framtíðar, vill lítið gefa
upp um það hvort hún hyggist
bjóða sig fram til borgarstjórnar
næsta vor.
„Við erum þegar byrjuð að und-
irbúa okkur fyrir baráttuna í vor en
það er ekki tímabært að huga að
foringjaefni í borgarstjórn strax,“
segir Björt og bætir við að hún hafi
einbeitt sér að landsmálunum hing-
að til. Björt segir að mikil eftirsjá
verði að Birni.
„Það er eftirsjá fyrir okkur í
Bjartri framtíð og borgarbúa eftir
Birni. Hann er með gríðarlega
mikla reynslu og hefur reynst okk-
ur og öllum borgarbúum vel,“ segir
Björk og áréttar að engar skýrar
línur liggi fyrir um hugsanlegt
samstarf við aðra flokka sem hægt
sé að upplýsa á þessari stundu.
ge@mbl.is
S. Björn Blöndal
verður ekki í fram-
boði í vor
S. Björn Blöndal
Agnes Bragadóttir
agnes@mbl.is
Katrín Jakobsdóttir forsætisráð-
herra lagði til á ríkisstjórnarfundi í
gær að Þórdís Kolbrún R. Gylfa-
dóttir, ferðamála-, iðnaðar- og ný-
sköpunarráðherra, yrði sett til að
fara með mál er varðar skipun
varadómara við Hæstarétt Íslands.
Í svari forsætisráðuneytisins við
spurningu Morgunblaðsins um
hvers vegna þessi háttur væri
hafður á kemur fram að um er að
ræða mál þar sem Sigríður Á. And-
ersen dómsmálaráðherra hafi
ákveðið á grundvelli 6. tölul. 1.
mgr. 3. gr. stjórnsýslulaga nr. 37/
1993 að víkja sæti við meðferð og
töku ákvarðana í máli er varðar
skipun varadómara við Hæstarétt
Íslands, sbr. 1. mgr. 8. gr. dóm-
stólalaga nr. 15/1998, til að ljúka
meðferð í hæstaréttarmálunum nr.
591/2017: Ástráður Haraldsson
gegn íslenska ríkinu og nr. 592/
2017: Jóhannes Rúnar Jóhannsson
gegn íslenska
ríkinu.
Í frétt á mbl.is
hinn 20. septem-
ber sl. kom fram
að dómsmála-
ráðuneytinu
hefði borist 41
umsókn um átta
stöður héraðs-
dómara sem aug-
lýstar voru laus-
ar til umsóknar 1. september sl.
Umsóknarfrestur hafi runnið út 18.
september sl.
Í frétt mbl.is sagði orðrétt:
„Dómsmálaráðherra [Sigríður Á.
Andersen] hefur ákveðið að víkja
sæti í málinu vegna umsóknar Ást-
ráðs Haraldssonar hæstaréttarlög-
manns. Telur hún að fyrir hendi
séu aðstæður sem séu til þess falln-
ar að umsækjendur dragi óhlut-
drægni hennar í efa. Hefur hún
óskað eftir því við forsætisráðherra
að öðrum ráðherra í ríkisstjórninni
verði falin meðferð málsins.“
Ráðherra ákvað
að víkja sæti
 Annar ráðherra fari með mál varð-
andi skipun varadómara við Hæstarétt
Sigríður
Andersen
„Fyrsti fundur okkar með ríkis-
sáttasemjara var í síðustu viku,“
segir Guðríður Arnardóttir, formað-
ur Félags framhaldsskólakennara,
spurð um stöðuna í kjaradeilum
framhaldsskólakennara og ríkisins.
„Það er fátt að frétta í þessu sem
stendur. Núna erum við að skila af
okkur vinnu vegna tæknilegra at-
riða er varðar túlkun á ákvæðum
síðasta samnings en við höfum ekki
verið sátt við hvernig skólameist-
arar hafa túlkað samninginn. Þetta
eru þó fyrst og fremst tæknileg at-
riði.“
Ekki hefur verið boðað til næsta
fundar en Guðríður býst við að það
verði gert innan tíðar. Spurð um
kröfur kennara vísar hún til viðmið-
unarstétta.
„Framhaldsskólakennarar hafa
breiðan og fjölbreyttan bakgrunn,
allt frá iðnmenntun upp í doktors-
gráður. Við miðum okkur við sér-
fræðinga hjá ríkinu með fimm ára
háskólanám.“
Framhaldsskóla-
kennarar í viðræður
 Miða laun við sérfræðinga hjá ríkinu
Agnes Bragadóttir
agnes@mbl.is
Katrín Jakobsdóttir forsætisráð-
herra segir að á ríkisstjórnarfundi í
gærmorgun hafi verið ákveðið að
þingsetning verði á fimmtudag í
næstu viku, þann 14. desember, og
þá verði nýtt fjárlagafrumvarp rík-
isstjórnarinnar tilbúið og því dreift á
Alþingi þann dag. Að kvöldi þess
dags fari svo fram umræður um
stefnuræðu forsætisráðherra á
þingi.
