Morgunblaðið - 12.04.2018, Síða 22

22 FRÉTTIRInnlent
MORGUNBLAÐIÐ FIMMTUDAGUR 12. APRÍL 2018
Gesto
vinnubuxur
Stretch-buxur. Vinnubuxur
úr teygjanlegu efni fyrir fólk
á ferðinni!
Skeifunni 3h ll Sími: 588 5080 ll dynjandi.is
Fjölsmiðjan og Akureyrarbær
undirrituðu samstarfssamning til
næstu þriggja ára í gær. Markmið
samningsins er að efla Fjölsmiðj-
una í hlutverki sínu sem starfs-
þjálfunarstaður fyrir ungt fólk 16–
24 ára. Ennfremur að auka tengsl
og samvinnu Fjölsmiðjunnar og
annarra innan bæjarfélagsins sem
vinna með ungu fólki, segir í
fréttatilkynningu frá Akureyrar-
bæ.
Fjölsmiðjan veitir ungu atvinnu-
lausu fólki vinnu með það að mark-
miði að hver einstaklingur njóti sín
og verði færari í að takast á við
kröfur umhverfisins ýmist á vinnu-
markaði eða í námi.
Akureyrarbær greiðir Fjöl-
smiðjunni árlega 4 milljónir króna
á samningstímanum. Fjárveitingar
eru með fyrirvara um framlög úr
bæjarsjóði til velferðarráðs við
gerð fjárhagsáætlunar ár hvert.
Starf Fjölsmiðjunnar tryggt
Ljósmynd/Akureyrarbær
Undirritun Erlingur Kristjánsson
forstöðumaður Fjölsmiðjunnar og
Eiríkur Björgvinsson bæjarstjóri.
 Starfsþjálfun
fyrir ungt fólk
Magnús Heimir Jónasson
mhj@mbl.is
Eyvindur G. Gunnarsson og Stefán
Már Stefánsson, prófessorar við
lagadeild Háskóla Íslands, rita í
nýrri fræðigrein í tímaritinu Úlfljóti
að það sé augljós hætta á því að felli
EFTA-dómstóllinn dóma á grund-
velli mjög framsækinnar lagatúlkun-
ar geti myndast lýðræðishalli. Með
lýðræðishalla eiga þeir m.a. við að
vikið sé til hliðar réttarástandi sem
aðilar gengu út frá við undirritun
EES-samningsins og nýju réttar-
ástandi komið á sem enginn átti von
á. Íslandi er skylt samkvæmt EES-
samningnum að taka upp afleidda
löggjöf ESB með þeim takmörkun-
um sem leiða af samningnum. Eft-
irlitsstofnun EFTA heldur uppi eft-
irliti með því að ákvæðum EES--
samningsins sé fylgt á EES og tekur
ýmsar bindandi ákvarðanir, EFTA-
dómstóllinn leysir úr réttarágrein-
ingi hvað þessi mál varðar en þar
sem það hafa orðið verulegar breyt-
ingar á frumrétti ESB sem ekki hafa
orðið á EES-samningnum gæti það
haft mikla þýðingu fyrir réttarstöð-
una á EES.
Takmarkanir fylgja EES
„Ákvæði EES-samningsins miða
að einsleitni við ESB-rétt á því sviði
sem hann tekur til. Þetta þýðir m.a.
að tryggja verður að sambærilegar
reglur og sambærileg túlkun þeirra
gildi á Evrópska efnahagssvæðinu.
Þessari skyldu til einsleitni eru þó
takmörk sett, m.a. vegna þess að
markmið, efni og orðalag undirliggj-
andi samninga voru í upphafi um
sumt ólík og ekki síður vegna þess að
frumréttur ESB hefur tekið mikil-
vægum breytingum á síðari tímum í
samræmi við stjórnskipunarreglur
aðildarríkja ESB sem eiga sér enga
samsvörun í EES-rétti,“ rita Stefán
og Eyvindur en af þessum sökum
telja þeir að framsækin lagatúlkun
EFTA-dómstólsins gæti myndað
lýðræðishalla, þar sem aðildarríki
ESB áttu þess kost að taka afstöðu
til tiltekinna lagaákvæða frumréttar
eða breytinga þeirra en EFTA/
EES-ríkin ekki. Telja þeir þannig
mikilvægt að við skýringu á afleiddri
löggjöf ESB, sem tekin hefur verið
upp í EES-samninginn, gangi dóm-
stóllinn ekki lengra í túlkun sinni en
ráða má af samningnum, þar sem
það eiga að vera takmarkanir.
