Morgunblaðið - 13.03.2018, Page 29

DÆGRADVÖL 29
MORGUNBLAÐIÐ ÞRIÐJUDAGUR 13. MARS 2018
Stjörnuspá
21. mars - 19. apríl 
Hrútur Vertu fyrst og fremst sönn/sannur í
samskiptum þínum við aðra og gættu þess
að lofa ekki upp í ermina á þér. Mundu að
gera ekki meiri kröfur til annarra en sjálfr-
ar/sjálfs þín.
20. apríl - 20. maí 
Naut Þú ert búin/n að gera allt sem í þínu
valdi stendur til að ná samningum í
vinnunni. Einbeittu þér að því að efla styrk
fólks frekar en að einblína á veikleikana.
21. maí - 20. júní 
Tvíburar Þú þarft að taka mikilvægar
ákvarðanir varðandi skiptingu sameiginlegra
eigna og ábyrgðar. Sýndu þeim sem eru á
öndverðum meiði við þig fulla sanngirni.
21. júní - 22. júlí 
Krabbi Nú reynir verulega á hæfni þína í
vandasömu verkefni. Einhverra hluta vegna
eru allir staðráðnir í að koma sjónarmiðum
sínum á framfæri í dag.
23. júlí - 22. ágúst 
Ljón Það getur stundum reynst erfitt að
skilja í milli einkalífs og starfs. Gerðu ráð
fyrir velgengni en hafðu samt vaðið fyrir
neðan þig. Ekki fyllast óöryggi.
23. ágúst - 22. sept. 
Meyja Munið að hvatning er betra veganesti
en aðfinnslur. Láttu stríðni annarra sem vind
um eyru þjóta. Haltu ótrauð/ur áfram þótt
þú sért ekki viss hvað gera skal.
23. sept. - 22. okt. 
Vog Það er ekki hægt að gera svo að öllum
líki og því skaltu halda þínu striki ótrauð/ur.
Gefðu þér samt nægan tíma til að skoða
málin.
23. okt. - 21. nóv.
Sporðdreki Nú er rétti tíminn til þess að
láta hugmyndir sínar uppi við þá aðila sem
geta hjálpað þér við að koma þeim í fram-
kvæmd.
22. nóv. - 21. des.

Bogmaður Bilanir og tafir munu að öllum
líkindum setja svip sinn á vinnudaginn hjá
þér. Sýndu öðrum samstarfsvilja, ef þú vilt
ná árangri.
22. des. - 19. janúar 
Steingeit Loksins hefur þér tekist að fá ein-
hvern á þitt band í því máli sem þú berð
hvað mest fyrir brjósti. Gættu þess að þú
fáir þá viðurkenningu sem þú átt skilið.
20. jan. - 18. febr. 
Vatnsberi Nú er rétti tíminn til þess að
koma málum sínum fram. Mundu að erf-
iðleikarnir eru til þess að sigrast á þeim og
tækifæri birtast oft í dulargervi.
19. feb. - 20. mars