„Á ríkisstjórnarfundinum
ákváðum við einnig hvernig skipan
fjögurra ráðherranefnda verður, þ.e.
ráðherranefndar um ríkisfjármál,
ráðherranefndar um efnahagsmál og
endurskipulagningu fjármálakerf-
isins, ráðherranefndar um samræm-
ingu mála og ráðherranefndar um
jafnréttismál,“ sagði Katrín í samtali
við Morgunblaðið í gær.
Í ráðherranefnd um ríkisfjármál
verða oddvitar stjórnarflokkanna
þriggja, forsætisráðherra, Bjarni
Benediktsson, fjármálaráðherra og
Sigurður Ingi Jóhannsson, sam-
gönguráðherra, að sögn Katrínar. Í
nefndinni um efnahagsmál verða
forsætisráðherra, fjármálaráðherra
og Lilja Alfreðsdóttir, mennta- og
menningarmálaráðherra, í þriðju
nefndinni, um samræmingu mála,
verði forsætisráðherra ein, en hún
muni kalla til sín ýmsa ráðherra, allt
eftir efni umfjöllunarefnis hverju
sinni. Loks verði ráðherranefnd um
jafnréttismál skipuð forsætisráð-
herra, Sigríði Á. Andersen, dóms-
málaráðherra, mennta- og menning-
armálaráðherra og Svandísi
Svavarsdóttur, heilbrigðisráðherra
og Ásmundi Einari Daðasyni, félags-
og jafnréttismálaráðherra.
Katrín segir að ákveðið hafi verið
á ríkisstjórnarfundinum að rík-
isstjórnin myndi funda tvisvar í viku,
a.m.k. fram að áramótum, því svo
mörg verkefni lægju fyrir. Jafn-
framt að fyrsti staðgengill forsætis-
ráðherra yrði Bjarni Benediktsson,
og ef hún og Bjarni væru bæði fjar-
verandi á sama tíma, þá yrði stað-
gengill forsætisráðherra Sigurður
Ingi og væru þau öll þrjú fjarverandi
í einu, þá yrði Svandís Svavarsdóttir
staðgengill hennar.
Bjarni staðgengill Katrínar
 Skipan ráðherranefnda ákveðin í gær  Einnig ákveðið
að ríkisstjórnin fundi tvisvar í viku a.m.k. fram til áramóta
Bjarni
Benediktsson
Katrín
Jakobsdóttir
Vilhjálmur A. Kjartansson
vilhjalmur@mbl.is
„Vissulega er sorglegt að svo marg-
ar konur hafi sögu að segja af
áreitni, ofbeldi eða mismunun, en
flestar höfum við slíka reynslu. Það
sem kemur á óvart er hversu marg-
ar eru reiðubúnar til að rjúfa þögn-
ina um það núna. Sérstaklega í ljósi
þess hve lítið starfsöryggi er í okkar
stétt, þar sem allflestir eru laus-
ráðnir og verkefnin ráðast af orð-
sporinu einu saman,“ segir Hreindís
Ylva Garðarsdóttir Holm, einn for-
svarsmanna átaksins Tjaldið fellur,
spurð um þann gífurlega fjölda
kvenna í leiklistargeiranum sem
stigið hefur fram.
„Hópurinn okkar var stofnaður
21. nóvember og á innan við þremur
sólarhringum vorum við orðnar þús-
und talsins.“
Átak er eitt en úrbætur allt ann-
að. Hreindís segir margar stofnanir
og fagfélög hafa lýst yfir gagngerri
endurskoðun á starfsumhverfi sín í
kjölfar #tjaldidfellur byltingarinn-
ar.
„Við bindum vonir við að sú vinna
skili árangri og ætlumst til þess að
þolendur fái að koma að borðinu,
hvað varðar úrlausnir,“ segir hún og
bendir á að enginn viti betur hvar
pottur er brotinn en þolendur sjálf-
ir.
„Þá gerum við einnig þá kröfu til
okkar sjálfra – og starfssystkina
okkar í stéttinni – að líta í eigin
barm, því öll höfum við tekið þátt í
ríkjandi ástandi hingað til. Við höf-
um öll hlutverki að gegna í þessari
yfirhalningu sem þarf að eiga sér
stað.“
Gríðarmargar sögur hafa komið
fram í lokuðum Facebook hóp
átaksins en aðeins fáeinar verið
birtar í fjölmiðlum. Þær lýsa m.a.
mjög grófu kynferðisofbeldi. Hrein-
dís segist ekki hafa tölu á sögunum
en ljóst sé að listaheimurinn sé í
losti.
„Heimur sviðslista og kvikmynda
hefur eðlilega verið sleginn yfir
þessum frásögnum, enda er þetta
lítill bransi og margir líta á okkur
sem eina stóra fjölskyldu,“ segir
hún en sunnudaginn 10. desember
verður viðburður í Borgarleikhúsinu
þar sem fjölbreyttur hópur kvenna
úr mörgum starfsgreinum mun lesa
hluta af þessum frásögnum sem
hafa komið upp á yfirborðið.
Ofbeldið opinberað
 Tjaldið fellur og listaheimurinn er sleginn yfir fjölda
kvenna sem orðið hafa fyrir kynferðisáreitni í stéttinni