„Þetta á alveg sérstaklega við á
þeim sviðum og að því leyti sem
breyting hefur orðið á frumrétti
ESB frá því að EES-samningurinn
var undirritaður. Það sama á við um
svið sem falla utan samningsins að
öllu eða verulegu leyti. Sé þessa ekki
gætt getur frjálsleg túlkun EFTA-
dómstólsins á gerðum ESB leitt til
þess að ófyrirséður lýðræðishalli
myndist.“
Í greininni rekja þeir þrjá dóma
EFTA-dómstólsins um svipuð sak-
arefni máli sínu til stuðnings. Dóm-
arnir eiga það sameiginlegt að í þeim
öllum leiddi slík framsækin lagatúlk-
un af sér ákveðnar ógöngur. Þar má
nefna dóm EFTA-dómstólsins þar
sem stefnandi fór fram á það við
Matvælastofnun að hún heimilaði
innflutning á tilteknu magni af hráu
kjöti án þess að áður væri gerð krafa
um leyfisöflun og frystingu þess í
ákveðinn tíma. Rekja þeir einnig hið
sameinaða samningsbrotamál gegn
Íslandi og fjallaði EFTA-dómstóll-
inn síðan um hvort íslenska leyfis-
veitingakerfið fyrir innflutning á
hrárri og unninni kjötvöru, eggjum
og mjólk samrýmdist ákvæðum
EES-samningsins.
Augljós hætta
á lýðræðishalla
 EFTA-dómstóllinn gæti vikið frá EES
Stefán Már
Stefánsson
Eyvindur G.
Gunnarsson
Þrír pólskir karlmenn hafa verið
dæmdir í þriggja og þriggja og
hálfs árs fangelsi fyrir innflutning
á 1,3 lítrum af amfetamínbasa og
fyrir að hafa ætlað sér að flytja
aukalega 3,9 lítra af sama vökva
sem lak úr bíl sem efnin höfðu verið
falin í. Bifreiðin var flutt til lands-
ins með Norrænu. Við skoðun á
henni kom í ljós froðukenndur
vökvi sem hafði lekið úr henni. Kom
lögreglan fyrir njósnabúnaði í bif-
reiðinni og fylgdist með henni þeg-
ar hún var keyrð til Reykjavíkur.
Krzysztof Obrebski er í málinu
fundinn sekur um að hafa móttekið
fíkniefnin sem falin voru í bifreið-
inni og flutt til Íslands frá Póllandi.
Ók hann bifreiðinni í gegnum
Þýskaland og Danmörku og fór
þaðan með Norrænu til Íslands.
Robert Borowski Beszta og
Arkadiusz Rusanowski voru einnig
fundnir sekir í málinu, þeir komu til
landsins degi áður. Þeir voru allir
handteknir ásamt fjórða manni.
Í niðurstöðu dómsins segir að
engin viðhlítandi gögn liggi fyrir
svo hægt sé að slá því föstu að 5,2
lítrar af amfetamínbasa hafi verið í
bílnum og er því aðeins dæmt fyrir
þá 1,3 lítra sem voru í bílnum.
Robert og Arkadiusz eru dæmdir
í þriggja ára og sex mánaða fang-
elsi en Krzysztof í þriggja ára fang-
elsi. Þá er þeim gert að greiða sam-
tals 5,4 milljónir í málsvarnarlaun
og sakarkostnað. Ríkinu er gert að
greiða helming málsvarnarlauna
mannanna sem og málsvarnarlaun
fjórða mannsins. Samtals 6,4 millj.
