Morgunblaðið - 29.12.2017, Blaðsíða 31

MORGUNBLAÐIÐ TÍMAMÓT 29. 12. 2017 31
Gamla Íslandsbankahúsið í Lækjargötu var rifið í lok nóvembermánaðar, en það hafði staðið
þar frá árinu 1959 og sett sinn svip á miðbæ Reykjavíkur. Gert er ráð fyrir að reist verði hótel
á fimm hæðum með 115 herbergjum í staðinn. Fornminjar hafa fundist á lóðinni og hafa for-
svarsmenn Íslandshótela, sem hyggjast reisa hótelið, lýst því yfir að þær muni fá sinn sess
innan hinnar nýju byggingar.
Morgunblaðið/Árni Sæberg
Íslandsbankahúsið rifið til
þess að rýma fyrir hóteli
Tilkynnt var um brennisteinslykt í nágrenni Öræfajökuls um
miðjan nóvembermánuð, og varð það ásamt aukinni jarð-
skjálftatíðni á svæðinu til þess að menn óttuðust um stund að
eldgos kynni að hefjast innan tíðar í jöklinum. Þóttu það heldur
váleg tíðindi þar sem ljóst var að það gæti gengið erfiðlega að
rýma allt hættusvæðið ef til kastanna kæmi. Stór og myndar-
legur sigketill myndaðist í jöklinum og fylgdust jarðfræðingar
náið með þróun hans, en Ragnar Axelsson ljósmyndari tók með-
al annars ljósmyndir af katlinum, sem notaðar voru til þess að
gera tölvulíkan af honum. Í desember var síðan ljóst að hægt
hafði á sigi í katlinum og þóttu það vera mjög góðar fréttir.
Öræfajökull hefur gosið tvisvar frá landnámi, árin 1372 og 1727,
og ollu bæði eldgos talsverðum búsifjum og hörmungum.
Morgunblaðið/RAX
Órói í Öræfajökli
Ríkisstjórn Sjálfstæðisflokks, Viðreisnar og Bjartrar framtíðar sprakk 15. september eftir að
forysta Bjartrar framtíðar mat það sem svo að alvarlegur trúnaðarbrestur hefði orðið á milli
sín og Bjarna Benediktssonar forsætisráðherra í málefnum tengdum uppreist æru. Í stað
þess að mynduð yrði önnur meirihlutastjórn var afráðið að rjúfa þing og kjósa að nýju 28.
október, tæpu ári eftir síðustu þingkosningar. Á ýmsu gekk í kosningabaráttunni og náði Inga
Sæland, formaður Flokks fólksins, að vinna hug og hjörtu margra kjósenda með framgöngu
sinni í leiðtogaumræðum sem haldnar voru kvöldið fyrir kosningar.
Morgunblaðið/Eggert
Stjórnarslit og kosningar
Úr vöndu var að ráða eftir alþingiskosningarnar í október. Að lokum fór það svo að þau Bjarni
Benediktsson, formaður Sjálfstæðisflokksins, Katrín Jakobsdóttir, formaður Vinstri grænna,
og Sigurður Ingi Jóhannsson, formaður Framsóknarflokks, mynduðu ríkisstjórn í lok nóvem-
ber undir forsæti Katrínar. Stjórnarmyndunin þótti söguleg fyrir ýmsar sakir, þar sem þar
mættust flokkar sem áður voru á andstæðum pólum íslenskra stjórnmála og samþykktu að
vinna saman. Þá er Katrín Jakobsdóttir einungis önnur konan sem gegnir embætti forsætis-
ráðherra á Íslandi.
Morgunblaðið/Eggert
Katrín verður forsætisráðherra
Miðborg Reykjavíkur fór ekki varhluta af ferðamannastraumnum mikla sem lá til landsins á
árinu og kenndi þar ýmissa grasa. Þessi stúlka var með pylsu í annarri hendi og liðkaði legg
við símamyndatöku.
Morgunblaðið/Golli
Margt um (ferða)manninn
í miðborginni