Morgunblaðið - 30.01.2018, Blaðsíða 36

ÞRIÐJUDAGUR 30. JANÚAR 30. DAGUR ÁRSINS 2018
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 608 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
1. Talið að Ríkharður hafi farið í ána
2. Vilja æviráða Guðmund
3. Sunna kemur ekki heim í dag
4. Kjánahrollur fór um Ragnar Þór
»MEST LESIÐ Á mbl.is
FÓLK Í FRÉTTUM
 Kvartett saxófónleikarans Ólafs
Jónssonar kemur fram á Kex hosteli
við Skúlagötu í kvöld, kl. 20.30. Ólaf-
ur fagnar útgáfu á fyrsta geisladiski
sínum, Tími til kominn, og mun kvart-
ettinn leika lög af honum, auk nokk-
urra valinna standarda.
Morgunblaðið/Hari
Tími til kominn með
kvartetti Ólafs á Kex
 Gallerí Fold
stendur þessa
dagana fyrir vef-
uppboði á verkum
eftir Braga Ás-
geirsson (1931-
2016), myndlist-
armann og list-
rýni Morgun-
blaðsins. Boðin
eru upp málverk og grafík frá ýmsum
tímabilum á ferli Braga. Verkin eru
sýnd í Galleríi Fold við Rauðarárstíg
en uppboðinu lýkur á föstudag.
Vefuppboð á verkum
Braga Ásgeirssonar
 Ásdís Jóelsdóttir, lektor við Háskóla
Íslands, flytur í hádeginu í dag erindi í
fyrirlestrasal Þjóðminjasafns Íslands
um íslensku lopapeysuna. Ásdís er
höfundur bókarinnar
Uppruni, saga og
hönnun íslensku
lopapeysunnar í
máli og myndum,
en hún hefur einn-
ig gefið út bækur
um sögu hönn-
unar og íslenska
fatasögu.
Fjallar um sögu og
hönnun lopapeysa
Á miðvikudag Norðan 8-15 m/s og él eða snjókoma á N-verðu
landinu, en bjartviðri sunnan heiða. Frost 0 til 8 stig, mildast með
S-ströndinni.
SPÁ KL. 12.00 Í DAG 5-15 m/s og snjókoma eða slydda S- og V-
til, en úrkomulítið fyrir norðan. NA-lægari síðdegis og styttir upp V-
lands, en stöku él fyrir norðan og austan í kvöld. Frost 0 til 10 stig.
VEÐUR
„Þetta er rosalega flott
mót. Það er svo mikið lagt í
þetta. Umgjörðin er orðin
eins og á stórmótum er-
lendis. Allt er orðið form-
legra og fyrir vikið myndast
meiri stemning hjá kepp-
endum,“ segir Hulda Þor-
steinsdóttir stangarstökkv-
ari sem fær harða keppni
frá erlendum mótherjum í
frjálsíþróttakeppni Reykja-
víkurleikanna um næstu
helgi. »4
Eins og á stór-
mótum erlendis
Yfir 40 þjálfarar úr bandarískum há-
skólum eru væntanlegir til landsins
til að skoða 60 íslenska knatt-
spyrnumenn í sérstökum sýning-
arleikjum í Fífunni um næstkomandi
helgi. Þeir knattspyrnumenn sem
hljóta hæstu styrkina fá styrki upp á
tugi milljóna íslenskra króna, en í
þeim felst greiðsla skólagjalda, húsa-
leiga, matur og sjúkraþjálfun. »1
Tugir bandarískra þjálf-
ara skoða Íslendinga
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Algengt er að Vestur-Íslendingar og útlend-
ingar, sem læra íslensku sem annað mál, geri
sömu villur í sambandi við notkun forsetninga,
samkvæmt niðurstöðum rannsóknar Gunnlaugar
Birtu Þorgrímsdóttur í lokaritgerð í íslensku til
BA-prófs við Háskóla Íslands, sem hún skilaði í
liðinni viku.
Hugmyndina að ritgerðinni fékk Gunnlaug eft-
ir að hafa tekið þátt í Snorra West verkefninu í
Minnesota, Norður-Dakóta og Manitoba í Norð-
ur-Ameríku sumarið 2016. Þar kynntist hún líka
fjarskyldum ættingjum sem hún hafði ekki hug-
mynd um áður og heldur enn góðu sambandi við
þá. „Við hittumst vonandi fljótlega aftur,“ segir
hún.