Fiskar Þótt veraldleg gæði séu nauðsynleg,
snýst lífið um fleira en þau. Gleymdu þó
ekki að líta inn á við og biðja um hand-
leiðslu.
Já, satt er það sem Davíð Hjálm-ar Haraldsson kveður á leir:
Unglingarnir læra af lífi og sál
langan dag og strangan, mjög úr
hófi,
en stofnunin er sér um menntamál
er morgunsvæf og fellur oft á prófi.
Það er mikil óvissan í henni ver-
öld. Davíð Hjálmar heldur áfram:
Óvíst er jafnan hvar endar vor slóð,
örlögum megum vér hlíta.
Flekkóttur köttur sem fór út á lóð
fraus þar til dauðs við að skíta.
Sigmundur Benediktsson tók
undir og sagði „Já, lífið er hverf-
ult, satt er það!“;
Margur vandi verður til
viður dyggð að stríða.
Lífið blandar ljós og yl,
líka hryggð og kvíða.
Á sunnudag sagði Ingólfur Óm-
ar veðrið undurfagurt bjart en
smá gola og það styttist í vorið.
Gleður art og örvar lýð
óttu svarta hrekur.
Geislum skartar Glóey fríð
gleði hjartans vekur.
„Sól skín í heiði,“ bætti Gústi
Mar við:
Sortnar himinn, svella ský
svíður frostið limið.
Válegt undan veðragný
veltur norðan brimið.
Því svaraði Sigmundur Bene-
diktsson þannig: „Það er nú svo að
maður sér víða þessa misskiptingu
hjá veðrinu og hún heldur víst
áfram. Ekki stjórnum við því.
Svo er hjá þér sólin skín
og sést ei skuggi nokkur,
þokan birgir sólar sýn
og súldin hrellir okkur.
Veðrið þegar versnar hér
og víxlast lífsins skorður.
Vonandi þá veitist mér
að vera kominn norður.
Góðar kveðjur samt án afskipta
veðurs.“
Reir frá Drangsnesi yrkir á
Boðnarmiði:
Uppí sófa ei má hanga,
undir teppi gamall snáði
enda er karlinn úti að ganga
úr sér mæði að læknisráði.
Magnús Halldórsson segir:
„Þurr skyldi þorri“:
Setur ryk frá mel og móa,
moldarblæ á hagana.
Þú ert ekki þeysin góa,
þessa fyrstu dagana.
Halldór Blöndal
halldorblondal@simnet.is
Vísnahorn
Óvissa víðar en í veðrinu
„ÉG HEYRI RADDIR – EN ÞÆR SENDA
MÉR VENJULEGAST SMS.“
„ÞÚ SAGÐIR MÉR Í SÍMANUM AÐ ÞÚ
VÆRIR 1 OG 80!“
Ferdinand
Hrólfur hræðilegi
Grettir
... að vera andvaka
glaður af tilhugsuninni
um þig.
AHUM
ÉG VAR BARA AÐ
RÆSKJA MIG!
Ó ÞÚ ERT
STERKARI,
YNDIÐ MITT!
ÉG FINN LYKTINA AF
ÞÉR HINGAÐ!
ÉG VELTI FYRIR MÉR HVORT
ÉG SÉ EINS STERKUR OG ÉG
VAR FYRIR TÍU ÁRUM!
Í klípu eftir Mike Baldwin eftir Jim UngerHermann
ÉG HEFÐI
GETAÐ SVARIÐ
AÐ ÞÚ SAGÐIR
„MORGUN -
MATUR“
ÞJÓT!
Víkverja er annt um land og þjóð ogþykir miður þegar fregnir berast
af misförum Íslendinga eða vand-
ræðagangi þeim tengdum. Það gerist
þó hins vegar nokkuð oft. Ein sorgar-
sagan lýtur að einni mikilvægustu
stofnun landsins, sjálfri Landhelgis-
gæslu Íslands.
x x x
Nýverið lásu landsmenn fréttir afþví þegar ein af þyrlum Gæsl-
unnar var leigð erlendum pen-
ingamönnum í ævintýrahug. Hafa
skal í huga að um er að ræða björg-
unartæki, eitt þriggja sem stofnunin
hefur yfir að ráða. Að vísu á íslenska
ríkið bara eina þyrlu og er sú að kom-
ast af barnsburðaraldri. En það er
önnur sorgarsaga sem verður ekki
sögð núna. Aftur að ríku útlending-
unum. Þeir fengu sumsé að leigja eitt
helsta björgunartæki þjóðarinnar sér
til skemmtunar. Af hverju? – Jú, það
vantar pening í starfsemina.
x x x
Fleira er í útleigu hjá tækjaleiguLandhelgisgæslunnar. Eftirlits-
og björgunarflugvélin fullkomna sem
var smíðuð og sérhönnuð fyrir að-
stæður hér við land. Átti hún m.a. að
margfalda eftirlitsgetu Gæslunnar
bæði með tilliti til mengunar, fisk-
veiða og hafíss. En hvar er þessi vél?
– Jú, hún hefur að mestu haldið sig
við Miðjarðarhaf enda ekki hægt að
kosta störf hennar við Ísland. Það
fæst ekki peningur í það heldur.
x x x
En hvað með gæsluskipin okkar,þau hljóta nú að vera í toppstandi
og úti á miðunum öllum stundum –
við erum jú eyríki. Víkverji hefur svo
sem ekki tölur yfir daga Gæslunnar á
sjó, en hann sér varðskipið Þór nær
daglega – því er lagt skammt frá
Hörpu okkar skattgreiðenda.
x x x
Verkefnum Landhelgisgæslunnarfer fjölgandi með hverju árinu og
er álagið á þyrlusveit gríðarlegt. Hún
fær þó ekki fjármagn til að fjölga
áhöfnum sínum nema … jú, á næsta
ári sögðu stjórnvöld nýverið þegar
kastljósið beindist að fjársveltinu.
Hvernig var þetta aftur, á morgun
segir sá … vikverji@mbl.is
Víkverji
Því að ég, Drottinn, er Guð þinn, ég
held í hægri hönd þína og segi við þig:
„Óttast eigi, ég bjarga þér
(Jesaja 41.13)