Morgunblaðið - 12.04.2018, Blaðsíða 45

45
MORGUNBLAÐIÐ FIMMTUDAGUR 12. APRÍL 2018
Vetur víkur fyrir vori Þótt sums staðar sé enn frost og snjór bera æ fleiri staðir þess merki að hlýjan sækir á.
Árni Sæberg
Borgin á að þjóna
íbúum sínum. Það er
hennar eina hlutverk.
Þannig sinna skólar
borgarinnar börn-
unum okkar á mikil-
vægustu mótunar-
árum þeirra. Þá ber
Reykjavíkurborg að
tryggja að fólk kom-
ist greiðlega á milli
staða. Enn fremur á
borgin að gæta þess
að framboð lóða og húsnæðis sé
nægt. Fjölmargt annað ber borg-
inni að gera en víða er misbrestur
á að þjónustan sé í lagi. Þetta
staðfesta þjónustukannanir Gall-
up, en þar er Reykjavík langneðst
á meðan íbúar í nágrannasveit-
arfélögunum eru hæstánægðir
með sín sveitarfélög.
Á síðustu árum hefur kerfið
vaxið og versnað, enda er stórt
kerfi og flókið ólíklegt til að virka
vel. Á öllum sviðum stjórnsýsl-
unnar hefur stjórnkerfið orðið
þyngra. Á sama tíma og flest fyr-
irtæki einfalda þjónustu sína og
notast við rafræn og sjálfvirk
kerfi fer Reykjavík í átt til gam-
aldags stjórnsýslu. Erindum er
svarað seint. Stundum alls ekki.
Þegar við ferðumst til útlanda er
allt ferlið rafrænt, frá miða-
kaupum til innritunar. Því er öf-
ugt farið í Reykjavík. Í stað þess
að kostnaður lækki með því að
nota rafræna stjórnsýslu vex hún
hratt. Eitt dæmi er „skrifstofa
um miðlæga stjórnsýslu“ sem
kostaði heilar 1.872 milljónir árið
2011 og þótti mörgum nóg um.
Nú er talið að „skrifstofa um mið-
læga stjórnsýslu“ kosti tvisvar
sinnum meira á þessu
ári eða þrjú þúsund
fjögur hundruð tutt-
ugu og eina milljón!
Kostnaðurinn held-
ur áfram aukast. Á
næsta ári á svo að
fjölga borgarfulltrú-
um úr 15 í 23. Það
kostar sitt. Skrifstofa
borgarstjóra kostaði
157 milljónir árið
2009 en áætlaður
kostnaður við skrif-
stofuna nú er 820 milljónir á þessu
ári. Það er nokkuð hressileg
hækkun. Þó verið geti að fleiri
verkefni séu komin á skrifstofu
borgarstjóra er ljóst að þessi út-
þensla stjórnsýslunnar skilar sér
ekki til íbúa borgarinnar. Í fjár-
hagsáætlun fyrir síðasta ár var
gert ráð fyrir 700 fullbyggðum
íbúðum í Reykjavík en eins og al-
kunna er urðu þær aðeins 322.
Það er ekki víst að fjölmennari
miðstýrðar skrifstofur skili sér í
bættri útkomu, að minnsta kosti
skriplar stjórnkerfið hér á sköt-
unni í eigin áætlunum.
Nútímavætt og einfalt stjórn-
kerfi er mun vænlegra til árang-
urs. Minnkum kerfið, enda kostar
það sitt og setjum fjármagnið í
þjónustu við íbúana.
Eftir Eyþór Arnalds
»Minnkum kerfið,
enda kostar það sitt
og setjum fjármagnið í
þjónustu við íbúana.
Eyþór Arnalds
Höfundur er borgarstjóraefni
Sjálfstæðisflokksins.
Kerfið kostar sitt
Rekstrarafkoma
Hafnarfjarðarbæjar
fór fram úr björtustu
vonum á síðastliðnu
fjárhagsári. Sú já-
kvæða niðurstaða kem-
ur fram í nýfram-
lögðum ársreikningi
fyrir árið 2017. Af-
gangur af rekstrinum
nam 1.326 milljónum
króna og var hann 770
milljónum króna meiri
en áætlanir höfðu gert ráð fyrir. Þá
var veltufé frá rekstri 3.646 milljónir
króna eða um 14,4% af heildar-
tekjum.
Það sem skiptir miklu máli í þess-
ari góðu niðurstöðu er að annað árið
í röð voru engin ný lán tekin og lang-
tímaskuldir greiddar meira niður en
ráð var fyrir gert. Þá voru allar
framkvæmdir ársins fjármagnaðar
fyrir eigið fé bæjarins. Meðal helstu
framkvæmda eru bygging nýs skóla
í Skarðshlíð, hjúkrunarheimilis við
Sólvang og æfinga- og kennslu-
húsnæðis á Ásvöllum.
Skuldaviðmið Hafn-
arfjarðarbæjar er nú
komið niður í 135%
sem sýnir að fjárhagur
sveitarfélagsins hefur
styrkst verulega und-
anfarin ár og hefur
skuldaviðmiðið lækkað
mun hraðar en áætl-
anir gerðu ráð fyrir.