Þrír dæmdir í stóru
fíkniefnamáli
Gunnlaugur Snær Ólafsson
gso@mbl.is
Ísland er í fyrsta sæti í samantekt Al-
þjóðafjarskiptastofnunarinnar yfir
þróun fjarskiptainnviða. Sigurður
Ingi Jóhannsson, samgöngu- og
sveitarstjórnarráðherra, tók við við-
urkenningu þess efnis fyrir Íslands
hönd á fundi um framtíð og stöðu
fjarskipta á Grand hóteli í gær.
Houlin Zhao, aðalritari Alþjóða-
fjarskiptastofnunarinnar, afhenti við-
urkenninguna. Sagði hann Ísland fyr-
irmyndarríki þegar kæmi að
fjarskiptainnviðum og þróun þeirra.
Zhao lagði áherslu á að uppbygg-
ing slíkra innviða væri ekki einungis
mál einkafyrirtækja og sagði að
„fleiri ríki eru stöðugt að átta sig á því
að uppbygging fjarskiptainnviða snýr
ekki bara að fjárfestingu einkaaðila,
heldur þarf hið opinbera einnig að
koma að málinu. Fjarskipti eru nokk-
uð sem snýr að flestum sviðum sam-
félagsins og þegar kemur að þessu
mikilvæga samspili hins opinbera og
fyrirtækja er Ísland til fyrirmyndar.“
Undirstaða til framtíðar
Í ræðu sinni sagði Sigurður Ingi
viðurkenninguna undirstrika mark-
vissa stefnu stjórnvalda um að
tryggja aðgengi að öflugu fjar-
skiptakerfi. Tók hann sérstaklega
fram að þetta væri einnig viðurkenn-
ing fyrir fjarskiptafyrirtækin og
sagði virka samkeppni og mikla fjár-
festingu fyrirtækja eiga þátt í þeim
árangri sem náðst hefði.
Zhao, Sigurður Ingi og Hrafnkell
V. Gíslason, forstjóri Póst- og fjar-
skiptastofnunar, voru frummælendur
á fundinum og voru þeir sammála um
að fjarskipti væru undirstaða fram-
tíðarhagkerfisins.
Sigurður Ingi lýsti því yfir að inn-
leiðing 5G-tengingar þyrfti að vera í
forgrunni stefnu stjórnvalda á sviði
fjarskiptamála, ásamt því að stefna
skyldi að því að efla samskipti við al-
menning og opinbera þjónustu gegn-
um netþjónustu og öpp. Ráðherrann
tilkynnti að hann hygðist efna til
framtíðarfundar með hagsmuna-
aðilum á sviði fjarskiptamála til að
ræða framtíðarstefnu í málaflokkn-
um.
Mikilvægt að tryggja innviði
Hrafnkell sagði að mikilvægt væri
að greina framtíðartækifæri á sviði
fjarskipta og finna leiðir til þess að
nýta þau, það væri forsenda þess að
Ísland yrði samkeppnishæft í fram-
tíðinni.
Samhliða miklum tækifærum „er
mikilvægt að tryggja öryggi sam-
félagslegra innviða“ sagði Hrafnkell.
Hann tók fram að netvá og öðrum
áskorunum yrði að mæta og benti á
að nú væri verið að endurskoða allt
regluverk er sneri að fjarskiptum hjá
Evrópusambandinu.
Nú þegar eru tilskipanir til umfjöll-
unar hjá Alþingi, svo sem um per-
sónuvernd. Samkvæmt áætlun er
stefnt að því að hið nýja regluverk
verði innleitt að fullu árið 2019.
Aðspurður hvort regluverk gæti
verið í takt við hraðar tækniframfarir
sagði Hrafnkell við mbl.is í gær að
„raunveruleikinn þegar endurskoðun
regluverksins hófst 2010 er ekki sami
raunveruleiki og er 2018. Þetta er lif-
andi verkefni“.
Ísland best í fjarskiptainnviðum
 Viðurkenning afhent á fundi um framtíð og stöðu fjarskipta  Undirstrikar
markvissa stefnu stjórnvalda  Endurskoða allt regluverk um fjarskipti
Ljósmynd/Samgöngu- og sveitarstjórnarráðuneytið
Viðurkenning Houlin Zhao, aðalritari Alþjóðafjarskiptasambandsins og
Sigurður Ingi Jóhannsson, samgöngu- og sveitarstjórnarráðherra.