Verkefni Gunnlaugar snerist um að skoða bréf
frá vestur-íslenskri konu, bréf Jónu, til frænd-
fólks á Íslandi á um 70 ára tímabili og kanna
hvort villur væru í forsetninganotkun hennar. Til
samanburðar kannaði Gunnlaug hvort nemendur
sem lærðu íslensku sem annað mál við Háskóla
Íslands gerðu svipaðar villur, hvort þeir notuðu
til dæmis „í“ þegar nota skal „á“ samkvæmt ís-
lenskri málfræði.
Gunnlaug bendir á að Jóna lærði íslensku sem
barn á máltökuskeiðinu, en ólst upp í umhverfi
þar sem hún gat lítið notað málið. Háskólanem-
endurnir, sem voru um og yfir tvítugt og því
ekki lengur á máltökuskeiði, þegar könnunin fór
fram, komu til Íslands til þess að læra íslensku.
Þeir voru í samfélagi þar sem þeir heyrðu vart
annað en íslensku. „Ég dró þá ályktun að mál-
fræðikunnátta væri svipuð hjá annarsmálshöfum
og erfðarmálshöfum,“ segir Gunnlaug og vísar til
þess að sömu hlutir varðandi forsetningar væru
erfiðastir fyrir báða hópana. „Jóna hefði átt að
vita betur því hún lærði málfræðina fullkomlega,
þegar hún var barn, en vegna þess að hún fékk
ekki tækifæri til þess að heyra íslensku og nota
hana hrakaði kunnáttu hennar.“
Auglýsing varð til þess að Gunnlaug sótti um
að taka þátt í Snorra West. „Þetta var algjör til-
viljun,“ segir hún og bætir við að ferðin sé eina
ferð hennar vestur um haf til þessa en hún hafi
kynnst mörgu áhugaverðu fólki og samfélagi
sem hún vissi ekkert um áður. „Það var fræð-
andi að kynnast þessari menningu og kynni af
fólki, sem kunni íslensku en talaði hana ekki vel,
því það hafði fá tækifæri til þess að tala hana,
kveiktu áhuga hjá mér á að rannsaka málið frek-
ar.“
Kynning í næstu viku
Snorra West verkefnið (www.snorri.is) hefur
staðið yfir árlega síðan 2001 og er skipulagning
nú í höndum Þjóðræknisfélags Íslendinga í Vest-
urheimi með aðstoð frá Norræna félaginu og
Þjóðræknisfélagi Íslendinga hérlendis. Boðið er
upp á mismunandi svæði og næst verður verk-
efnið í Washingtonborg, Toronto, Ottawa,
L’Anse Aux Meadows og Halifax 16. júní til 14.
júlí í sumar, en alls hafa um 100 íslensk ung-
menni tekið þátt í því frá upphafi. Snorri West
og Nordjobb verða með opið hús á skrifstofu
Norræna félagsins kl. 17-19 fimmtudaginn 8.
febrúar, en umsóknarfrestur til að taka þátt í
verkefninu í sumar er til og með 23. febrúar n.k.
Hugmynd að lokaritgerð
varð til í Vesturheimi
Snorri West Í Mountain í Norður-Dakóta í Bandaríkjunum 2016. Frá vinstri: Tómas H. Tómasson,
Gunnlaug Birta Þorgrímsdóttir, Vala Margrét Jóhannsdóttir (í appelsínugulu) og Sesselía Ólafsdóttir.
 V-Íslendingar og útlend-
ingar, sem læra íslensku sem
annað mál, gera sömu villur
Frænkur Gunnlaug kynntist Mary Lorraine
Bloomer í Winnipeg í Kanada og bjó hjá henni.
„Ég er ánægður með strákana. Þeir
hafa staðið sig og verið tilbúnir að
leggja mikið á sig og ekki lagt árar
í bát þótt sumir leikir hafi tapast
stórt. Við höfum náð stigum hér og
þar og ætlum áfram að leggja okk-
ur fram þótt vissulega verði leik-
irnir sem framundan eru miserfið-
ir,“ segir Gunnar Gunnarsson,
þjálfari karlaliðs Víkings í hand-
knattleik sem kynnt er
ítarlega í opnu íþrótta-
blaðsins. » 2-3
Strákarnir tilbúnir að
leggja mikið á sig