Bærinn er því ekki
lengur undir eftirliti
eftirlitsnefndar með
fjármálum sveitar-
félaga. Með auknum
fjárhagsstyrk bæjarins hefur fjár-
magnskostnaður lækkað á milli ára
og er mjög mikilvægt að sú þróun
haldi áfram, enda er peningum bæj-
arbúa betur varið á flestan annan
hátt en í vaxtagjöld.
Ráðdeild og festu áfram
Þessi góða rekstrarniðurstaða
kemur í kjölfar ítarlegrar end-
urskipulagningar á rekstrinum og
sýnir að með ráðdeild, aga og skyn-
samlegri fjármálastjórn er hægt að
ná góðum árangri á tiltölulega
skömmum tíma. Við sjálfstæðis-
menn í Hafnarfirði viljum halda
áfram á sömu braut á næstu árum.
Styrkja enn frekar fjárhagsstöðu
bæjarsjóðs en einmitt þannig er
unnt að efla þjónustu við bæjarbúa,
halda áfram að lækka álögur og
gjöld og ráðast í ný verkefni. Mark-
miðið er að koma Hafnarfirði í allra
fremstu röð sveitarfélaga í landinu
þegar litið er til fjárhagslegs styrks,
hás þjónustustigs og hóflegrar
gjaldtöku. Við erum á réttri leið og
fáum við sjálfstæðismenn umboð
kjósenda nú í vor mun sú ráðdeild og
festa sem einkennt hefur þetta kjör-
tímabil halda áfram í Hafnarfirði,
bæjarbúum öllum til heilla.
Eftir Rósu
Guðbjartsdóttur » Annað árið í röð voru
engin ný lán tekin og
langtímaskuldir greidd-
ar meira niður en ráð
var fyrir gert.
Rósa
Guðbjartsdóttir
Höfundur er formaður bæjarráðs
Hafnarfjarðar.
Fjárhagur Hafnar-
fjarðarbæjar styrkist
Þeir sem fylgjast
grannt með ákvörð-
unum Dags B. Egg-
ertssonar borgar-
stjóra sjá fljótt að
hann er gjarn á að
sópa skítnum undir
teppið. Hlutverk mitt
sem borgarfulltrúa er
að hafa eftirlit með
störfum Dags og þeg-
ar tilefni gefst að
spyrja hann spurninga. Oftar en
ekki líður hins vegar langur tími
frá því að ég spyr og þar til Dag-
ur fæst til að lyfta upp teppinu. Á
fundi borgarstjórnar fyrir
skömmu upplýsti borgarstjóri
loksins hvað sú ákvörðun hans
hefur kostað borgarsjóð að taka
yfir rekstur gistiskýlis fyrir heim-
ilislausa karla og hafna tilboðum
Samhjálpar og Hjálpræðishersins
í reksturinn.
Áður en Reykjavíkurborg ákvað
að taka yfir reksturinn hafði Sam-
hjálp um nokkurra ára skeið rekið
gistiskýlið við góðan orðstír. Dag-
ur taldi hins vegar að Reykjavík-
urborg gæti sparað í rekstrinum.
Nú er komið í ljós að svo var ekki.
Tilboð Samhjálpar um reksturinn
hljóðaði upp á 81 m. kr. á ári.
Sambærilegt tilboð barst frá
Hjálpræðishernum. Eftir að
Reykjavíkurborg tók yfir rekstur-
inn hefur kostnaðurinn hins vegar
farið úr böndunum. Þannig hækk-
aði hann um 25% (101 m. kr.) árið
2016 og og önnur 25% (126 m. kr.)
árið 2017. Í viðtali fréttastofu
RÚV við framkvæmdastjóra Sam-
hjálpar 21. febrúar
2015 varaði hann við
því að reksturinn yrði
dýrari í höndum borg-
arinnar: „Ég tel per-
sónulega að það verði
dýrara fyrir borgina
að reka þetta […] op-
inberi geirinn er dýr-
ari en félagasamtök.“
Dagur taldi sig hins
vegar vita betur.
Því miður virðist
sem í hverju skoti sé
skúm og ryk hjá
borgarstjóra. Þetta litla dæmi um
kostnaðinn af rekstri gistiskýlisins
er auðvitað aðeins birtingarmynd
þeirrar óstjórnar sem er á rekstri
borgarinnar. Í grein sem ég ritaði
í Morgunblaðið 29. mars sl. dró ég
þá ályktun að mikil skuldasöfnun
A-hluta borgarsjóðs, á tímum
gríðarlegrar tekjuaukningar, væri
merki um vonlausa fjármálastjórn.
En síðan má auðvitað spyrja hvort
Dagur „stjórni“ í raun borginni,
hvort hann sé einfaldlega upptek-
inn við annað!
Soffía frænka:
„Í hverju skoti
skúm og ryk“
Eftir Sveinbjörgu
B. Sveinbjörns-
dóttur
Sveinbjörg B.
Sveinbjörnsdóttir
»Eftir að Reykjavík-
urborg tók yfir
reksturinn hefur kostn-
aðurinn hins vegar farið
úr böndunum. Þannig
hækkaði kostnaðurinn
um 25% árið 2016 og
önnur 25% árið 2017.
Höfundur er óháður borgarfulltrúi.
sveinbjorgbs@reykjavik.is